Анама бәрін арнаймын

ТАҚЫРЫБЫ: Анама бәрін арнаймын

Күні: 15.11.2017ж.

Кенжебекова Ш.С.

Сынып/топ: 0 «Ә»

Қатысқандар саны:

Қатыспағандар саны:

ҰОҚ оқытылу мақсаты

0.1.1.1 Сөздер мен фразалардағы дыбыстарды дұрыс дыбыстау

0.1.2.2 Ауыспалы мағынадағы сөздерді, бейнелі теңеулерді түсіну, оларды сөйлегенде қолдану

0.1.6.2 Өз тәжірибесі негізінде әңгіме құрастыру

0.2.1.1 Тыңдалған мәтіндегі ақпаратты сурет, сызба, белгілер қолданып жеткізу

Күтілетін нәтиже

Барлық тәрбиеленушілер: Дыбыстарды дұрыс дыбыстайды. Тыңдалған мәтіндегі ақпаратты сурет, сызба, белгілер қолданып жеткізеді.

Көпшілік тәрбиеленушілер: Өз тәжірибесі негізінде әңгіме құрастырады.

Кейбір тәрбиеленушілер: Ауыспалы мағынадағы сөздерді, бейнелі теңеулерді түсінеді, оларды сөйлегенде қолданады

Тілдік мақсат

Тәрбиеленушілер: Сұрақтарға жауап береді, әңгіме құрап айтады. Сөздік қорын кеңейтеді.

Көптілділік: ана – мама – mother.

Негізгі терминдер мен сөз тіркестері: сөйлемді аяқта, сызбаға қарап әңгімеле, неге теңеп еркелетеді.

Пікір алмасу сұрақтары:

Cендер аналарыңды жақсы көресіңдер ме? Не үшін жақсы көресіңдер?

Ол қандай адам?

Өткен ҰОҚ алған білім

Отбасы туралы білімі бар.

Жоспар

Жоспарланған уақыт

Жоспарланған іс-әрекет

Ресурстар

І. Дұрыс әсерлі көңіл күй орнату.

3 -минут

ІІ. Мақсатты болжам.

2-минут

- Балалар, бізге бірнеше қонақтар келген. Қонақтармен амандасып алайық.

-Сәлеметсіздер ме!

-Здраствуйте!

-Good morning teacher!

-Балалар , сабағымызды өлең жолдарымен бастайық.

Үлкендерді сыйлаймыз Айтқандарын тыңдаймыз Анамызга көмектесіп

Біз бақытты баламыз.

(Гүлдер арқылы топқа бөлу: қызыл, сары, көк)

-Балалар, мен сендерге әртүрлі гүлдерді таратып бердім. Ол гүлдерді не істеуге болады.?

-Анамызға сыйлаймыз.

-Өте жақсы , балалар!

ҰОҚ ортасы

ІІІ. Тақырып бойынша жұмыс

17-минут

Ал сендер аналарыңды жақсы көресіңдер ме?

• Не үшін жақсы көресіңдер?

• Ол қандай адам?

• Сендердің қандай істеріңе қатты ренжиді?

• Ал қандай істеріңе керісінше қатты қуанады?

• Сен анаңды жиі қуантасың ба?

• Үй шаруасында аналарыңа қандай көмек бересіңдер?

(Балалар өз аналары туралы әңгімелеп айтып береді.)

Әліппе-дәптермен жұмыс.

1-тапсырма. Үй шаруасында анаңа қандай көмек көрсетесің? Суреттерден белгілеп көрсет және айтып бер.

Дидактикалық ойын: «Мен де!»

Шарты: Педагог айтқан іске келіссе, балалар

«Мен де!» – деп қосылып айтып отыру керек, ал келіспесе, «Жоқ» – деп наразылықтарын білдіруі қажет. Мақсаты: балалар дұрыс іс пен дұрыс емес іс- әрекетті ажырата білуге, мұқияттылыққа үйренеді.

П: Мен анамды жақсы көрем! Б: Мен де!

П: Мен анама көмектесемін! Б: Мен де!

П: Жұмыстан келгенде қарсы аламын. Б: Мен де!

П: Ойыншығымды шашып тастаймын. Б: Жоқ!

П: Киімімді жинап қоямын. Б: Мен де!

П: Ыдыстарды жуып қоямын. Б: Мен де!

П: Ініме мен қарамаймын, оны жылатамын. Б: Жоқ!

Педагог осы тектес сөздерді тез-тез айтып, балаларды шатастыруға тырысады, балалар барынша мұқият болып, анасын ренжітетін іске келіспейді.

Сергіту сәті.

Әліппе-дәптермен жұмыс:

2-тапсырма. Анаң сені қалай еркелетеді? Еркелеткенде неге теңейді, суреттердің ішінен тауып белгіле және айтып бер.

– Балалар, аналарың сендерді қатты жақсы көреді екен, оны мен сендерді еркелететін теңеулерден байқадым. Ал сендер аналарыңды қалай жақсы көресіңдер, оларды неге теңер едіңдер?

3-тапсырма. Топтық жұмыс«Менің анам». Сызба бойынша өзіңнің анаң туралы әңгіме құрастыр.

-Балалар, ана сөзін үш тілде айтып көрейік: ана – мама – mother. -Балалар, ана туралы өлең білеміз бе?

( Балалардың өлеңдерін тыңдау)

Әліппе-дәптер

Әліппе-дәптер

ІV. Сабақтың қортындысы. Рефлексия

3- минут

Педагог қорытынды жасайды. Балаларды марапаттайды.

(Ө) Рефлексиялық бағалау: өз жұмысыңды бағалап қорыту.

Балаларға екі түсті гүлдер таратылады. Олар «ана» сөзін жазады.

-Балалар бүгінгі сабаққа түсінген болсаңдар қызыл гүлдерді жапсырасыңдар, егер түсінбесеңдер сары гүлдерді жапсырасыңдар.

Әліппе-дәптер, түрлі түсті қарындаштар