Ашық сабак "Киіз үй бөлшектері" 4 сынып

Сабақтың тақырыбы: Киіз үйдің бөлшектері. Зат есім.

Сабақтың мақсаты: Қазақ халқының баспанасы киіз үйдің бөлшектері туралы мәлімет беру,танысу. СТО технологиясының элементтерін қолдану арқылы оқушылардың ауызша сөйлеу тілін меңгерту.

Күтілетін нәтиже: Киіз үйдің бөлшектері жайлы мағлұмат алу, танысу.

Сабақтың әдістері: сұрақ-жауап, әңгімелесу,шеңбер,топтық,жұптық.

Сабақтың түрі: аралас.

Көрнекілік:Киіз үйдің макеті,видеоролик, тапсырмалар,интерактивті тақта.

Сабақтың өту барысы:

І. Ұйымдастыру бөлімі.

Шаттық шеңбері.

Бүгінгі сабақтың ерекшелігін айта отырып,бір-біріне жылы лебіздерін білдіру.

ІІ. Қызығушылықтарын ояту.

Тақтадағы тірек символдар арқылы психологиялық дайындық.

ҚР-ның картасы Шаңырақ Әр ұлт өкілдері

-Балалар, тақтадан не көріп отырмыз? Осы тірек символдар арқылы қандай сөйлемдер құрауға болады?

-Жарайсыңдар,балалар! Ендеше, бәріңізді ортаға шақырамын. Менің қолымдағы лентадан өздеріңе ұнаған біреуін алыңыз.

- Неге ұқсады? -Әрине , шаңыраққа. Біз де бір мектепте,бір сыныпта оқимыз,бір ауылда тұрамыз,яғни,бір шаңырақ астында татулықта, бірлікте білім аламыз. Бір-біріне жақсы тілек тілеу.

( Ассамблеямен байланыстыру)

Топқа бөліп, топ басшыларын ,хатшыларын сайлау.

«Достық» «Бірлік» «Ынтымақ»

«Аукцион» ойыны арқылы өткен тақырып бойынша білімдерін тексеру.

1-тапсырма. «Кім қанша сөз біледі?»

6сөз-5ұпай 5сөз-4ұпай 4сөз-3ұпай 3сөз-2ұпай

«Кім қатесіз оқиды?»

Қатесіз оқу-5 1қатеге-4 2қатеге-3 3қатеге-2ұпай

-Міне, балалар, сіздер аукционда өз білімдеріңізді керемет көрсеттіңіздер.Әр топ басшылары бағалап отырыңыз. Кімде қанша ұпай бар екенін топ басшысы айтып отырады.

Ой қозғау. Сөзжұмбақ шешу.

ІІІ. Мағынаны тану.

-Жарайсыңдар, балалар. Бүгінгі тақырыбымыз сонымен қандай болды?

- Киіз үйдің бөлшектері.

-Дәптерлерін ашып, бүгінгі күннің тақырыбын жазу.

Видеоролик көрсету. Киіз үйдің бөлшектеріне тоқталу.

Тақтадағы суреттерге видеоролик бойынша мәліметті жазу

Мәтінмен жұмыс. Қағазға жазылған мәтіндерді үлестіру. Астында тапсырмалар жазылған. Кезекпен оқыту. Мәтіндерді бөліктерге бөлу.Қиын сөздерді жазып алу.

Сөздікпен жұмыс. Сөздерді алдымен мұғалім оқиды, әр топтан оқытады, бірге оқимыз. Сөз тіркестерін жасайды. Сөздердің орысшасын айтамын, оқушылар қазақшасын айту керек.

Зат есімді қайталау. Заттарды көрсету арқылы Кім? Не? сұрақтарына жауап беретін сөздерді ажырату. Өздеріне ереже шығарту. Мұғалімнің ережесімен салыстыру. Ережені еске түсіру.

Мысалы: телефон, терезе, дәптер,қалам,оқушы,мұғалім,қыз т.б.

-Ендеше, жаңағы мәтіннің ішінен кім?не?сұрақтарына жауап беретін сөздерді көшіріңіз.

Оқулықпен жұмыс. 3-жаттығу. Дұрыс сөйлем құрау.

Ой толғаныс. 1. Әр топ өз киіз үйлерінің суретін салып, диалог құру.

2. Сәйкестендіру. Интерактивті тақта арқылы.

Үй тапсырмасы. «Киіз үй» туралы әңгімелеу.

- Біз, тәуелсіз елдің болашақ ұландары, Мәңгілік елдің қақпасына білімді,тату,бірлікте барамыз. Сондықтан тілектеріңді жазып,мәңгілік елдің қақпасына апарыңыз.

Бағалау.

Круглоозерный орта жалпы білім беретін мектебі

Қазақ тілі мен әдебиет пәні бірлестігі

Орыс сыныптарындағы қазақ тілі пәнінен ашық сабақ

Тақырыбы: Киіз үйдің бөлшектері

Зат есім.

4 «б» сынып

(«Сапалы білім-заман талабы» атты онкүндік аясында)

Әзірлеген: Әйіп Л.Ш.