Дүниетану пәнінен «Жұлдызды сәт» интеллектуалдық ойын

Ойынның мақсаты:

1.Оқушының дүниетану пәнінен алған білімдерін жүйелеу

2.Оқушылардың танымдық белсенділігін сөздік қорын ой-өрісін арттыру.

3.Табиғатты қорғауға,оны сүюге тәрбиелеу.

Сабақтың түрі. Ойын,жарыс сабақ

Сабақтың жоспары:

1.Ұйымдастыру кезеңі (психологиялық дайындық)

2.Топтарды таныстыру

3.Интеллектуалдық сұрақ

4.Логикалық тапсырмалар

5.Құпия сурет

6.Жұмбақтар шешу

7. «Сөз құра» ойыны

8.Мақал-мәтелдерді жалғастыр

9. Сурет салу «Табиғатты қорғау»

Сабақтың барысы

Кіріспе: -Құрметті оқушылар,қонақтар! Дүниетану пәнінен «Жұлдызды сағат» интеллектуалдық ойнымызды бастаймыз Дүниетанудан алған білімізді ортаға саламыз.

Психологиялық дайындық

Бәйгеге түсіп жарыспай,

Жүйріктің бағы жанар ма?

Білім мен өнер жарысып,

Тәрбие,тәлім табар мән

Бұл бәйге ойдың бәйгесі

Кім жүйрік ойға,сол алда.

1 топ «Білімділер»

2 топ «Тапқырлар»

3- топ « Алғырлар»

Әділқазылар алқасын сайлау.

Интеллектуалдық сұрақтар (қима қағаз арқылы)

2-сынып

1. Құрып бара жатқан өсімдіктер мен жануарларды қорғау кітабы.
2.Тағам талғамайтын жануарларды ата

3.Құбылнама дегеніміз не?

4.Астана қаласының басты символы не?

5.Өсімдіктің мүшелерін ата

3-сынып

1.Сипап сезу мүшесін ата?

2. Жылу сүйгіш өсімдіктер. (мақта, жүгері, күріш, жүзім, қауын, қарбыз) 
3.Сүтқоректілерді ата

4.Ылғал сүйгіш өсімдіктер

5.Табиғат құбылыстарын ата

4-сынып

1.Жанғыш пайдалы қазбаларды ата? (мұнай,көмір,газ)

2.Адам денесін қозғалысқа келтіретін мүше (қаңқа)

3.Ас қорыту мүшелерін ата (ауыз қуысы,жұтқыншақ,өңеш,қарын,ішек)

4. Жердің кішірейтілген бейнесі (глобус) 
5. Жер шарында неше мұхит бар? (4: Атлант, Тынық, Үнді, Солтүстік Мұзды мұхит) 

Логикалық тапсырмалар

1.Беті қатқан ,үстімен жүргенде ғана ойылатын қар- мұз

2.Кірпіге ұқсайтын өсімдік-кактус

3.Қоңыздың үш жұп аяғы бар. Қоңыздың неше аяғы бар?-6 аяғы

4.Бұлттан бөлініп жерге түсетін су тамышлары –жаңбыр

5.Мұз күйінде түсетін кішкене домалақ жауын-шашын- бұршақ

6.Көктемде ерте шығатын гүл- бәйшешек

7.Екі пілдің құйрығы нешеу? 2

8.Үш тышқанның неше құлағы бар?6 құлағы

9.Неше ай «Р» әрпімен аяқталады? 2

10.Қазандағы суға пісетін еттің нәрі, сұйық майлы тамақ- сорпа

11.Жүрсең алдыңнан ереді, бірақ орнында қалады- із

12.Үстел үстіндегі балықтардың үйі-аквариум

13.Сиырдың қауіпті мүшесі? Мүйіз

Құпия сурет

Суретте неше жануар жасырынған?

