Педагогтің Т.А.Ә. (болған жағдайда)

Қарашова А.С.

Кумисбекова А.Б.

Күні:

23.04.2025ж.

Сынып: 11

Қатысушылар саны:

Қатыспағандар саны:

Тренинг тақырыбы

Ақылды дайындық – жоғары нәтиже!

Мақсаты

Оқушылардың (немесе қатысушылардың) мотивациясын арттыру;

Уақытты тиімді басқару, мақсат қою, табандылық пен өз-өзіне сенімділік дағдыларын дамыту;

Өз мүмкіндіктеріне сеніп, нәтижеге жету үшін дұрыс жоспар құруға үйрету.

Сабақтың кезені/ уақыт

Педагогтың әрекеті

Ресурстар

Сабақтың басы

– Сәлеметсіздер ме, жас түлектер!
– Бүгін біз ерекше сабақтамыз. Бұл – жай ғана мотивация емес, бұл – өзіңді жеңуге алғашқы қадам!
– Біздің тақырып: "Ақылды дайындық – жоғары нәтиже!"
– Жай ғана көп дайындалу емес, дұрыс, жоспарлы, тиімді дайындық жайлы сөйлесеміз.

Сұрақ: "Қалай ойлайсыңдар, жетістікке жету үшін не маңызды?"

«ҰБТ сөзіне ассоциация»

Презентация

Сабақтың ортасы

II. Негізгі бөлім

• ҰБТ дегеніміз не?

ҰБТ – Ұлттық бірыңғай тестілеу — Қазақстандағы жоғары оқу орындарына түсу үшін өткізілетін негізгі емтихан.

Ол мектеп бітірушілердің білім деңгейін бағалап, ЖОО-ға грантпен түсу мүмкіндігін береді.

• ҰБТ құрылымы (2024–2025 ж. бойынша):

- 3 міндетті пән:

-Оқу сауаттылығы

-Математикалық сауаттылық

-Қазақстан тарихы

-2 бейіндік пән – таңдаған мамандыққа байланысты

(Мысалы: Биология + Химия, Математика + Физика, География + Қазақ тілі және т.б.)

⏰ Тест уақыты: 4 сағат (240 минут)

✍ Жалпы сұрақ саны: 120

Формат: Компьютер арқылы тапсырылады

• Ұпайлар жүйесі:

Пән Сұрақ сан Ұпай саны

Оқу сауаттылығы 10 10

Математикалық сауаттылық 10 10

Қазақстан тарихы 20 20

1-ші бейіндік пән 40 50

2-ші бейіндік пән 40 50

Жалпы балл 120 140

✅ Минималды шекті балл:

-Грантқа түсу үшін: 70–75 ұпай

-Университетке ақылы түсу: 50 ұпай

(кейбір ЖОО немесе мамандықтарға жоғары шек қойылуы мүмкін)

• Гранттар туралы:

-Қазақстанда ЖОО-ға мемлекеттік білім гранттары жыл сайын бөлінеді.

-Гранттар мамандыққа, сұранысқа, аймаққа қарай бөлінеді.

-Грант саны жыл сайын БҒМ (Білім және ғылым министрлігі) арқылы жарияланады.

• Грантты ұтып алу – бәсекеге байланысты:

-Кім жоғары балл жинаса – сол грант алады.

-Тең балл болған жағдайда артықшылықтар ескеріледі (әлеуметтік мәртебе, "Алтын белгі", т.б.)

• Қосымша ақпарат:

-ҰБТ-ны жылына 2 рет тапсыруға болады (негізгі және ақылы қайта тапсыру).

-Грант тағайындалатын негізгі ҰБТ – жазда (маусым–шілде) өтеді.

-Пән комбинациясын дұрыс таңдау өте маңызды, себебі ол мамандық таңдауына әсер етеді.

ҰБТ – тек білім сынағы емес, психологиялық төзімділік, дұрыс стратегия және өз-өзіңе сенімділік емтиханы.

ҰБТ-ға дайындық тек оқу емес — ми мен денеге дұрыс күтім жасау, яғни демалу, тамақтану, ұйқы сияқты факторлар нақты нәтиже береді.

