Пән: Математика

Ұзақ мерзімді жоспар бөлімі:

1A – Сан туралы ұғым

Мектеп: Қызылорда облысы, Жаңақорған ауданы, №161 Ынтымақ орта мектебі

Күні: 5.09.2017 ж.

Мұғалімнің аты-жөні: Сексенбаева Б.Т

Сынып: 1А

Қатысқандар саны:22

Қатыспағандар саны: 0

Сабақтың тақырыбы

Сандардың орны қайда?

Оқу мақсаттары (оқу бағдарламасына сілтеме)

1.1.1.2 100-ге дейін санау, натурал сандар қатарында санның орнын анықтау

Сабақ мақсаттары

100-гедейінсанау. Натурал сандар қатарындағы орнын анықтау

Жетістік критерийлері

Оқушыларсантүзуіндегісанныңорнынтабаалады; алдыңғыжәне келесі сандарды атай біледі.

Тілдік мақсаттар

Оқушылар:

сан түзуі, түсіп қалған сан, алдыңғы, келесі сан, шын құмыра, домино тастары сөз тіркестерін қолдана алады.

Құндылықтарды дарыту

Сынып ұжымын қалыптастыру.

Пән аралық байланыстар

Сынып оқушылары өздерінің түймелерін санау барысында саусақ сандарын санау барысында «Ғылымға кіріспе» пәнімен байланыс жүзеге асады, өзара сұрақ қою барысында «Қазақ тілі және әдебиеті» пәнімен байланыс орнайды.

АКТ қолдану дағдылары

Сандарды пернетақта арқылы жазып көреді

Бастапқы білім

Оқушылар күнделікті өмірде немесе балалар бақшасында сандар ретімен санауды үйрену тәжірибесіне сүйенеді

Сабақ барысы:

Сабақтың жоспарлан-ған кезеңдері

Сабақтағы жоспарланған іс-әрекет

Ресурстар

Сабақтың басы

1. Оқушылардың зейінін шоғырландыру;

Ертеңгілік шеңбер

Оқушылар бір-біріне жымиып қарап, жақсы көңіл күй сыйлайды.

Қуан, шаттан!

Қуан, шаттан!

Қуанатын күн бүгін.

Қайырлы таң, Қайырлы күн!

Күліп шықты күн бүгін!

2. Оқушылармен бірге сабақ мақсаттарын/ОМ анықтап алу

Сабақтың ортасы

(Ұ) Ауызша санау.

• 10 дейінгі сандарды тура және кері санау;

• 3-тен 8-ге дейін санау;

• 9-дан 4-ке дейін санау;

• Өз қаратындағы оқушылар санын санау;

• Кім бірінші, бесінші т.с. с атау;

• Соңғы партадан бастап санағанда, кім төртінші, кім үшінші екенін анықтау.

Өзінің түймесін санау

(МК) Жіпті сынып бөлмесіне бір қабырғадан екінші қабырғаға дейін жететіндей етіп алдын ала керіп қою. Жіп байлаған қабырғадан белгілі бір жерге дейінгі қашықтыққа қыстырғыштың көмегімен «1» саны жазылған карточканы қыстыру.

• Әрі қарай қандай сан болуы тиіс?

Сәйкес сандары бар карточкаларды біртіндеп қыстыру.

-Бұлардан кейін тұратын сандарды осындай ретпен орналастыруға болады. Сөйтіп сан түзуі пайда болады. Сан түзуінде сандар рет-ретімен орналасады және арақашықтары бірдей болады. Натурал сандар қатарындағы санның әрқайсысының өзіне сәйкес орны бар.

(Ж, Ө)Оқулықпен жұмыс. Оқушыларға оқулықтағы доминоның суретін қарауды ұсыну.

• Әр доминода қанша нүкте бар?

• Домино тастарыңды оқулықта көрсетілген ретпен орналастырыңдар. Жұптастырып тексерту.

• Бір нүктесі бар тасты табыңдар.

• Келесі таста қанша нүкте бар?.Яғни 1-ден соң 2болады, т.с.с.

• 6, 4 сандардан соң қандай сан?

• Көрсетілген саннан кейін тұрған сан «келесі сан» деп аталады.

• 8,3,6 сандарының алдында қандай сан?

• Көрсетілген санның алдында тұрған сан «алдыңғы сан» деп аталады.

(Ұ) «Көрші» ойыны.

-Бұл сан 5 пен 7 арасында тұр, оны ата. Жіппен жасалған түзудің бөлігін оқулықта берілген түзумен салыстыруды ұсыну.

- Қандай сандар түсіп қалған.

Көзге арналған жаттығуды орындату.

(Ө)Жұптастырып, 13 беттегі суретті қарауды ұсыну.

-Барлық құмыра ретімен тұру үшін қайсысыларының орнын ауыстыру керек?

Дәптермен жұмыс

Доминоның тастарын реті бойынша сызықтармен жалғастыр.

1.Әрбір көкөністі санап шық. Шыққан санды тауып, тиісті көкөніспен сызық арқылы қос.

2. Санды сан түзуіндегі сәйкес нүктемен қос.

Домино тастары бар сурет

Жіп, қыстырғыш.

Сабақтың соңы

Сабақ соңында оқушылардың сабақ тақырыбын қаншалықты түсінгенін бағалау үшін сұрақтар қою.

• - Сан түзуіндегі сандар қалай орналасады?

• - 5,6,7 сандары үшін алдыңғы сандарды ата.

• - 3,8,9 сандары үшін келесі сандарды ата.

• - Ұл баланың жасы алтыда емес, бірақ сегіз жасқа да толған жоқ, сонда ол неше жаста?

• - Альазиз, қазір нешедесің? Келесі жылы қанша жасқа толасың?

- Жайна, қазір қанша жастасың? Алдыңғы жылы неше жаста болдың?

Саралау –оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы

Домино тастарын оқулықта көрсетілген ретпен орналастыруға қиналатын, санауға қиналатын оқушыға дербес қолдау көрсету.

Оқушылар сан түзуіндегі санның орнын таба алатындарын; алдыңғы және келесі сандарды атай алатынын сұраққа жауап беруіне байланысты бақылап бағалау.

Сергіту сәтінде көзге арналған жаттығуды өткізу.