«Арайлы алтын күз»

Тақырыбы: «Арайлы алтын күз»

Тобы: ІІ-кіші «Құлыншақ» тобы

Мақсаты:Күзг ітабиғат өзгерістерін бақылап,күз байлығын,әсемдікті,сұлулықты сезіне білуге үйрету.Берекелі күз туралы мағлұмат беріп,тақпақтары м ен ән билер арқылы мерекелік көңіл күй сыйлау.

Ән бөлмесі мерекеге сай безендірілген.

Әсем әуен ойнап тұрады. Балалар күз көрінісімен безендірілген залға кіреді. Зал әсем шарлармен, ойыншықтармен және жапырақтармен әдемі безендірілген.

Жүргізуші: Армысыздар құрметті қонақтар, әріптестер және балабақшамыздың кішкентай бүлдіршіндер.Бүгінгі кіші «Құлыншақ» тобының дайындаған «Арайлы алтын күз» атты мерекелік ертеңгілігіне қош келдіңіздер!

Ел байлығын арттырған берекелі де мерекелі күз мерекесі құтты болсын.

Би:Жапырақтар

Келесі балаларымыздың күзге арналған тақпақтарын тыңдайық.

Абылай:

Жайдары күз,жарқын күз

Аяулы күз, алтын күз.

Дәнге толы ен далам

Дариядай шалқып жүр

Мейірлі күз,мырза күз.

Яссина: Шие

Мен шиемін,шиемін,

Күннің көзін сүйемін.

Қышқыл шырын менде бар,

Төмен басты иемін.

Әмір:Алма пісіп,алмұрт түсіп,

Күзде бақтар жайнайды.

Құстар қайтып, қош айтысып,

Қимас үнмен сайрайды.

Осман: Алма Пісіп тұрған алмамын,

Тамсандырар бал дәмін.

Жерге сілкіп түсірме,

Ісіп кетер маңдайым.

Жания:Алмұрт Тіл үйірген алмұртпын

Таңсығымын бар жұрттың

Жақсы өсіре алмайды

Қараса егер салғырт кім

.Алинұр: Өрік Көктем келсе бүрлеймін,

Ең алдымен гүлдеймін.

Шілде болмай пісемін,

Дастарханға түсемін.

Айсана:Сау-сау етіп жапырақ,

Сабағынан үзілді.

Қоңыр тартып атырап,

Көкте құстар тізілді.

Аделья:

В сентябре наряд из листьев

Поменяет бор:

Он наденет золотистый,

Праздничный убор.

Жүргізуші:

• Балалар менің сендерге бір сұрағым бар, қазір жылдың қандай мезгілі?

Балалар:

• Күз мезгілі!

Жүргізуші:

• Ия! Мінекей, күз мезгіліде келіп жетті. Күз мезгіліне қандай айлар кіреді?

Балалар:

• Қыркүйек, қазан, қараша.

Жүргізуші:

• Ауа-райында қандай құбылыстар болады?

Балалар:

• Күн суытады, жапырақтар сарғаяды, жаңбыр жауады.

Жүргізуші:

• Дұрыс. Ал енді балалар, сендердің өнерлеріңді тамашалауға алыстан қонағымыз келіпті. Кім деп ойлайсыңдар?

Балалар:

• Күз ханшайымы!

Жүргізуші:

• Ендеше Күз ханшайымын ортаға шақырайық!

(Балалардың қошеметімен ортаға Күз ханшайымы жеміске толы себетімен кіріп келеді)

Жүргізуші:

• Қош келдіңіз Күз ханшайымы!

Күз ханшайымы:

Уа,халайық ,дархан далам армысың,

Табиғатым, жаны жайсаң тал мүсін.

Ханшайымы күздің бүгін келіп тұр,

Алмақшы боп бар халқымның алғысын.

• Сәлеметсіңдерме, балалар! қандай әдемісіңдер? Алтын күз мерекесі құтты болсын!

Жүргізуші:

• Сіз өнерлі балалардың ортасына келдіңіз. Балалардың сізге арнаған әндері бар екен, қабыл алыңыз.

Ән: «Алтын күз»

Жүргізуші:

• Ал енді, Күз ханшайымы сіз жайғасып отырыңыз,балалардың сізге арнаған тақпақтары бар екен, бірге тыңдайық

Дамир:

Ала шапан киініп,

Теңкиіпті қарбыздар.

Жесең,тілді үйіріп,

Сусыныңды қандырар.

.

Амина:

Алма,алмұрт піседі.

Жапырақтар сарғайып

Сыбдыр-сыбдыр етеді.

Айша: Күн суытып,

Жапырақтар түседі.

. Астық- жеміс жиылды.

Қамбамызға кұйылды.

Жасмин:

Берекесін сыйлауға,

Өлкемізге күз келді.

Жемістерін жинауға

Шақырады біздерді..

Жанзере:Ақтарады мырза күз,

Уылжыған жемісті.

Күзге бізде ризамыз,

Аянбаған ел үшін

.

Даниэль: Көбейді құт береке,

Астық толы қамбамыз.

Құтты болсын мереке,

Алтын күзді тойлаймыз.

.Жүргізуші: Жарайсыңдар балалар,орындарыңа отыра қойыңдар.

Би:»Флешмоб»

Күз ханшайымы: Керемет билейді екенсіңдер,жарайсыңдар балалар мен сендермен ойын ойнағым келіп тұр.

Ойын: «Кім шапшаң»

(Себетке жемістерді толтырады)

Күз ханшайымы : Керемет! Қызықты ойын болды ия балалар? Шапшаң қимылдайды екенсіңдер.

Жүргізуші: Балалар орнымызға отырамыз.

Күз ханшайымы: Балалар,енді менің сыйымды қабыл алыңыздар.

Балалар:Рахмет.

Жүргізуші: Олай болса тобымызға баруға жиналайық.

Сонымен балалар күз мерекесіне арналған ертеңгілігіміз аяқталды. Рахмет.Топқа барып Күз ханшайымының сыйлығын бөліп беремін.