Ашық оқу қызметі "Тауық және оның балапандары"

Білім беру саласы: Қатынас

Ұйымдастырылған оқу қызметі: Сенсорика

Тақырыбы: Тауық және оның балапандары

Мақсаты: Түсі әртүрлі заттардың белгісі болып табылатынына және олардың сипатын білдіру үшін қолданылуы мүмкін екендігіне балалардың назарын аудару; саусақтың ұсақ бұлшық еттерінің қозғалысын жетілдіру. Балаларды үй құстарымен таныстыру.

Көрнекіліктер:Ақ және сары түсті қатты қағаздан дөңгелектер, балапандар мен тауықтардың суреттері.

Шаттық шеңбер

Орнымыздан тұрамыз,

Алақанды соғамыз.

Жоғары-төммен қараймыз,

Топылдатып басамыз.

Балалар, бүгін бізде ерекше күн. Топтың ішіне көз салыңдаршы, біздің топ бүгін ерекше. Өйткені, бүгін біз сендермен ашық оқу қызметін өткелі тұрмыз. Олай болса, қонақтармен амандасып алайық.

Үлкенге де «Сіз»,

Күшіге де «Сіз».

Құрметпенен сіздерге,

Бас иеміз біз!

-Балалар,біз үй жануарларын білеміз бе?

-Үй жануарларын атайықшы.

-Балалар,тауық қандай болады?

-Тауықтан не шығады?

-Жұмыртқадан не шығады?

-Балапанның түсі қандай?

-Балапан сүйкімді ме?

Балалардың жауаптары

- Балалар, біз сендермен енді тауық және оның балапандары туралы сурет көреміз.

 - Міне, мынау тауық. Ол үй құсына жатады. Өйткені оның еті, қауырсыны, жұмыртқасы адамға пайдалы. Балалар,тауықтардың саны нешеу?

-Олардың түстері қандай?

-Қызыл тауық нешеу?

-Ақ тауық нешеу?

Балалардың жауаптары.

 Ал, мынау оның балапандары. Олардың түсі сары, олар жұмыртқалардан шығады.

Үлестірмелі материалдармен жұмыс

- Балалар, біздің тауығымыз мынандай ақ түсті болады.

 Педагог ақ дөңгелекті көрсетеді

- Ал, мынандай басқа түстен біздің балапандарымыз болады, олар - сары. Педагог ақ дөңгелектің артынан сары дөңгелекті қояды. Педагог тағы бір рет тауықтың түрлі түстен болатынын,ал басқа сары түстен балапандары болатынын түсіндіреді.

- Балалар, енді сендер қораптан тағы бір балапанды табыңдар және оны тауықтың соңына қойыңдар.(қорапшаға көк және сары дөңгелектер салынады. Балалар ішінен сары дөңгелекті алып,тауықтың қасына тіркейді.

 Балапандар тауықтың артында тізіліп тұрады.

Сергіту сәті:

Ертіп сары балапандарын,

  Айдалы әсем шықты тауық.

«Кетпеңдер ұзап, балапандарым»,

  Қыт-қыт,- дейді ауық-ауық.

Тыныс алу жаттығулары

Ысқырғышты үрлеу

Дидактикалық ойын «Сиқырлы қапшық»

Балалар «Сиқырлы қапшықтың» ішіндегі затты ұстап көріп, пішінін анықтайды, ойыншықты алған соң атын атап, түсін айтады.

Қорытынды

Ұйымдастырылған оқу қызметін қорытындылау. Сұрақ қою,жауап алу.Балаларды мадақтау

Күтілетін нәтиже: Біледі: Тауық пен балапанды;

Игереді: Тауық пен балапанды ажыратуды;

Меңгереді: Түстің әр түрлі заттар сипатын білдіру үшін қолданылатынын;