«Асық- алтын қазынам»

Тақырыбы: «Асық- алтын қазынам»

Мақсаты:Асықты балаларға таныстырып көрсету,ойнату, түсіндіру. Сөздік қорын молайту, ұсақ қол моторикасын дамыту. Ойлау қабілеттерін, қиялын, есте сақтап түсіну, сұрақтарға толық жауап беру дағдысын қалыптастыру. Балалардың білімге деген қызығушылығын арттыру, бірлікке, татулыққа тәрбиелеу.

Әдіс-тәсілдер: Көрсету, түсіндіру, сұрақ-жауап, мадақтау.

Көрнекі құралдар: асықтар, көрнекіліктер, денсаулық жолдары.

Балалар массаж қимыл қозғалыс ойынын жасайды.

Ұымдастырылған іс- әрекет:

Тәрбиеші:

Балалар бір – бірімізге жақсы тілек айтайық.

Аспанымыз ашық болсын

Деніміз сау болсын

Еліміз аман болсын

Бөбекжайымыз көркейе берсін.

Балалар мына әдемі сандықтың ішінде не бар екенін көргілерің келе ме? Олай болса ашып көрейік.

Балалар не көріп тұрсыңдар?

Балалар бұл не?

Балалар: асық

Жарайсыңдар балалар.

Асық не екенін білеміз бе?

Асық – қазақ халқының ұлттық ойыны. Асық төрт түлік малдың сүйегінен алынады.

Оның түрлері көп. Атап айтқанда сақа, кеней,шүкейт,көктабан және тағы басқада түрлері бар.

Асықтың тұрысының өзі әр - түрлі болып бөлінеді. Алшы, тәйке,бүге, шіге, омпы, шоңқай.

Асық ойыны –қазақ халқының ежелгі өте кең тараған ойындарының бірі.

-Жарайсыңдар! Олай болса асық туралы мақал –мәтел білеміз бе?

Аянат

Асық ойнаған азар,

Доп ойнаған тозар.

Дана

Асығың алшасынан түссін.

Ендеше балалар төрт түлік малды кім атап береді?

Балалар: Сиыр, Түйе, Қой, Жылқы.

Тәрбиеші: Төрт – түлік туралы мақал –мәтел білесіңдер ма?

Аяжан: Құнан атқа жеткізер,

Ат мұратқа жеткізер.

Раяна: Мал өсірсең қой өсір,

Өнімі оның көл көсір.

Рамазан:Түйе ботасымен жарасты,

Тамақ батасымен жарасты.

Айда: Сиыр сипағанды білмейді,

Жаман сыйлағанды білмейді.

-Жарайсыңдар балалар сендер ойын ойнағыларың келе ме?

Балалар: Ия

Балалар ойын ойнау үшін сіздер үш топқа бөлінулерің керек.Ендеше мойнымыздағы ілулі тұрған қоржынның ішінде түрлі түсті асықтар бар сол асықтың түсі арқылы бөлінеміз (асықтарды фанарик арқылы көреді). Ендеше сиқырлы жолмен ойын алаңына барайық,

Балалар орындарына барады.

1-ойын: Санды салыстыру 1-3 санды тура және кері санау

2-ойын: Үй жануарларының төлдерін табу

3-ойын: Үй жануарларының көлеңкесін жасау.

Тәрбиеші:Жарайсыңдар балалар.

Балалар сендермен тағы ойын ойнағым келіп тұр,Сендер ойнағыларың келе ме?

Балалар: Ия

4-тапсырма:

Сергіту сәті:

Лабиринт әдісі арқылы доптарды шелекке салу.Топпен жасау.

Балалар бұл қолымыздағы лабиринт деп аталады бұны біз балалар бірігіп ұстап айналдыру арқылы допты шелекке тура салу қажет.Сендердің ептіліктеріңді шапшаңдықтарыңды көрейік.

Тәрбиеші: балалар жарайсыңдар,сендерге ұнадыма?

Балалар:Ия

5-тапсырма

Мадақтау,қорытындылау

Балалар біз не білдік?

Асықпен қандай ойын ойнадық?

Сендерге қай ойын ұнады?

Жарайсыңдар балалар ендеше орындарымызға тұрайық.