Ашық ұйымдастырылған іс-әрекет кезеңі

Тақырыбы: «Қыс қызығы»
(Дәстүрлі емес бейнелеу және шығармашылық әрекеттер)

Жасы: 3-4 жас

Ұйымдастыру формасы: Топтық жұмыс

Сабақтың мақсаты:

Балалардың қыс мезгілі туралы түсінігін кеңейту, эстетикалық талғамын, шығармашылық қабілетін, ұсақ моторикасын дамыту,бірлесіп жұмыс жасауға үйрету.

Міндеттері:

• Дәстүрлі емес сурет салу әдістерімен таныстыру

• Мүсіндеу және жапсыру арқылы қол қимылдарын дамыту

• Түстерді ажыратуға, композиция құрауға үйрету

• Топпен жұмыс жасауға баулу

• Қуаныш пен қызығушылық сезімін ояту

Ұйымдастыру кезеңі

Шаттық шеңбері

Тәрбиеші:

Аспанымыз ашық болсын,

Деніміз сау болсын

Еліміз тыныш болсын

Бәріміз күндей жарқырайық

Бәріміз тату дос болайық.

Негізгі бөлім

Балаларды екі топқа бөлу

(қар мен аққала суреттері арқылы)

1. «Аққалалар»

2. «Қар ұлпалары»

1-топтық жұмыс: Мүсіндеу:

1-тапсырма: «Аққалалар» тобы, талдың бұтағына ақ түсті ермексазды домалатып жабыстыру.

«Қар ұлпалары» тобы, Қаңтар айының ең басты символы – Аққала. Бұл тапсырма қолдың ұсақ моторикасын (домалату) дамытады.

• Әдісі: Ермексазды алақан арасында айналдыра домалату.

• Қажетті құралдар: Ақ түсті ермексаз, қызғылт сары (мұрны үшін) ермексаз, дайын картон негіз.

• Тапсырма: Балалар ақ ермексаздан екі түрлі (үлкен және кіші) шар домалатады. Оларды бір-бірінің үстіне қойып, бетіне мұрнын (сәбізін) жапсырады.

2-топтық жұмыс: Жапсыру (аппликация)

«Аққалалар» тобы «Қолғапқа арналған өрнектер»

«Қар ұлпалары» тобы «Қысқы баскиімге арналған өрнектер»

Әдісі:
Дайын пішіндерді желімдеу

Қажетті құралдар:

• Түрлі-түсті қағаздан қиылған қолғап пішіндері

• Ақ түсті кішкентай шеңберлер (қар бүршіктері)

• Жұлдызшалар

• Мақта

Тапсырма:
Балалар өздеріне ұнаған қолғапты таңдап, оның бетін өрнектермен әшекейлейді. Қолғаптың жиегіне мақта жапсырып, «үлпілдек» етеді.

Сергіту сәті

«Тоңса біздің қолымыз» сергітуі:

Тоңса біздің қолымыз, (Қолдарын уқалайды)

Шапалақты ұрамыз. (Шапалақтайды)

Тоңса біздің аяғымыз, (Аяқтарын көрсетеді)

Тіпір-тіпір басамыз. (Секіреді)

Ойын:

Түрлі-түсті қағаздардан нақты 4 түстен шеңберлер қиылып үстел үстіне тізбектеп қойып,балалардың қолына екі таяқшаға түрлі түсті төрт түсті жабыстыру,сол қолындағы түстермен үстел үстіндегі түске сәйкестендіру.

3-топтық жұмыс: Сурет салу.

1. «Аққалалар» тобы Көк қағазда бейнеленген қоңыр ағаштың суретіне мақта таяқшасымен ақ түсті гуашпен нүктелі бояу.

2. «Қар ұлпалары» Көк қағазда бейнеленген қоңыр ағаштың суретіне саусақпен нүктелі ақ түсті гуашпен бояу.

Шығармашылық эксперимент

«Жасырын сурет»

(Балауыз бен акварель сиқыры)

Дайындық:
Ақ қағазға алдын ала ақ балауызбен көрінбейтін суреттер салынады
(жүрекше, жұлдыз, аққала, күлімдеген бет).

Тапсырма:
Балалар кең қылқаламмен көк немесе күлгін түсті сұйық акварельді қағаз бетіне жағады.

Ерекшелігі:
Бояу жағылған сәтте қағаз бетінде аппақ «сиқырлы» суреттер пайда болады.

Мағынасы:
Таңғалу сәті баланың шығармашылыққа деген қызығушылығын арттырады.

Қорытынды:

Қар қандай? «ақ,жұмсақ»

Қардың түсі қандай?

Қар қай мезгілде жауады?

Біз не жасадық?

Қыс мезгілі қандай?

Мадақтау сөздер:

Сендер өте ұйымшылсыңдар! Жарайсыңдар!

Ақылды,ұйымшыл балаларсыңдар!

Ашық ұйымдастырылған іс-әрекет кезеңі

Тақырыбы: «Қыс қызығы»
(Дәстүрлі емес бейнелеу және шығармашылық әрекеттер)

Жасы: 3-4 жас

«ҚҰЛЫНШАҚ» АРАЛАС ТОП