Асыл әжем

1.Әже-отбасының ұйытқысы
2. Әже тәрбиесі
3. Әжемнің ертегілері

Əже-өмірдегі ең асыл жан. Жанұяда бала тәрбиелеудегі үлкен тұлға – анасы мен әжесі. Әжелердің ұстамдылығы, төзімділігі, сабырлылығы, еңбекқорлығы, қиыншылық атаулыға қажырлылықпен қараулары үнемі бізге үлгі болуға тиіс.

Менің әжем бар. Ол өте мейірімді жан. Мен кішкентай күнімнен әжемнің бауырында өстім. Ол мені адалдыққа, білімге құштар болуға үйретті. Менің әжем ең тамаша адам. Үш ақ әріптен тұратын не деген асыл аяулы да ардақты жан.

Әжетайым мен үшін ең жақын адам. Ол мені әрдайым еркелетіп «құлыншағым»,«ботақаным», «айналайын» деп еркелетіп айтады. Ол үнемі маған ақылын айтып отырады. Жазғы демалыста ауылға әжеме барамын. Әжеме үнемі көмектесіп жүремін. Қаз үйректерге су беріп,бұзауды шығарып, қозы, лақтарға сүт береміз. Жазда таңертең өріске қойларды шығарып, кешке өрістен күтіп аламыз. Әжемді қатты сағынып, тезірек каникул болсыншы деп күтіп жүремін. Мерекелерде әжемді бірінші құттықтаймын.Мен үшін әжем ыстық жан.

Әжем маған ерте, ерте, ертеде деп менің сүйікті ертегілерімді айтып береді. Мен әжемді өте жақсы көремін және үнемі қасымызда болып, қызығымызды көріп жүре бергенін қалаймын. Әжеме осы тақпағымды арнаймын.

Менің нағашы әжем - әлі де,
Ұқсамайды кәріге.
Әжемді қатты сағынғанда,
Мен ауылға барамын

Айналайын әжешім,
Ақылы асқан данасың
Немере үшін не керек,
Бәрін тауып бересің.

1 сынып оқушысы

Жолдбай Ислам