«Әрбір бала – жарық жұлдыз» байқауы

"Әрбір бала – жарық жұлдыз" тақырыбында ата-ана мен бала арасындағы сайыс ерекше форматта ұйымдастырылып, отбасылардың бір-бірін түсінуі мен ынтымақтастығын арттыруға бағытталған іс-шара бола алады. Бұл сайыста ата-аналар мен балалар бір команда болып қатысып, әртүрлі шығармашылық, интеллектуалдық және спорттық тапсырмаларды орындайды.

Сайыстың мақсаты:

Отбасы мүшелерінің бір-біріне деген құрметін арттыру.

Балалардың жасырын қабілеттерін анықтау және дамыту.

Ата-аналар мен балалар арасындағы қарым-қатынасты нығайту.

«Отбасы - қоғамның маңызды буыны және өзінше бір кішігірім ұжым. Көп ұлт өкілдері мекен еткен мемлекетіміздің негізі осы шағын ұжымдардан қаланады. Осы жағынан кез-келген отбасы өзін қоғамның бір бөлігі деп түсінеді»,-деген екен.

Олай болса сол отбасындағы маңызды бір бөлік - бала. Ұстаз, ата–ана және оқушылар арасындағы ынтымақтастықты дамыту, ата-аналардың мектеппен әлеуметтік байланысын нығайту мақсатында біз бүгінгі сыныптан тыс жұмысымызды ұйымдастырып отырмыз. Біздің мақсатымыз - оқушы бойында ата-анаға, ұстазына деген құрметін арттыру. Шара барысында өз бойларындағы икемділіктерін, қабілеттерін орынды пайдаланулары арқылы өз күштеріне, білімдеріне сенімділіктерін қалыптастыру.

Ата-ананың үміті

Тәрбиелеп келесіз

Ел қорғайтын жігітті.

Қыз бой жетіп келеді

Шуақ шашып әр үйге,

Гүлдей жайнап өссінші

Сыйлы болып бәріне.

Ата-ананың жүрегі

Бала деп қана соғады

Баласы жақсы адамның

Басына бақыт қонады.-дей келе құрметті ата-аналар, оқушылар, олай болса біз сайысымызды бастаймыз.

Сайыс бағдарламасы

1.Таныстыру кезеңі: «Менің жұлдызды отбасым»

Әр отбасы өздерін таныстырып, отбасындағы әр адамның ерекше қасиеті туралы айтып береді.

Балалар ата-анасын, ал ата-аналар балаларын мақтау сөздермен сипаттайды.

Бағалау критерийлері: шығармашылық, шынайылық, ынтымақтастық.

2.Шығармашылық сайыс.

" Ұлттық құндылықтар-ұлт қазынасы"

Әр отбасы өз жұмысын қорғап түсіндіреді.

Ата-ана мен бала бірігіп, қағаз, фломастерлер немесе түрлі түсті бояулар арқылы баланың арманын бейнелейді (сурет салу, коллаж жасау).

Бағалау критерийлері: Идеяның ерекшелігі, Жұмыстың маңыздылығы.

Әр отбасы өз жұмысын қорғап, арманын түсіндіреді.

3. Интеллектуалдық кезең.

"Отбасылық эрудиция

Логикалық сұрақтар, жұмбақтар мен викториналар беріледі.

Мысалы:

"Балаларға арнап ата-аналар қандай қызықты әңгімелер айтып бере алады?"

"Балаңыздың ең сүйікті іс-әрекетін атаңыз."

Бағалау критерийлері: жауаптардың жылдамдығы мен дәлдігі.

4. Ойын-спорттық кезең: " Бірге биікке жетеміз"

Қызықты спорттық эстафета ұйымдастырылады:

"Жұлдыз жинау" (кішігірім кедергілер арасынан жұлдыздарды жинау).

Бағалау критерийлері: жылдамдық, ынтымақтастық.

5. Шығармашылық тапсырма: Өз өнері

Ана мен бала бірге өнер көрсетеді.

Ән. би, көрініс т. б.

Отбасы өздері жазған немесе танымал өлеңді, әнді орындайды.

Қолдан жасалған құралдар (ыдыстардан шыққан дыбыс, қол шапалақтау) пайдалануға болады.

Бағалау критерийлері: үйлесімділік, шығармашылыққа ерекше көзқарас.

Жеңімпаздарды марапаттау:

Номинациялар:

"Ең шығармашыл отбасы."

"Ең үлгілі отбасы."

"Ең ақылды отбасы."

"Ең өнерлі отбасы."

"Ең ұйымшыл команда."

"Көрермендер көзайымы."

Жеңімпаздарға мадақтамалар, алғыс хаттар және шағын сыйлықтар беріледі. (кітаптар, тәттілер, т.б.).