ашық қаралым "Туған тілім- тұғырым"

Тақырыбы: «Тіл ұлттық қазына»

Мақсаты: Ана тілі туралы түсініктерін кеңейту. Балаларды Отанын сүюге,

Қазақстан Республикасының рәміздерін қастерлеуге, туған жерге

деген сүйіспеншіліктерін арттыруға тәрбиелеу мақсатында

олардың сөздік қорларын көбейтіп, еңбекке, адамгершілікке,

парасаттылыққа тәрбиелеу.

Әдіс-тәсілдері: түсіндіру, көрсету, сұрақ-жауап, әңгімелеу. Ойын, жаттау

Көрнекіліктер:Қазақстан картасы, рәміздер, тақырыпқа байланысты

суреттер.

Сабақтың барысы: 1.Ұйымдастыру кезеңі

а) Сәлемдесу

Бала, бала, баламыз,

Бақшамызға барамыз.

Амандасып бәріміз,

Қайырлы күн тілейміз.

ә) Жыл мезгілдерін сұрау. Күз мезгілі туралы әңгімелеу.

2.Негізгі бөлім:

Тәрбиеші: Балалар бүгін біз өзіміздің Отанымыз Қазақстанның

картасымен танысамыз.

• Біздің Отанымыз қалай аталады?

• Бас қала қандай қала?

• Елбасымыз кім?

• Мемлекеттік тіл қандай тіл?

Тәрбиеші: Бірақ Қазақстан көп ұлтты мемлекет. Әр ұлттың өз ана тілі бар. Әр ұлт өз ана тілін сүю керек. Тіл аса қадірлеп ұстайтын байлығымыз. Біз тату-тәтті тұрамыз. Ал енді қазір біз сендермен тіл туралы тақпақ жаттаймыз:

Жер байлығы – нанда,

Адам байлығы – ақылда.

Халық байлығы – тілде.

Тәрбиеші: Балалар өз тақпақтарын айтады.

Адас: Ерлік, елдік, бірлік, қайрат, бақ ардың,

Жауыз тағдыр жойды бәрін не бардың.

Алтын күннен бағасыз бір белгі боп,

Нұрлы жұлдыз-бабам тілі, сен қалдың

Рахат: Ана тілім – ана сүтім, арым менің,

Сәулетім – сая балғым, сәнім менің.

Аспаным өзіңменен арайланып,

Нұрланып атар ылғи таңым менің.

Махаббат: Ана тілі біздің туған анамыз,

Анамыздай сыйлап, бағып қағамыз.

Ана тілін бағаласақ қалай біз,

Өзіміздің сондай болмақ бағамыз.

Дастан: Ана тілім-ұраным,

Ана тілім-құралым,

Ана тілім – болмаса,

Мықты болмас тұрағым.

Милана: Туған тілім-тірлігімнің айғағы

Тілім барда айтылар сыр ойдағы.

Өссе тілім, мен де бірге өсемін.

Өшсе тілім, мен де бірге өшемін.

Инара: Бір өзіңде сан ғасырдың жемісі.

Ана тілім-тірлігімнің айғағы.

Бұл тілімнің кеңейеді өрісі,

Тік тұрғанда Қазақстан байрағы.

Данара:

Диас:

Абай:

Тәрбиеші: Балалар бойымызды жазайық.

Сергіту сәті: «Орамал кетті» ойыны

Көрнекілікпен жұмыс жүргізу.

Сұрақ-жауап: 1. Республиканың қандай рәміздерін білсіңдер?

• Ашық аспандай көгілдір туымыз бар.

• Айбынды Елтаңбамыз бар.

• Мағыналы әнұранымыз бар.

2.Қазақстан мемлекетінде қандай ұлт өкілдері тұрады?

3. Мемлекеттік тіліміз?

4. Елбасы кім?

5. Сенің ұлттың кім?

3.Қорытынды: Сұрақ-жауап арқылы.

- Жылы тілектер білдіру.

- Балалардың еңбектерін бағалап, мадақтау.

- Қоштасу: Біз ақылды баламыз,

Орнымыздан тұрамыз.

Қол ұстасып бәріміз.

Сау болыңыз айтамыз.