Ашық оқу қызметі "Үй жануарлары"

Сарсенова Саулеш Гапбаровна

Маңғыстау обл. Жаңаөзен қаласы. «Балбөбек» жекеменшік шағын орталығының тәрбиешісі

Тақырыбы: Үй жануарлары Мақсаты:

Білімділік: балалардың үй жануарлары туралы түсініктерін кеңейту, олардың төлдерін ажыратуға үйретуді жалғастыру.

Дамытушылық: үй жануарлар туралы жұмбақ шешу, тақпақтар айтқызу арқылы балалардың тілін жетілдіру, жануарлардың дауысын ажырату арқылы ойлау қабілетін дамыту.

Тәрбиелік: үй жануарларына қызығушылығын тәрбиелеу, оқу қызметінде белсенділігін арттыру.

Әдіс-тәсілдер: түсіндіру, көрсету, әңгімелесу, сұрақ-жауаптар.

Қолданатын көрнекі құралдар: үй макеті, фетрдан қиылған жануарлар мен төлдері, жануарлар дауысы жазылған үнтаспа, слайд.

Сөздік жұмыс: үй жануарлары.

Алдын-ала жұмыс: үй жануарлары туралы суреттер қарастыру, олар туралы тақпақтар жаттау.

- Балалар қараңдаршы бүгін бізге қаншама қонақтар келді. Ал келген қонақтармен амандасып алайық. Амандасу - адамгершіліктің, әдептіліктің баспалдағы екен. Сондықтан да қонақтармен амандасып алайық.

Білер қазақ баласы
Сәлем сөздің анасы
Көп танысты көреміз
Алдымыздан кезіккен
Бәріне де ізетпен
Иіліп сәлем береміз.

Қазір жылдың қай мезгілі?-Көктем мезгілі.

Көктем мезгілінің неше айы бар?- Үш ай (наурыз, сәуір, мамыр) бар.

Дұрыс айтасыңдар, олай болса көктем мезгілінің ерекшеліктерін слайдтан бір қарап кетелік.

Тәрбиеші: Балалар, адамдар күнделікті тіршілік етіп өмір сүретін баспанасын қалай атаймыз?

Балалар: Үй

Тәрбиеші: Үй қандай бөліктерден тұрады?

Балалар: Шатыр, есік, терезе, үйдің қабырғасынан тұрады.

Тәрбиеші: Үйдің шатыры қандай геометриялық пішінге ұқсайды? Шатырдың түсі қандай? -Үйдің қабырғасы қандай пішінге ұқсайды? Түсі қандай? -Терезесі қандай пішінге ұқсайды? Түсі қандай? (Балалардың жауаптары тыңдалады).

Тәрбиеші: Балалар алдымызда тұрған үйдің бөліктерінде жұмбақтар жасырынған екен. Егер сендер жұмбақтың шешуін табатын болсаңдар бүгінгі оқу қызметімізде нелер туралы әңгімелейтінімізді табасыңдар.

Жұмбақтар:

1. Қамыс құлақ, 2. Екі айнасы бар
Тостаған тұяқ. Екі найзасы бар (Сиыр)
Мінсең қанат 3. Үстінде екі тауы бар,

Сүті дәрі еті тамақ. ( Жылқы) Қызық бір жануар (Түйе)

4. Кішкене ғана бойы бар 5. Секең - секең етеді
Айналдыра киген тоны бар. (Қой) Таумен - тасқа жетеді. ( Ешкі)

Үй жануарларының суретін тақтаға қою.

- Біз бүгінгі оқу қызметімізде үй жануарлары туралы әңгімелесеміз.

- Балалар, қараңдаршы, үй жануарларына қандай жануарлар жатады? (Балалардың жауаптары). -Дұрыс айтасыңдар балалар, ендеше жануарлардың дауысын тыңдап көрейікші. Ойын: «Қай жануардың дауысы?» (Үнтаспадан үй жануарларының дауысын тыңдату). -Мынау қай жануардың дауысы? (Балалардың жауабы).

- Төлдерін қалай атаймыз? (Слайт қарау).

Сергіту сәті: «Қошақан» әні

Қошақаным тұршы,
Беті–қолыңды жушы,
Айнаға қарашы,
Шашыңды тарашы.
Орныңа отыршы.

Тәрбиеші: Қараңдаршы балалар, мына қорада үй жануарларының төлдері тұр. Осы төлдерге енесін тауып берейікші. -Мына төлді қалай атаймыз? Лақтың енесіне? (Балалар енелерінің қасына төлдерін қояды)

Дидактикалық ойын: «Төлін тап»

Ойынның мақсаты: Үй жануарларының төлдерін танып, ажыратып айта білуге үйрету.

Ойынның мазмұны: Үй жануарларын тақтаға іліп, олардың төлдерін тауып қасына жайғастыру.

Тәрбиеші: Балалар, жылқы, түйе, сиыр, қой, ешкі, адамның үйінің маңайында тіршілік етеді, оларды адамдар тамақтандырады. Сол үшін үй жануарлары деп атайды. - Үй жануарлары туралы тақпақтар білесіңдер ме?

Амина: Малика:
Ақ бұзауым ұнайды, Кіп - кішкене момақан
Мө - мө деп сүт сұрайды. Қошақанды ұнатам
Келеді өсіп күн сайын, Сүйеді апам қозым деп
Тұмсығын созып қарайды. Қошақаным қозым деп

Айзере: Әділжан:
Құлыншағым құндызым Шөре - шөре лағым,
Құлдырайды шабады Тентек болма шырағым.
Жылтылдаған жұлдызым Секектеме деміңді ал,
Құстай қанат қағады. Селтеңдемей құлағың.

-Балалар бүгін біз қандай жануарлар жайында сөз еттік?

-Қандай үй жануарларымен таныстық, төлдерімен атай аласыңдар ма?

- Балалар, сендер бүгінгі сабаққа өте жақсы қатыстыңдар. Сендер өте ақылдысыңдар. Жануарлар бізді өзінің сүйкімділігімен, адамға деген достығымен қуантады.

Сондықтан үй жануарларына әрқашан қамқорлық жасап жүріңдер.

-Сендер төлдерге көмектескендерің үшін, олар сендерге құрт беріп жіберіпті.

Мақтау, мадақтау.

«Тексерілді»

«Балбөбек» жекеменшік шағын

орталығының әдіскері

Г.К.Сагпазова________

«___»____________2019ж.

Білім беру саласы: Әлеумет.

Ұйымдастырылған ашық оқу қызметі: Қоршаған ортамен танысу.

Тақырыбы: «Үй жануарлары»

Өткізген: №1 «Балбөбек» ІІ кіші тобының

тәрбиешісі Сарсенова С. Г.

2018-2019 оқу жылы