"АСТАНА -АРМАН ҚАЛА"

Тақырыбы: «Астана - арман қала!»

Мақсаты: Балаларға еліміздің бас қаласы - Астана туралы мәлімет беру.
- Баланың ізгілік қасиетін дамыту. Ойын арқылы балалардың ой - өрісін, қимылын ұштау.
- Отанға туған жерге деген сүйіспеншілігін арттыру, өз елін, отанын сүйетін патриот болуға тәрбиелеу.

Көрнекілігі: Қазақстан республикасының рәміздері.
Астана қаласының ғимараттары.
Әдісі: әңгімелесу, ойын жаттығулар.

Тәрбиеші: Қайырлы таң балалар,
Қайырлы таң қонақтар.
Сіздерді салтанатты мереке Астана күнімен құттықтаймыз!
Жылу шеңбері: Ал енді балалар бір - бірімізге алақанымыз арқылы жылу шеңберін күн секілді жылы жүзбен күлімдеп жылы лебіз білдірейік:
Деніміз сау болсын,
Күніміз күлімдесін,
Еліміз аман болсын,
Ата - анамыз қасымызда болсын,
Бәріміз дос болайық,
Бәріміз бақытты болайық,
Аспанымыз ашық болсын.

Ән: Ән ұран.
Тәрбиеші: Қане балалар орнымызға отырайық.
Біз бүгін сендермен отанымыз туралы әңгімелесеміз: Балалар отан деген сөзді қалай түсінесіңдер.
Балалар: Туған жерім, ата мекенім, отбасым, халқым.
Тәрбиеші: Дұрыс балалар, отан дегеніміз біздің еліміз туған үйлеріміз, өзіміз туып өскен жеріміз.
Біз қай мемлекетте тұрамыз?
Балалар: Қазақстан Республикасы.
Тәрбиеші: Қ. Р президенті кім?
Балалар: Нұрсұлтан Әбішұлы Назарбаев.
Тәрбиеші: Қазақстан Республикасының мемлекеттік тілі қандай?
Балалар: Қазақ тілі.
Тәрбиеші: Қазақстан көп ұлтты мемлекет. Қазақстанда әр түрлі халықтармен ұлт өкілдері тұрады. Соның ішінде қандай ұлт өкілдерін білесің?
Балалар: Орыс, өзбек, түрік, қытай.
Тәрбиеші: Елімізді қандай рәміздерін білесіңдер?
Балалар: Ту. Елтаңба. Әнұран.
Тәрбиеші: Ту, Елтаңба, Әнұран бір сөзбен қалай айтамыз?
Балалар: Рәміздер.
Балалар ту, елтаңба, әнұран туралы білгендерін айтады:
Айғаным: Ту. Біздің республикамыздың мемлекеттік Туы - тік төртбұрышты көгілдір түсті мата. Тудың көгілдір түсі ашық аспан мен тыныштықты білдіреді.
Тудың ортасында күн тұр, ол жылулықты білдіреді. Күннің астында қанат жайған қыран бүркіт бар. Жанында ою - өрнек салынған, алтын түспен берілуі тыныштықты, байлықты білдіреді.
Мансұр: Елтаңба. Қазақстанның Елтаңбасы дөңгелек пішінді және Тудың түсіндей көгілдір түсті. Оның ортасында шаңырақ бейнеленген. Күннің сәулесіндей айнала уықтар тараған. Екі жағында екі қанатты тұлпар салынған ол - қорғауды білдіреді. Бидай сабақтары тоқшылықты, молшылықты білдіреді.
Үстінде « жұлдыз», астыңда «Қазақстан» деген жазуы бар.
Мөлдір: Әнұран. Мемлекеттік әнұран – маңызды мемлекеттік шараларда орындалады. Әнұранды тұрып айтады, тұрып тыңдайды.
Тәрбиеші: Ел ордасы қай қала?
Балалар: Астана.
Біздің еліміздің бас қаласы Астана туралы мағлұмат айту. Түсіндіру.
Астана туралы тақпақтар:
Мұхамеджан: Ел бөбегі бүлдіршін, жас баламыз.
Астанамыз, астана бас қаламыз.

