Ашык сабак “Дауыссыз дыбыстар”

Эссе

Мен тәрбиешімін

Қазіргі қоғам үшін әр мамандық маңызды. Дәрігерлер науқас жандардың жарасын емдейді, өмір сыйлайды. Мұғалімдер әр баланың болашағына жол көрсетеді. Журналист елдегі жаңалықтарды жеткізеді. Полиция қызметкерлері елдегі заң мен тәртіпті орнына қояды. Әр мамандықтың елге тигізер пайдасы көп. Бірақ сол мамандықтың барлығы бала болып, тәрбиешінің алдынан өтеді. Болашағына керек мамандықтың бір бөлігін мектеп қабырғасынан алады.

Бәрімізде бала болдық. Әр бала мектеп қабырғасын көргені анық. Мектеп қабырғасының гүлі, балалардың екінші анасындай болып кеткен тәрбиеші деген жанды бәріміз білеріміз анық. Тәрбиеші – бұл баланың қиялын ұштайтын, алғашқы білімге жол ашатын жауапты әрі маңызды маман иесі. Тәрбиешінің атқаратын жұмысы тек бала қараумен шектелмейді. Тәрбиешінің жұмысын бірнеше бағытқа бөліп қарастырсақ болады. Тәрбиеші білім жүйесі жағынан баланың жасына сай әртүрлі математикалық есептеулер үйретеді, жаңа сөздердің дыбысталуына, сөздік қорына жаңа сөздердің қосылуына көмектеседі. Қоршаған ортамен жақыннан танысуға мүмкіндік береді, сурет салдыру арқылы қоршаған ортадағы алғашқы білімдерінің негізін қалайды. Әртүрлі ойын тапсырмалары арқылы баланың ойлау жүйесін кеңейтіп, зейінін, есте сақтау қабілеттерін дамытады. Тәрбиеші балаларға топта достарымен қалай қарым-қатынас жасау керегін үйретеді. Ойыншықтарды бөлісуге, жанжалсыз шешуге баулиды. Үлкендерлі сыйлауды, өз-өзін ұстауды және алғашқы гигиеналық ережелерді үйретеді. Тәрбиеші балаларға әртүрлі ертегілер мен әңгімелерді айту арқылы балаларға жақсы мен жаманды ажыратып, жақсыға үйір болуды, жаманнан сақтануды үйретеді. Тәрбиешіге әр баланың қауіпсіздігі мен денсаулығы өте маңызды. Әр баланың жақсы көңіл күйде ме әлде көңілсіз бе бәрін бақылап, оның өзін мектепте қауіпсіз жайлы сезінуін қамтамасыз етеді. Әр баланың жетістігі тәрбиеші үшін де жетістік. Балалардың жетістікке жетуі үйіндегі ата-анасымен тәрбиешінің қарым-қатынасының тығыз, жақсы екенін көрсетеді. Баланың дамуына ата-анасы мен тәрбиешінің пікір алмасуы, баланың дағдыларын байқап, баланың үлкен шыңдарды бағындыруына жол ашады.

Менің түсінігімде, тәрбиеші – баланың кішкентай жүрегіне жол тауып, оның алғашқы мектеп қабырғасындағы қадамдарына сенімділік ұялататын тұлға. Баланың қуанышы мен әр жеткен жетістігі ол үшін үлкен марапат, үлкен бақыт. Тәрбиеші тек ертегі айтушы емес, ол жаңа технологияларды меңгерген, шығармашыл, әрі баламен бірге дамитын іздегімпаз тұлға. Нағыз тәрбиеші — өз ісіне шексіз берілген, өте сабырлы әрі мейірімді маман иесі. Әр баланы бір әлем деп қарастыратын, сол әлемнің есігін ашатын алтын кілт тәрбиешінің қолында. Мен өз мамандығымды мақтан тұтамын, себебі ертенгі елдің болашағы мықты дәрігер, адал маман иесі, нағыз мамандығын сүюші тұлғалардың алғашқы ұстазы, алғашқы дұрыс бағыт көрсетушісі ретінде, бүгінгі бүлдіршіндерді тәрбиелеп жатырмын.

Қорыта айтқанда, тәрбиеші болу – үлкен жауапкершілік және үлкер бақыт. Егер әр мектеп табалдырығын аттаған бала мен арқылы жылулық пен алғашқы білім нәрін алып шықса, бұл менің еңбегімнің жанғаны. Менің мақсатым — әр баланың мықты тұлға болып қалыптасуына септігімді тигізіп, олардың жүрегінде алғашқы білім нәрін сусындатқан жан болып қалу.