(Топтық жұмыс)

1. Ұйқы – "есте сақтаудың құпия кілті"

Кемінде 7–8 сағат ұйқы – ми толық демалып, жатталған ақпаратты бекітеді

Түнде оқи беру → есте сақтау қабілетін нашарлатады

Кеңес:

• Ұйқы режимін бұзба

• Түнде оқудан гөрі таңертеңгі оқу тиімдірек

Ұйықтар алдында 10–15 мин "қайта шолу" – мида сақталып қалады

Ми — көп энергия жұмсайтын мүше, ал дұрыс тамақ – оның "жанармайы"

2. Тиімді тамақтану – "миға отын беру"

✅ Ми қызметін жақсартатын тағамдар:

Газды сусындар, фаст-фуд, тым тәтті тағамдар – ми белсенділігін төмендетеді

Асқазан бос болса – ми шаршайды

Лайфхак:

Емтихан күні жеңіл, пайдалы таңғы ас іш:

Жұмыртқа + банан + бір стакан су = супер комбо!

3. «Уақытты басқару» 1 апталық дайындық жоспарын құру

Уақытты басқара алмайтын адам қандай болады?

Белгілері:

Істерін соңғы сәтке дейін созады (прокрастинация)

Міндеттерін жиі ұмытып кетеді

Көп жұмыс істегенімен, нәтижесі аз

Тыңғылықты жоспар құрмайды

Демалуға да, жұмысқа да үлгермейді

«Уақытым жоқ» деген тіркесті жиі айтады

Бізден ақыл – сізден нәтиже! (Брашюра тарату)

ҰБТ-ға тиімді дайындыққа арналған құнды лайфхактар кезеңі

1.Эббингауз қисығы – қайта-қайта қайталау

Қайталау кестесі:

• 1 күннен кейін

• 3 күннен кейін

• 7 күннен кейін

• 14 күннен кейін
  → Сонда ақпарат ұзақ есте сақталады!

2.Spaced Repetition – аралық қайталау

Қосымшалар:

• Anki

• Quizlet

✅ Ұмытпас бұрын қайталап отыр → мида сақталады!

3. Mind Map – ақпаратты сызба түрінде жазу

Негізгі тақырып – ортасында
Қосымша ұғымдар – бұтақтармен байланысады
Түрлі түспен – есте сақтау 2 есе жеңіл!

4.Mnemonics – қысқартулармен жаттау

Мысалы:
"ФОНКБ" – Қазақстан өзендері
"СапарК" – Сапа, Пайда, Риск, Құн (Экономика)

Әуенмен немесе рифмамен де жаттауға болады!

«Есте сақтау – көп оқығаннан емес, дұрыс қайталағаннан

жақсарады!»

Стресске қарсы ең мықты құрал — өзіңнің тынысың мен зейінің."Демал, ойды жина, өзіңе сен – нәтиже соңы емес, өзіңнің ертеңің!"

Қателесу – қорқынышты емес" екенін қабылда

- Адам стресс кезінде тек "дұрыс" болуға тырысады, ал бұл – кері әсер етеді.

- Тыныс алу техникасы – жедел тынышталу құралы

- Катарсис әдісі (эмоцияны босату)- күйзелісті жеңілдету үшін эмоцияны сыртқа шығару әдісі. Шар жару арқылы адам өз бойындағы қорқыныш, стресс, уайым сияқты кері эмоциядан арылғандай сезінеді.

«Жас түлектен соңғы сауал» айдары

Видеоролик көрсету

«Армандар картасы»

Оқушылар өз мақсаттарын қағазға жазады (мамандық, балл, университет)

Қызығушылығы мен мақсатына сәйкес жол картасын сызып шығады, қорғайды.

«Бір сәт» айдары

(Сертификат беру)

III. Қорытынды бөлім

Құрметті оқушылар!

Бүгін сендер өздеріңнің армандарыңа, мақсаттарыңа бір қадам жақындай алдыңдар.

Енді алдарыңда не тұрғаны айқын. Сен қайда баратыныңды білесің.

Сенің мақсатың бар. Арманың бар.

Ең бастысы – сол арманға жетуге деген талпыныс пен сенімің бар!

Есіңде болсын:

✨ «Үлкен жетістіктер – кішкентай қадамдардан басталады».

Күн сайын жасаған еңбегің – ертеңгі жеңісіңе бастайды.

Сондықтан сен өз мақсатыңа лайықтысың.

Арманыңнан ешқашан бас тартпа!

ҰБТ – сенің мақсатыңа апарар көпір ғана. Ал арғы жағында – жарқын болашағың тұр!