Ашық оқу қызметі "Менің ойыншығым"

Білім беру саласы: Коммуникация Ұйымдастырылған оқу қызметі: Сөйлеуді дамыту

Тақырыбы: Менің ойыншығым Мақсаты: Балаларға ойыншық туралы түсінік қалыптастыру.Тәрбиешінің көмегімен әңгіме құрастыруға үйретуді жалғастыру.Балаларды еңбексүйгіштікке тәрбиелеу.  Балаларды сөзді анық айтып, дұрыс сөйлей білуге баулу, сөздік қорларын дамыту.

Көрнекіліктер:Ойыншықтардың суреттері

Шаттық шеңбер

Біз      ұқыпты     баламыз ,

   Айтқан   тілді       аламыз.   

  Ойыншықтарды   жинаймыз,       

   Үлкендерді    сыйлаймыз.   

- Балалар, сендер мына суреттен нені көріп тұрсыңдар?

- Суреттегі ойыншықтар қандай екен?

- Ойыншық бізге ойнау үшін қажет және ойыншықпен тек балалар ғана ойнайды. Бір ойыншықты біз ойыншық дейміз. Ал, көп ойыншықты қалай атаймыз?

Балалардың жауаптары

Балалар, мен сендердің үйден алып келген ойыншықтарыңды жоғалтып алдым, кешіріңдерші. Оны тауып алу үшін Сиқыршыдан көмек сұрайық. Осы кезде топқа Сиқыршы кіріп келіп, балалармен амандасады.

-Балалар, мен сендердің жоғалған ойыншықтар туралы айтып жатқандарыңды естіп қалдым. Мына менің сиқырлы таяқшам арқылы тауып беруге тырысып көрейін.
(сиқырлы таяқшасымен 3рет сиқырлы сөздерін айтқанда сиқырлы қорапша пайда болады.)

Ішінде сендердің ойыншықтарың бар.Ойнағыларың келе ме?

-Ендеше, алдымен маған өздеріңнің ойыншықтарың туралы айтып беріңдер. Сонда мен сендерге ойыншықтарыңды қайтарып беремін. Кімнің қандай ойыншығы бар?

-Жарайсыңдар. Ойыншықтар табылды, енді мен өз әлеміме қайтайын.

- Тәрбиеші: Сиқыршыға рахметімізді айта отырып, бәріміз бірге сергіту сәтін жасайық.

Сергіту сәті:

  Қол ұстасып тұрайық,
Шеңберді біз құрайық,
Көріскенше күн жақсы,
Сау саламат болайық.

- Жарайсыңдар.

- Сау болыңдар!

Тыныс алу жаттығулары

Ысқырғышты үрлеу.

Қорытынды

-Балалар, бүгін біз ойыншықтар туралы айттық.Олар біздің ең жақын досымыз. Біз оларды жақсы көреміз. Біз оларды ұқыпты ұстауымыз керек.

Күтілетін нәтиже: Біледі: Ойыншықтардың не екенін;

Игереді: Ойыншықтардың атауларын ажыратуды;

Меңгереді: Сүйікті ойыншығы туралы әңгімелеуді;