Ашық оқу қызметі "Жемістер жыры"

Білім беру саласы: Коммуникация Ұйымдастырылған оқу қызметі: Көркем әдебиет

Тақырыбы: Жемістер жыры

Мақсаты: Жемістерді (алма,алмұрт, банан,өрік ) атау барысында балалардың сөздік қорын жетілдіру.Жемістер туралы түсініктерін дамыту.Жемістердің атауларын ажырата білу.

Көрнекіліктер:Иллюстрациялық суреттер,хрестоматия

Шаттық шеңбер

Достар , бері келіңдер,

Қолдарыңды беріңдер.

Шаттық толы шеңберге,

Қуанышпен еніңдер!

Суретпен жұмыс

-Балалар,суреттен нені көріп тұрмыз?

-Жемістердің түсі қандай?

-Жемістер қайда өседі?

-Оларды кім өсіреді?

-Жемістерді жерге тастауға бола ма?

-Балабақшада жеміс бере ме сендерге?

-Жемістер денсаулыққа пайдалы ма?

-Қандай жемістерді жақсы көресіңдер?

Балалардың жауаптары

-Балалар,жемістер пайдалы тағам. Жемісті көп жеуіміз қажет. Себебі,жемістерде көп дәрумендер болады.Жемістерді көп жесек денсаулығымыз жақсарады,бойымыз өседі,ауырмаймыз. Мен сендерге жемістер туралы тақпақ оқып беремін.

Алма:

Нарттай қызыл алмам бар,

Мәз болады алғандар.

Жазда әдемі киінем,

Тілді балдай үйірем.

Өрік:

Көктемде ерте гүлдеймін

Кешігуді білмеймін

Піспей тұрған кезімде,

«Менен аулақ жүр» деймін

Уылжыған өрікпін,

Мен бау-баққа көрікпін.

Қара өрік:

Қара өрік деген атым бар,

Менен де дәм татыңдар.

Дәрі орнына жүруге

Кейде менің хақым бар

Алыңдар баққа ектіріп,

Сақтаңдар ұзақ кептіріп,

Шәймен ішкен сусындар

«Па, шіркін-ай!»- деп тұрып

Сергіту сәті:

 Алма, алма, көп алма,

Қызыл, жасыл, көк алма

Теріп, теріп алайық,

Қалтамызға салайық.

Тыныс алу жаттығулары

Ысқырғышты үрлеу

Дидактикалық ойын «Дәмін татып, не екенін тауып көр»

Тәрбиеші жемістерді жуып бөліктерге бөліп, балаларға көздерін жұмуды ұсынып, кезекпен жемістердің бөліктерін ауыздарына салады.

-Сенің аузыңдағы не? Алма ма, әлде алмұрт па? Тауып көр.

- Жуылмаған жемістерді жеуге болмайды. Жемістерді міндетті түрде жуып жеу керек.

Қорытынды

Ұйымдастырылған оқу қызметін қорытындылау. Сұрақ қою,жауап алу. Балаларды жұлдызша беру арқылы мадақтау.

Күтілетін нәтиже:

Біледі: жемістердің не екенін;

Игереді: жемістердің атауларын ажыратуды;

Меңгереді: суреттер арқылы сұраққа жауап беруді;