Асыл анам эссе

Шығыс Қазақстан облысы.

Көкпекті ауданы.

«І.Жансүгіров атындағы орта мектебі » КММ

Асыл анам

(эссе)

Әділханова Назерке

7-сынып оқушысы

Ана. Бұл сөз әлемдегі ең құдіретті сөз. Ана - ол сені мына жарық дүниеге әкелген, сен үшін түн ұйқысын төрт бөлген, кірпік қақпай сенің бесігіңді тербеткен асыл жан деп ойлаймын. Сен онсыз өзіңді тап бір қараңғы тозақта жалғыз жүргендей сезінесің. Ол сен үшін барын салып күрескен, қанаттыға қақтырмай, тұмсықтыға шоқтырмай өсірген, сен үшін отқа да, суға да түскен сенің қорғаушың. Туған анаң өзіңе ең қымбат қазынаң секілді. Ал менің анама келетін болсақ, менің анам бүкіл әлемге шуағын шашқан күн. Адал жар, асыл ана, сүйікті келін болып қана қоймай, елге сыйлы батыр ана. Мен үшін анамның әр күлгені - бақыт. Одан жырақта жүрсем, оның жылы құшағын, еркелеткен сөздерін, нәзік алақанын сағынамын. Анам да мені сағынып, уайымдап, қашан келер екен деп күтеді.

Жалпы алтыннан да қымбат анаңды меккеге мың рет арқалап апарсаң да ана алдындағы қарызыңды өтей алмайсың. Анасыз өмір - тұзсыз тамақ сияқты. Тұзсыз тамақтың дәмі болмайтыны секілді, анасыз өмірдің мәні де жоқ. Сол себепті аналарды құрметтеуіміз керек деп ойлаймын.