«Әр қашан күн сөнбесін»«Төсек»

Бірінші кіші «Айналайын» тобындағы ұйымдастырылған оқу қызметінің конспектісі.

Өткізу күні: 04.03.2019ж.

Тәрбиеші: Муканова Д.Д

Білім саласы:Таным.Құрастыру.

Өтпелі тақырып: «Әр қашан күн сөнбесін»

Тақырыбы: «Төсек»

Мақсаты:

Тәрбиелік: балаларды құрылыс материалдарымен жұмыс жасауға үйрету. Дамытушылық: олардың түсін, пішінін, көлемін ажырата алуға дағдыландыру.

Оқыту: педагогтің ұсынған шарты бойынша құрылыс материалдарын кеңістікте дұрыс орналастыра отырып төсекті құрастыра білуге үйрету.

Ресурсты қамтамасыз ету: құрылыс материалдары.

Педагогикалық технологиялар:ойын технология,көрсету,түсіндіру.

I.Ұйымдастырылған оқу қызметінің барысы

1.Сурет арқылы балаларға сұрақ қою. Мысалы:-Бұл не?

II.Негізгі бөлім

1.Әңгімелесу. Балаларға құрылыс материалдарын көрсетіп, олардың көлемін, пішінін, түстерін түсіндіру.

2.Үлгі көрсетіп, төсекті қалай құрастыруға болатыны туралы айту.

3.Саусақ жаттығу.

Қуыр-қуыр қуырмаш

Балапанға бидай шаш

Саусақтарын әйбат,

Былай-былай ойнат.

4. Құрастыру кезінде бір бірін қағып кетпеу.

5.Жұмыс барысы.

-Төсекті құрастыру үшін ұзын кірпішті жалпағынан қою керек, оның екі жағына қысқа кірпіштерді көлденең орналастыру қажет екенін көрсетіп, түсіндіру. Үлгідегі суретті көрсете отырып, оны қалай жасауға болатынын қимыл- қозғалыс арқылы көрсетеді. Іс- әрекет барысында кірпіштерді жалпағынан қою, көлденең қою, бір- біріне жақындатып қою сияқты тапсырмаларды орындайды

«Қуыршақты ұйықтатамыз» ойыны. Дайын болған төсекке қуыршақты жатқызып, ұйықтатып «Әлди- әлди» әнін айтқызу. Балалар іс- әрекетінің барысында жеке көмек көрсетіліп басшылық жасалады.

III.Қорытынды

-Балалар бүгін сендермен не жасадық?

Әрбір баланың жасаған төсектерін қарап шығу, дұрыс орналасқанына мән беріп мадақтау. Балалардың жасаған жұмыстарынан көрме ұйымдастыру.