"Анама арналған жыр жолдарым"

Ана

Ана көктем, ана бақыт бесігі,

Ізгілік пен мейірімнің есігі.

Ғұмыр берген адамзаттың бәріне

Әр перзенттің жүрегінде есімі.

Шаңырақтың анашым ол шырағы,

Өн бойында мейірімнің бұлағы.

Тіршіліктің салтанаты анамның,

Мөлдіреген жанарында тұрады.

Жылылығы қара тасты жібіткен,

Алақаны жұмсақ оның түбіттен.

Жан анамның шуағына шомылып,

Келем өмір сүріп мен.

Аман болсын анам менің мерекем,

Өмірдегі аяулы жан сен екен.

Құтты болсын, ұзақ жаса анашым

Құтты болсын наурыздығы мерекең.

Сүйікті анам

Сүйікті анам туралы

Мен сізге айтып берейін.

Мейірімді анаммен

Мақтанып бір сәт көрейін.

Жүректен шыққан лебізбен

Жыр жолдарын төгейін.

Анашым бүкіл ғұмырым,

Жылдарым ұзақ өмірім.

Ғұмырды мынау жалғанда

Анасыз қалай сүрейін?!

Сүйікті менің анашым,

Ана боп әркез қаласың.

Балаңа емес тек қана

Әлемге барлық панасың.