«Аққу қаздар» ойыны

Бірінші кіші «Айналайын» тобындағы ұйымдастырылған оқу қызметінің конспектісі.

Тәрбиеші:Муканова Д.Д.

Күні: 26.03.2019ж.

Білім беру саласы: Тіл дамыту. Көркем әдебиет

Өтпелі тақырып: «Алғашқы сыңғырлаған тамшылар»

Тақырыбы : «Аққу қаздар» ойыны

Мақсаты: Ересектермен қарым- қатынас ережелерін сақтауға үйрету.

Тәрбиелік: өзге адамға мейірімділікті, қамқорлық қатынасты білдіруге ниеттеуді жалғастыру

Оқыту: өзінің көзқарасын білдіруге үйрету

Дамытушылық : ойының мазмұнын түсінуге

Әдіс-тәсілдер: көрсету,түсіндіру,сұрақ жауап, әңгімелесу,ойын.

Ресурстармен қамтамасыз ету: суреттер, түлкі мен қоян

Сөздік жұмыс:  аққу, қаз.

Ұйымдастырылған оқу қызметінің барысы:

1.Ұйымдастыру кезеңі.

Қаңқ, қаңқ, қаздарым,

Тізені сәл бүгіңдер,

Қолды артқа ұстаңдар,

Кәне, қазға ұқсаңдар.

Тектен-текке тұрмайық,

Мойындарды бұрайық,

Бойымызға күш жинап,

Бір тынығып алайық.

Балалар ашық аланда қол ұстасып, шеңбер құрып тұрады. Көңілді күймен балалар қайталайды.

2 Негізгі бөлім. –Балалар, мына суреттерден нені коріп отырсыңдар?

(суретпен жұмыс)

-Бүгін біз, балалар, ерекше әрі қызықты «Аққу мен қаздар» ертегісін ойын арқылы түрлендіреміз.

Қоян қолындағы қораппен кіреді.

-Балалар, бізге қонаққа Қоян келіпті.

Қоян: Сәлеметсіздер ме, балалар? -Сәлем Қоян!

-Қоян, сен бізге не әкелдің?

-Мен мына қорапты тауып алдым, бірақ ішінде не бар екенін білмеймін, ашуға қорқып тұрмын,- дейді қорқақ қоян.

Тәрбиеші: Кәне, маған бер, Қоян, мен ашып көрейін қорапты.

Қоян қорқатын түкте жоқ ішінде аққу мен қаздың баскиімдері.

Балалардан сұрау:

-мынау қандай құстың баскиімі? -Аққу мен қаздың.

Балалар осы қораптан шыққан баскиімдерді киіп, «Аққу- қаздар» ойынын ойнаймыз ба? Балаларға ойын ойнауға келіседі. Бәрі бірдей атсалысып ойнайды.

Сергіту сәті:

Қарлығашқа ұқсайық,

Қане, қанат жазайық,

Қарлығаш боп ұшайық,

Ұшып-ұшып алайық.

3. Қорытынды: -Балалар, сендерге ойын ұнады ма?

-Бүгінгі іс- әрекемізде қандай ертегімен таныстық? Балаларды жасаған жұмыстары үшін мақтау