Асыл жүрек
“Жылы сезім жүректе сақталады, мейірімділік тек жүректен
басталады”. Адамшылық, мейірбандық қасиеттерді әр адам өзінің бойына
сіңіріп, әрбір адам баласын “өз бауырым” деп санауы тиіс.
Сонымен, мейірімділік дегеніміз не?
Мейірімділік-ол басқалардың игілігі үшін қамқор болу. Мейірімділік
адамның жоғары адамгершілік белгісі ретінде оның бүкіл тыныс-тіршілігін,
жан-дүниесін жадырататын, шат-шадымен тіршілігі үшін қажетті аса
маңызды қасиет.
Қоғам кілең енжар, тек өзін ойлайтын адамдардан құралса қандай
болар еді? Біреудің көмегіне сену түгілі, қай жерде қастық жасап кетер екен
деп күтіп жүру қандай әсерге бөлейді? Мұндай адамдардың ортасында өмір
сүргіңіз келе ме?
“Адам баласынан мейірім қашса, жер бетінен жақсылық қашады ”-
демекші, елімізде әртүрлі қайырымдылық қорлары бар. Қамқорлықты қажет
ететін жандарға қол ұшын беру арқылы адам баласы жақсылыққа қадам
басады.
Еске түсіретін болсақ, Мақтаарал жерін су басып кеткен болатын. Ауыл
тұрғындарының үйлерін, барлық дүниесін су басып, адамдар шарасыз хәлде
қалған еді. Сол уақытта да бауырларымызға киім жинап, тамақ жіберіп
барынша көмектескен болатынбыз. Қазірде тұрғындардың үйлерін қайта
жасау жүзеге асырылған. Тағы айта кететін болсақ, әлемді шарлап алған
пандемия барлымызға қиын кезең болды. Карантин жариялануына
байланысты көптеген мекемелер жұмысын тоқтатып, жұмысыздық көбейді.
Халықтың әлеуметтік жағдайы төмендеді. “Biz Birgemiz” атты ұранмен
халқымызға қол ұшы созылып, көмек көрсетілді. Әлеуметтік тұрмысы төмен
отбасыларын қайырымды жандар азық-түлікпен қамтамасыз етті. Әсіресе,
маусым-шілде айларында дәріге мұқтаж болғанымызда, адал жандар
дәрілерді тегін таратқан болатын. Елімізде мұндай жағдайлар аз емес. Міне,
адал жандардың барына, әлі де бала болсам да көзім жетті. Адам баласының
бойындағы әділеттік, мейірімділік, жомарттық, рақымдылық, бауырмалдық
тәрізді ізгі қасиеттерді басты орынға қоя білген Абайдың он төртінінші қара
сөзінде: “Тірі адамның жүректен аяулы жері бар ма?”.
Қандай жағдай болмасын жүрегі мен ақылын қоса тыңдай алған
адамның іс-әрекеті, сөзі мен ойы сүйіспеншілікке толы болады.
Еліміздің болашақ жас ұрпақтарын жан-жақты дамыту да өзін-өзі тану
сабағының орны ерекше. Сара Алпысқызы айтқандай “Адам-жасаушы,
құрушы. Ол әлемге зұлымдылық, бүліншілік емес, игі істер мен ойлар әкелуі
тиіс”. Жақсылық жасау қолынан келіп тұрса, қуаныш сыйлауға мүмкіндігін
жетіп тұрса неге қол ұшын созбасқа? Көзге көрінбейтін өте нәзік сезімді, аса
құнды қасиеттерді жоғалтып алмауға тырысуымыз керек!
Жандильдаева Аяулым Чингизовна, 10 “Ә” сыныбы

Жетекшісі : Нысангалиева Менсулу Кайржановна
№142 ЖББ мектеп, Түрксіб ауданы, Алматы қаласы