«А. Жами атындағы №24 жалпы
білім беретін мектеп» коммуналдық мемлекеттік мекемесінің
директоры:
С.
Е. Аскаров
Аралас мектептердегі
мемлекеттік тілдің оқытылу сапасын
жетілдіру
Мемлекет Басшысы Қ. Тоқаевтың
2019 жылғы 2 қыркүйектегі «Сындарлы қоғамдық диалог- Қазақстанның
тұрақтылығы мен өркендеуінің негізі» атты Қазақстан халқына
Жолдауында белгіленген міндеттерді жүзеге асыру туралы айтылған
болатын. Мемлекет басшысы нақты шаралар негізінде еліміздегі
этникалық топтардың тілі мен мәдениетін дамытуға жағдай жасау және
қазақ тілінің ұлтаралық қатынас тілі ретіндегі рөлін күшейту
қажеттігін атап өтті.
А. Жами атындағы №24 жалпы
білім беретін мектебіміз 3 тілді аралас мектеп болып саналады.
Мектепте жалпы оқушы саны - 582, оның ішінде қазақ ұлты-112, өзбек
ұлты-78, тәжік ұлты-389, өзге ұлт өкілдері-3. Осы оқушылар қазақ,
өзбек, тәжік сыныптарында білім алып жатыр. Оқушылар тек білім алып
қоймай, әртүрлі байқауларға қатысып, жүлдемен оралып жатқан
жағдайлар бар.
Оқушылардың қазақ тіліне деген
құрметі өте ерекше екендігі байқалады, себебі оқушылар қазақ тілін
көркем де таза сөйлеп жүргендігін көреміз. Атап айтар болсақ,
аудандық мәдениет үйі ұйымдастырған «Қазақ тілі- мемлекеттік тіл»
деген өзге ұлт өкілдері арасында өткізілген байқауларда жүлделі
орындар алып келіп, мәртебемізді көтеріп жүрген оқушыларымыз
жетерлік.
Жетісай аудандық тілдерді
дамыту орталығы ұйымдастырған «Тілге құрмет-елге құрмет»
тақырыбында өткізілген байқауларда оқушылар жүлделі орындар алып
келіп жатыр. Аудандық білім бөлімі өткізген олимпиадаға қатысып,
жүлделі орын алып, облысқа жолдама алған оқушыларымыз да бар.
«Адамзаттың бәрін сүй, бауырым деп» тақырыбында халқымыздың ұлы
ақыны Абай Құнанбаевтың қара сөздерін оқу бойынша өткізілген
сайыстарға барып, оқушылар өздерінің Абай еңбектеріне деген
құрметтерін көрсетіп отыр.
Қорытындылай келе, мемлекет
басшысының жолдауын басшылыққа ала отырып, оқушыларымыздың тілге
деген құрметін барынша жандандыра түсеміз және сол бағытта іс
–шаралар алып барамыз.
19 Сәуір 2024
638
