Білім беру саласы: «Шығармашылық» Ұйымдастырылған оқу іс әрекеті: Сурет салу

Тақырыбы: «Күзгі ағаш» Мақсаты: Табиғаттың күз мезгіліндегі өзгерістері жайлы бейнелеу арқылы балалардың білімдерін кеңейту.Балаларды дәстүрден тыс әдістер арқылы жұмыс жасай отырып,логикалық ойлау қабілетін дамыту.Күзгі табиғаттың әсемдігін сезіне білуге және оны қорғауға тәрбиелеу. Қажетті құралдар: Ақ қағаз, акварель бояу,тіс щеткасы,банка,сүлгі. Әдіс тәсілдер: Түсіндіру,көрсету,үйрету. Шаттық шеңбері: Жер Ана,саған мың алғыс,

Сыйлайсың бізге қуаныш.

Жазда,күзде,қыста да,

Көркемсің көктем тұста да!

Сабақ барысы:

- Балалар,бүгінгі оқу қызметінде күз мезгілімен танысамыз.Мен сендерге жұмбақ жасырайын, сендер жауабын тауып көріңіздер.

Жұмбақ

Жиып теріп болатын,

Қамбаға астық толатын.

Қызыл қырман ойнайтын,

Қай мезгіл деп ойлайсың ?

Балалар жауап береді: Күз мезгілі.

Тәрбиеші:

-Дұрыс айтасыңдар,балалар!

-Күз мезгілінде неше ай бар?

-Күз мезгілінің айларын кім атайды?

Балалар жауап береді:

-Күз мезгілінде үш ай бар. Олар қыркүйек,қазан,қараша.

-Күз мезгілінде ағаштардың жапырақтарының түсі қандай болады?

-Ағаштардың жапырақтары сары,қызылсары түсте болады.

-Ағаштардан жапырақтар сарғайып жерге түседі.

Сергіту сәті:

Алтын,сары,қызыл,көк

Алуан алуан жапырақ.

Күзгі бақта күлімдеп,

Көз тартады атырап.

Ой , алақай тамаша

Шашу шашты жапырақ

Бақтың іші алаша

Ойнар едім жатып ап.

-Балалар , бүгінгі оқу қызметінің тақырыбына орай, күзгі ағашты бейнелейміз.

Бүгінгі жұмысымызды дәстүрден тыс тәсілмен орындаймыз.

Ағаштың діңін қоңыр бояумен салып аламыз.Ағаштың діңін салып болған соң,тіс щеткасын сары,қызылсары бояуларға батырып жапырақтарын саламыз.

Суретімізді салып болған соң, Күзгі бақ көрмесіне жинап қоямыз.

Сабақты қорытындылау:

Күтілетін нәтиже:

Біледі: Күз мезгілі туралы

Игереді: Эстетикалық сезімін қалыптастыруды

Меңгереді:Бояумен,тіс щеткасымен сурет салуды меңгерді