Аяжан: Астана арман қала,
Бағы ба жанған қала
Тұрады ол жап - жас болып,
Мен үлкен болған да да.
Алдияр: Жаса - жаса Астанам,
Өркен жол бастаған
Болашақтың есігін,
Өз қолыммен аш маған.
Илияс: Қадамың бар баспаған,
Асуың бар аспаған
Халқым жетсін мұратқа,
Ей, бас қалам - Астанам.
Аниша: Шырқап көкке асқан - ән
Болашаққа бас қадам.
Қазақ рухын биіктет,
Ей, бас қалам - Астанам.
С. Мансұр: Отанымның төрінде,
Сарыарқаның өрінде.
Ту ұстаған Астанам,
Әсем қалам - бас қалам.
Балалардың орындауында: « Вальс.»
Балалар, енді отан туралы мақал - мәтелдер айтайықшы.
Алина: Отансыз адам – ормансыз бұлбұл.
Отан үшін отқа түс - күймейсің.
Отан - оттан да ыстық.
Отанды сүю отбасынан басталады.
Балалардың орындауында ән: "Отан".

Ойын: «Рәміздерді құрастыру». Балалар қиылған суреттерді құрастырады.
Жансаяның орындауында ән «Ертегілер».
Балалардың тақпақтары:
Алуа: Сарыарқаның төсінде
Гүл жайнаған, Астанам
Ақпейілдей арнайы
Ақ тілегім, жас бала.
Алина: Елордасы елімнің,
Қазағымның жүрегі
Астанамды бірінде,
Күллі әлем біледі.
Айғаным: Жыр қып төктім өзіңе
Шумақтарын сезімнің
Әсем қала – Астанам
Құрдасымдай өзімнің.
Мөлдір: Әуелейді асқақ ән
Болашаққа бастаған
Мәртебемсің сен менің
Айналайын Астанам.
Али: Қымбат маған есілің
Жүрегімде жүреді
Жарқын болсын ертеңнің
Осы елдің тірегі.
Мансур: Астанам - арман қала
Бағы бар жанған қала
Тұрады ол жап - жас болып
Мен үлкен болғанда да.
Жанель: Жаса - жаса Астанам,
Өркен жол бастаған.
Болашақтың есігін
Оң қолыңмен аш маған.

Аяжан : Жас астанам, жас қалам.
Тарихым бар ашпаған.
Ордасы боп ашылдың,
Ей, бас қалам - Астанам.
Адия: Барша әлемге әйгілі
Ел басымыз Нұр аға
Мақтанышы елімнің
Нұрын шашқан, Нұр қала.
Азамат: Қадамың бар баспаған,
Асуың бар аспаған.
Халқым жетсін мұратқа
Ей, бас қалам - Астанам.
Айлана: Шырқап көкке аспан - ән
Болашаққа бас қадам,
Қазақ рухын биіктен
Ей, бас қалам - Астанам.
Түрік биі.
Ән «Жаңбыр» Малика.
Ойын «Доп»: жүргізуші сұрақ қоя отырып, бір балаға лақтырады. Ол жауабын айтып допты қайтып лақтырады.
- Ал, қане бастайық:
- Қазақстанның астанасы, қай қала?
- Астана.
- Қ. Республикасының президенті кім?
- Н. Ә. Назарбаев.
- Біз қай елде тұрамыз?
- Қ. Р.
Балаларды мадақтау. Қонақтармен қоштасу.
- Сау болыңыздар.

МКҚК №6 «Нұрай» бала бақшасы

Тақырыбы: «Астана - арман қала!»

Тәрбиеші: Билялова Б.Т