Астана алаңы-демалыс пен кездесулер орны

Күні: 16 қазан 2018 жыл

Тақырыбы: «Астана алаңы- демалыс пен кездесулер орны »

Мақсаты: оқушыларды қала орталықтарын абаттандыруды дамыту жұмыстарымен таныстыру,өмір сүруге жайлы,сүйікті қаламыз -Алматының көрікті жерлерін дәріптеу.

Әдісі: түсіндіру, топпен жұмыс,хабарлау, сұрақ – жауап.

Көрнекіліктері: видео ролик, интерактивті тақта,презентация

  Сабақтың барысы:

Ұйымдастыру кезеңі:

— амандасу

— оқушыларды түгендеу

— бүгінгі сабақтың ұраны: «Бір сөз болса да, дауыстап айт,ең бастысы – үнсіз қалма.»

— дайындықтарын тексеру

— психологиялық даярлау: сабақ өту барысындағы ереже:

— тыныштық сақтау;

— сұрақтарға дұрыс, әрі толық жауап беру;

— топтық жұмыста бір — біріне көмектесу;

— бір-біріне кедергі жасамау;

— орынсыз сөйлеп, біреудің сөзін бөлмеу;

— сабаққа белсенді қатысып, жақсы нәтиже көрсету

Топқа бөліну: «Сабақ кассасы» ойыны

«Жұлдызын жансын», «Табыс тілеймін», «Денсаулық», «Сәттілік» т.б

деген тілектер бойынша топқа бөлінеді.

Алматыға саяхат

*Алматы қаласы туралы не айта аласыңдар?

*Алматы қандай қала?

А-арман

Л-лайықты

М-мақтан тұтарлық

А-асыл

Т-табысты

Ы-ынтысақты

1-оқушы Арайлы арман қала

Гүлденген әсем қала

Қып-қызыл алмасы бар

Алматым жүрегімде.....

2-оқушы:

Алматы - менің сүйікті қалам. Әдемі көркімен, жанға жайлы ғимараттарымен есте қалатын Алматы, бүгінде әр адамның жүрегінен жылы орын тапқан болар,сірә! Алатауы айқара ашылып қарсы алса, Көктөбесі жайқала жадырап құшақ жаяды. Онсыз да әсем әнмен баурап алатын Алматы, күн өткен сайын құлпыра түскендей. Алматы - үлкен белестерді бағындырған қала. Оның тарихына көз жүгіртсек, басынан сан-қилы тарихи кезеңдерді өткерген. Табиғаты да өте керемет. Жетісудың еркесіндей елітіп, еркелей түседі. Арманыңды арманға жалғайды. Қаланың табиғаты, зәулім үйлері барлығы да бейне бір әсем әуендей. Әрқайсысының өз орны бар, әр ағашы да, үйі де жарасымды. Алайда, бұл сұлулық мәңгілік жасай бермейді. Соңғы кездері қаламыздың экологиялық жағдайы бәсеңдеп бара жатыр. Экологиялық апатты аймақтардың бірі екендігіміз де рас, егер әрбір тұрғын өзінің ауласын,жүрген жерін таза ұстап, Табиғат - Ананы естен шығармай жүрсе, нұр үстіне нұр болар еді. Алматы қаласының болашағы - өзіміздің қолымызда.   

Биыл Алматы қаласына 1002 жыл.

*Ал Астана алаңы ше?

АСТАНА АЛАҢЫ- әдемі, кең, көрікті,ыңғайлы,заманауи

Әсем қала Алматымыздың жанға жайлы, өмір сүруге ыңғайлы көркем жерлері әрине көп біз бүгін тек солардың ішіндегі бірі және бірегейі туралы «Астана алаңы» туралы айтпақпыз.

*Астана алаңы қайда орналасқан?

Төле би көшесі 59, Абылай хан мен Панфилов көшелерінің қиылысында ,бір жағында Алия Молдағұлова мен Мәншүк Мәметова ескерткіші орналасқан болса,екінші жағында Қазақ-Британдық техникалық университет орналасқан.

Бұл алаң 1957 жылдан бері В.И.Ленин атымен аталып келді.1996 жылдан кейін Қазақстанның жаңа астанасының құрметіне орай «Астана»алаңы болып өзгертілді.

3.Постер қорғау. Әр топ өздері «Астана алаңы- демалыс пен кездесулер орны» екенін дәлелдеу (5 мин)

Ой толғау: Видео ролик «Астана алаңы-демалыс пен кездесулер орны»
Әр топ өз білген ,түйгендерімен бөліседі. Ойларын айтады.

4. Қорытынды:
Рефлексия: 3/2/1
3- мен бүгін түсіндім
2-маған ұнады
1-жақсы (сәттілік)рахмет....