Тақырыбы: «Арайлы,Алтын күз!»

Мақсат-міндеттері : балалардың күз туралы білімдерін бекіту. күзде табиғатта болатын күзгі белгілерді, құбылыстарды бекіту; балаларды өлеңдерді мәнерлеп оқуға үйрету, балаларға бірлескен іс-шарадан қуаныш сыйлау.

Мерекелік іс-шараны балалар бимен ашады.

Балалар қолдарына жапырақтарды ұстап , орындарына тұрып әуенге билейді.

Тәрбиеші: Балалар бізде бүгін қандай мереке?

Балалар : Алтын күз мерекесі. Молшылық мерекесі.

Тәрбиеші: Онда балалар тақпақ айтамыз ба?

Тақпақтар.: Али,Айя,Аян,Расул,Сұлтан,Айша,Ж.Айбар.

Тәрбиеші: Дұрыс балалар. Күзде қандай құбылыстар болады?

Балалар: Күзде көкөністер мен жеміс –жидектер піседі. Күн салқындай бастайды. Құстар жылы жаққа ұшады. Жапырақтар сарғайып жерге түседі. Жаңбыр жиі жауады.

Тәрбиеші: Жарайсыңдар ,балалар.

Күз: Сәлеметсіңдер ме балалар мен қонақтар. Мен Күзбін . Әдемі әуенді естіп сендерге келіп қалдым балалар. Өнерлеріңді көргім келеді.

Тәрбиеші: Әрине, біздің сыйлы қонағымыз болыңыз.

Күз: Менің қолымда жапырақтар бар, олар жапырақ емес. Жапырақтарымда тапсырмалар бар. Орындасаңыздар мен сендерге тәтті сыйлық беремін. Жарайды ма?

Балалар: орындаймыз.

Күз: онда Ахмад қасыма келіп бір жапырақ таңдашы. (жапырақты таңдап ,тәрбиешіге береді)

Тәрбиеші: Қанеки,қанеки көрейік.

1 тапсырма: Күздің күні ағашта,

Көп жапырақ әдемі.

Күз туралы ән бастар.

Сүйкімді балалар.

Қараңдаршы балалар, Күз ән тыңдағысы келіп тұр.

Ән «Жапырақ»

Жаңбыр дыбысы естіледі.

Ортаға Бұлт жылап келеді.

Тәрбиеші: Салем бұлт. Неге көңілсізсің?

Бұлт: менімен ешкім ойнамайды. Мен келген кезде барлығы да қашып кетеді.

Тәрбиеші: Ал біздер жаңбырдан қорықпаймыз. Ия балалар?

Балалар: Ия.

Тәрбиеші: Ендеше бұлт бізідң балалардың өнерін тамашала. Бірге ойна. (Бұлт қуанады)

Ал келесі жапырақты Тумаш таңдасын. (Жапырақты таңдап тәрбиешіге береді)

2 тапсырма: Ойын.

Мерекеміз қызықты,

Барлығы да көңілді.

Ойын ойнайық балалар,

Сергітіп бойымызды.

Ойын: «Көңілді бұлт»

Шарты: балалар әуенге билейді,әуен тоқтаған соң көздерін жұмып отырады. Бұлт кез –келген баланы жауып отырады. Кім бала екенін балалар табуы керек.

Бұлт: тамаша. Мен балалар жаңбырдан қорықпайтынын білген жоқпын. Рақмет ойын өте көңілді.

Күз: ия ,бұлт, балалар батыр екен. Ал енді келесі жапырақты кім алады? Айлин келе қойшы.

Тәрбиеші: Көрейік.

3 тапсырма: Алтын күзім тамаша,

Алтын болады айнала.

Ойын әрине керемет,

Би билейік жараса.

Би «Бұлт»

Бұлт: Ой тамаша,маған ұнады балалар. Биді де биледім.

Тәрбиеші: Жарайсыңдар балалар. Келесі жапырақты Ж.Айбар таңдасын.

4 тапсырма:

Би билеп, ән де айттық.

Көңіліміз тамаша.

Енді ойын кезегі,

Шаттанайық балаша.

Ойын «Көкөніс пен жемістер»

Шарты: бақшада жатқан жемістер мен көкөністерді жинап себетке салады.

Бұлт, балалармен ойна. Бұл өте көңілді ойын.

Тәрбиеші: Жарайсыңдар , балалар.

Келесі жапырақты алып тезірек келесі тапсырма орындайық. Келесі жапырақты М.Айбар алсын.

5 тапсырма: Күз мезгіліне арналған тамаша ән орындау.

Ән « Күз,күз,күз»

Тәрбиеші: Ал ендеше Күз әдемі қыздарымыздың биін қабыл ал.

Би «Алма»

Тәрбиеші: Күз және Бұлт сіздерге рақмет. Біздің балалар өнерлі, тамаша.

Күз: ия сол үшін менің балаларға беретін тәтті сыйлықтарым бар.

Қоржынын сыйлап кетеді. Бұлт екеуі қоштасады.