Жұмбақтар шешу

1 топ

1.Үлкен алтын табақтан,

Әлемге нұр таратқан (Күн)

2.Жаңбыр жуды жерімді

Көкте өрмек керілді (кемпірқосақ)

2.Суда қалқиды

Жылыда балқиды (мұз)

3.Шөпті жапырып

Құмды сыпырып

Қоқысты үсіріп

Әкеткен не шүйіріп? (құйын)

2 топ

1.Жерді тырнап,

Бұтаны ырғап

Шөпті сипап

Ұшырды зырлап

Жанын қинап

Ұлқиды зырлап (боран)

2.Дауыл ақ дән ұшырып,

Шашып өтті аспаннан

Шекемізді ісіріп

Қаштық үйге сасқаннан (Бұршақ)

3.Аяғы жоқ,қолы жоқ

Бірақ тыныш тұрмайды

Сақтамасаң-қорын тек

Барша тірлік құрайды (су)

3-топ

1.Бүгін киген ақ тоным, 
Болар ертең қара тон, 
Қара тоным аздан соң, 
Болып кетер ала тон. (қыс, жаз мезгіліндегі жер) 
2.Бір түкті кілем, 
Бір түксіз кілем. (аспан мен жер) 
3.Қаласы бар, үйі жоқ, 
Өзені бар, суы жоқ. 
Орманы бар, бүрі жоқ, 
Бақшасы бар, гүлі жоқ. (карта) 

«Құпия сурет»

(Құпия суреттің бөліктерін құрастыру. Шыққан суреттен әңгіме құрастыру.

Сергіту сәті: «Орманға серуен» 
- Балалар, бәріміз орманға серуендеп келейік! Бәріміз орманға келе жатырмыз. Алдымен үйден шыққан кезде қораның жанында жүгіріп бара жатқан нені көреміз? 
- Тауықты көреміз. 
- Ал, тауық қалай дыбыс шығарады? 
- Қоқ – қоқ – қоқ. 
- Кетіп бара жатырмыз, бір кезде шарбақта біреу қонақтап отырғанын көреміз. Ол не? 
- Әтеш. 
Әтеш қандай дыбыс шығарады? 
- Ку ка ре ку, ку ка ре ку, ку ка ре ку. 
– Орманға серуендеп бара жатырмыз! Жүріп келеміз, жүріп келеміз. Бақшада күн бағыстың үстінде не отыр? 
– Торғай. 
- Торғай дәндерді теріп жеп жатыр. Оны қалай қуамыз? 
- Кіш, кіш, кіш! 
- Торғай ұшып кетті. Жүріп келеміз, жүріп келеміз. Орманда біз аюды көрдік. Аю қалай жүреді? 
- Аю қорбаңдап жүреді. 
- Жүріп келеміз, жүріп келеміз. Алдымыздан өте қорқақ аң – қоян шықты. Ол қаша жөнелді. Қоян қалай жүгірді? 
- Ытқып – ытқып жүгірді. 
- Балалар, біз орманға серуендеп, бой сергіттік. Осы байлығымыздың барлығын қорғауымыз керек

(«Сөз құра» ойыны.)

1-топ«Қолшатыр»сөзінен бірнеше сөз құрау

2-топ «Найзағай»

3-топ «Кемпірқосақ»

Мақал-мәтелдерді жалғастыр

1.Ағаш жапырағымен, жер-..... топырақпен

2.Гүл қайда болса, көбелек... сонда

3.Балық басынан...шіриді

4.Табиғат тал-....бесік

5.Жер таусылмайтын... қазына

Тапқырлар

1.Жер отты болса,мал... сүтті

2.Жер қазына

Су –алтын

Мал-... байлық

3.Аспанда тіреу жоқ,

Жерде .... жоқ белдеу

4.Алтын тағың болғанша

Алақандай ... болсын жерің

5.Қыстың көзі.. қырау

Алғырлар

1.Бұлақ көрсең ... аз көзін

2.Сулы жер құрақсыз болмас

Таулы жер... болмас бұлақсыз

3.Жердің сәні егін, ердің сәні... білім

4.Найзағай көп болса ... аз жаңбыр

5.Жер ана,ел ... бала

Шығармашылық тапсырма

Әр топ «Табиғатты қорғау» атты тақырыпта сурет салу. Суретті қорғау