Ас атасы нан

Тақырыбы: Ас атасы - нан

Мақсаты: Нанның дастарханға қалай келетінін, оған көптеген адамдардың еңбек сіңіретінін түсіндіру. Еңбек адамдарын сыйлай білуге, қасиетті тағамымыз нанды қастерлеуге үйрету.

Түрі: әңгімелесу

Көрнекілігі: суреттер, астық дақылдары, нан түрлері, мақалдар

Жүрісі: І. Кіріспе бөлім

• Балалар далада ойнап жүр. Қолында наны бар Берік үйден шықты. Ол нанын жеп тауыспай, лақтыра салып балалармен ойнауға жүгірді. Оны көріп қалған Гүлнұр: - Берік, нанды лақтыруға болмайды, - деді.

• Біздің үйде нан көп, қаласам басқасын жеймін, - деді Берік.

• Сен олай деме, сен өзің нанның дастарханға қалай келетінін білесің бе?

ІІ. Негізгі бөлім

Өлең оқу: «Нан дастарханға қалай келеді?»

- Желкілдеген желменен,

Жерді егін тербеген,

Өсіреді дихандар

Тамшылаған терменен.

Кең жазира теп-тегіс,

Тербеледі нұрланып,

Толқындаған көк теңіз

Егін жатыр ырғалып.

Көзді тартып қиырдан

Көңіліңді ашады.

Күн нұрына тойынған

Кере қарыс масағы.

дала біткен жайдары,

Құлпырыпты , түлепті,

Ақ бидайды айдарлы

Жапан түзде кім екті?

Дихан бабаң екті де,

Еңбектен еш қашпаған,

Алдыңа кеп төкті де,

Аң нанды үйіп тастады.

Суреттермен жұмыс

- Нанның дастарханға келу жолын әңгімелету.

1-оқушы: Нан болмаса бағыңның кетері бар,

Нанмен ғана өмірдің өтері бар.

Жолда жатса егер де бір үзім нан,

Арланбай –ақ сен оны көтеріп ал.

2-оқушы: Елді ырысқа бөлеген,

Ән-өмірің, ән-өлең.

Ер жеткен соң жер жыртып,

Егін салып, дән егем.

Әңгімелесу:

- Балалар, күнделікті жеп жүрген нанның қаншама түрі барын білесіңдер ме?

- Нанның екі жүзден астам түрі бар екен. наннан басқа ұннан жасалатын тағамдар түрлері қаншама!

Көрініс:

Дастарханда шашылып,

Жатты аппақ бауырсақ.

Бауырсаққа қызығып

Қарап тұрып, көзін сап,

- Қайдан келдің, бауырсақ?

Деп сұрады қуыршақ.

- Дүкеннен келдім нан сатқан,

Наубайдан келдім нан жапқан,

- Наубайдан келдің қай жақтан?

- Диірменнен келдім нан тартқан.

- Диірменге келдің қай жақтан?

- Даладан келдім жан-жақтан.

Жер анам мені көсілген,

Дихандар мені өсірген.

Арғы жағым ақ бидай

Тәттімін, о жеп көр, бақшимай.

Жесең өзің байқарсың,

Рахмет айтарсың.

Ситуациялық тапсырма:

Түскі ас ішіліп болған соң, Маржан столдағы нанның қиқымы мен сыпырып алып, қоқысқа тастамақшы болды...

Тақпақтар:

3-оқушы: Нан – ардақты асыл ас,

Аттамас оны кәрі-жас.

Ақ дастархан үстінде

Қол жумай оны ұстамас.

4-оқушы:Нандай жоқ қой асыл дәм,

Жеп үйренген жасымнан.

Дастарханнан нан кетсе,

Береке кетер асыңнан.

5-оқушы: Ей, балалар, балалар,

Болмаңдар, сірә, нанға тар.

Өмірдің алтын арқауы

Бар қасиет нанда бар.

«Нан қиқымын шашпаңдар!» өлеңін хормен айту

ІІІ. Қорытынды бөлім