«Арман керек адамға...» атты пікірлесу кеші

«Арман керек адамға...»

М-С.Бабажанов атындағы ЖОББ мектебінде жоғары сынып оқушыларына арналған «Арман керек адамға...» атты пікірлесу кеші өткізілді. Кештің мақсаты: кәсіптік бағдар таңдау бойынша оқушыларға психологиялық қолдау көрсету, мамандық таңдау, олардың әдістері туралы білімдерін, түсініктерін кеңейте отырып, мамандықтарға деген ынта-ықыласын, қызығушылықтарын арттыру. Пікірлесу кешіне арнайы кәсіби мамандар шақырылды. Олар: аудандық білім беру бөлімінің заңгері Жексенбаев Айдос Ерболатұлы, төтенше жағдайлардың алдын алу бөлімінің қызметкері Нұржанов Роллан Дарханұлы, №17 өрт сөндіру бөлімінің кызметкері Хамзин Жасұлан Амангелдіұлы, кәсіпкер әрі шаштаразшы Темірешева Жанар Нұрболатқызы, Бөкейордасы колледжі директорының тәрбие ісі жөніндегі орынбасары, тарих пәнінің мұғалімі Умарова Нұргүл Жігерқызы, аудандық қазпошта байланыс торабының кызметкері Хайрушева Шолпан Қайырболатқызы, аудандық аурухана фельдшері Ташуова Жаннұр Есқайырқызы, аудандық ІІБ-нің қызметкері Ерғалиев Еркебұлан Нұрболатұлы және мектебіміздің кітапханашысы Үсенова Балжібек Сұлтанқызы қатысты.

Пікірлесу кеші бірнеше бөлімнен тұрды. Кешті ұйымдастырушы, 11 «а» сыныбының жетекшісі Момынова Мейрамгүл Мәлікқызы келген қонақтарды слайд арқылы таныстырды. Қонақтар өз мамандықтарына байланысты жұмыстарының қызықты сәттерін айтып, өз қалауларымен таңдаған мамандық қашанда жүрекке жақын болатынын айтып өтті. Әрбір мамандық бойынша оқушылардың көкейінде жүрген сұрақтарға кәсіби мамандар толық жауап берді. Сондай-ақ, оқушылар мамандарға түрлі жағдаяттарды мысалға келтірсе, мамандар жағдаяттан шығу жолдарын өз жұмыстарымен байланыстыра отырып жауап берді.

Кеште күй тартылып, ән де айтылды. Оқушылардың бұл шарадан алған әсері мол болды әрі болашақта балаларымыз мамандық таңдауда қателеспей, өмірде өз орындарын таба алады деген сенімдемін.

Кеш соңында мектеп директоры А.Н.Кадимова шақырулы қонақтарға Алғыс хат табыстады.