Аршалы аруы 2017 байқау

«Аршалы аруы- 2017»

аудандық байқауының сценарийі

Өтетін жері: Мәдениет үйі

Өтетін күні: 06.03.2017 ж. сағат:15.00

ФАНФАР

Жүргізуші: Қайырлы күн ханымдар мен мырзалар, құрметті қонақтар!

Армысыздар қуат дарып, құт сыйлаған даласын баптап, ұлыларын ұлықтай білген қонақжай халқым! Аудандық «Аршалы аруы - 2017» ару қыздарының сұлулық байқауына қош келдіңіздер!

«Қазақстан Республикасындағы тілдер туралы » Заңының қабылдануына 20 жыл, 8 Наурыз халықаралық Әйелдер күні мерекесі қарасында аталмыш сайыс ұйымдастырып отыр. Осы додаға әрбір округтен топ жарған дүлдүлдер қатысуда.

Бұл жастар келіп жетті жарысуға,

Бойындағы бар дарынды дарытуға.

Қошаметпен сахнаға шақырайық,,

Әдеппен, ізетпенен танысуға — дей келе үміттерін үкілеп келген ақылына көркі сай сұлу бойжеткендерімізді қошеметпен сахна төріне шақырайық!

1. Жібек жолы ауылы, Иманжүсіп Құтпанұлы атындағы орта мектептің ұстазы- Жанәбіл Әлина

2. Ижев ауылы, Ижев орта мектебінің 11-сынып оқушысы-Садыгова Эльмира- Ариф гызы

3. Жібек жолы ауылы, Новоалександров орта мектебінің ұстазы- Махмұтова Рыскелді Меңдіқарақызы

4. Аршалы кенті, №3 Аршалы орта мектебінің тәрбиешісі-Бейбіт Тоғжан Иманбекқызы

5. Бұлақсай ауылы, Абай атындағы орта мектебінің 11-сынып оқушысы- Құдагелді Ботагөз

6. Константиновка ауылы, Константинов пошталық байланыс торабының басшысы-Гроцкая Милана Жановна

7. Сараба ауылы, Сараба орта мектебінің ұстазы -Сейдахметова Дана Жангелдіқызы

8. Арнасай ауылы, «Василек» балабақшасының әдіскері-Түлепбаева Жұлдыз Жақсыбекқызы

Жүргізуші: Қыздарының аяулы да сұлу болмысын, бүгінгі рухани келбетін дәріптеу, ұлт дәстүрі мен мәдениетін бойына жинақтаған аяулы жандардың тілі мен дінін, ұлттық руханияты мен мәдени мұраларын сүюге, құрметтеуге тәрбиелеу мақсатында өтіп жатқан аудандық «Аршалы аруы - 2017» байқауының қазылар алқасы құрамымен таныс болыңыздар!

Маханов Руслан Жалғасбайұлы-Аршалы ауданының тілдерді оқыту орталығының директоры, қазылар алқасының төрағасы;

Мамбетов Талғат Жаңабергенұлы – Аршалы ауданының білім бөлімі әдістемелік кабинет меңгерушісі, қазылар алқасының мүшесі;

Ахатова Гаухар Қасиденқызы – «Ақ әжелер» ансамблінің жетекшісі, қазылар алқасының мүшесі;

Нұрхан Қуандық –Аршалы ауданының тілдерді дамыту жөніндегі бас маманы, қазылар алқасының мүшесі;

Қасымова Соня Махмудовна - Ижев орта мектебінің қазақ тілі мен әдебиеті пәнінің ұстазы, қазылар алқасының мүшесі;

Жүргізуші: Байқау 4 кезеңнен тұрады. Қатысушыларымыздың өнерлерін 3-5 балдық жүйемен бағаланады. Аруларымызға сахна сыртына шығып дайындалуға рұқсат берейік. Сонымен, сәттілік тілейміз!

Музыкалық нөмір «Іздеме» орын.Жанат Аманғалиев

Жүргізуші:. Әдет - ғұрып, салт – дәстүрі қазақтың,

Жарасымды үйлесімді ғажап шын.

Ұмыт болған дәстүрлерді сақтайық,

Насихаттап, жаңартудан қашпайық..

Халқымыздың салт - дәстүрінен қысқаша театрландырылған көрініс көрсету. (көрініске 5 минут уақыт беріледі, бірнеше адамдармен бірлесіп көрініс көретуіне болады ).

Музыкалық нөмір «Көзіңнің мөлдірін-ай» орын.А.Сембиева, А.Әбен

Жүргізуші: Өнер - білім тапқырлықтың тарланы,

Еңбектегі әріптестер мақтаны.

Өнеріңді ортаға сал, сайысқа

Өнер көрсет, құрбылармен жарыс та- деп.

Екінші кезең: «Өнерім - өмірім» деп аталады( ән айту, би билеу, өлең оқу , әзіл-сықақ, монолог орындау, аспаптарда ойнау т.б.) – 5 минут.

Жүргізуші: Үшінші кезең: «Мен қазақ қыздарына қайран қалам !...» Бұл кезеңде байқауға қатысушылар ұлттық немесе заманауи киім үлгілерінен жарасымды киініп, сахнада сазды шеру жасап үйлесімді ырғақпен еркін жүруі, қимыл - қозғалысы арқылы сыры мен сымбаты, сахна мәдениетін көрсете білулері қажет.

Фон

Жүргізуші: Соңғы төртінші кезең: «Ақыл мен парасат - өмірлік темір қазығым». Бұл кезеңде қазылар алқасы дайындаған сұрақтарға жауап беру қажет. Онда арулардың ақыл - парасаты мен білімі, дүниетанымы сынға түседі, қатысушылар қойылған сұраққа табан астында жауап беріп, тапқырлығымен ақыл пайымын, шешендігі мен интеллектуалдық деңгейін көрсетуі тиіс.

Жүргізуші: Әділ қазылар байқауға қорытынды шығарғанша кезекті әнге берсек.

Жүргізуші :Байқау мәресіне жетті сөз қазылар алқасына беріледі.

Марапаттау

Жүргізуші: Осымен "Аршалы аруы- 2017" аудандық байқауы мәресіне келіп жетті. Ақылы көркіне сай сұлу қыздарымыз ана тілінің қайнар бұлағынан сусындап, ұлтының өнері мен әдебиетін бойына жинақтап, біліктілігімен, өнерімен тәнті ете берсін деген ниетпен біз сіздермен қоштасамыз. Қош сау болыңыздар!