Ашық сабақ

Қ.Баянбаев

Әдебиеттік оқу

4-класс

Әдебиеттік оқу

Сабақтың тақырыбы: Араша. Қ. Баянбаев

Сабақтың мақсаты: Оқушыларды өлеңді жүргізіп, мәнерлеп, түсініп оқу дағдыларын жетілдіру. Ондағы негізгі ойды анықтау, түсіну, кейіпкерлердің әрекетіне баға беру, өз ойы мен пікірін еркін баяндап беру машығын қалыптастыру. Диалог жайлы білімдерін кеңейте түсу.

Әлсіздерге әлімжітік жасамау, қайрымды, қамқор болуға, мейірімділікке, достыққа, бірлікке тәрбиелеу.

Сөздік қорын байытып, ауызекі сөйлеу тілін, логикалық жүйелі ойлау қабілеттерін, шығармашылық қабілеттерін дамыту.

Сабақтың түрі: Жаңа сабақ

Оқыту әдісі: Сөздік, көрнекі, талдау, салыстыру, ажырату, топтау, өз бетінше жұмыс, ізденіс әдісі, оқулықпен жұмыс, жазба жұмысы.

Көрнекілік: слайд (жануарлардың анимациялық суреттері), карточка, кесте, кейіпкерлер суреті

Пәнаралық байланыс: дүниетану, математика

Сабақтың барысы

І. Алғашқы ұйымдастыру

Оқушыларды, оқу құралдарын түгендеп алу.

• Балалар, бүгін бізде ашық сабақ. Сендерге қонақтар келіп отыр, сондықтан олармен амандасып, мына ұранды жаттап алып айтайық.

Әрбір адам: Туысым, досым, жұрағатым.

Әрбір сабақ: Үйрену, ұғу, ұлағат.

Әрбір ісің: Тірлік, тірек, адамдық.

Әрбір сөзің: Шындық, бірлік, адалдық.

ІІ. Үй тапсырмасын тексеру

Құрап келген мысалдарын оқып беру. Жақсы шығарманы мадақтап, кем қателік болып жатса түзету.

І ІІ. Жаңа сабақ

1. Ой қозғау. Ребус шешу. ,,

- Араша сөзін қалай түсінесіндер? - деп оқушылардың ойын тыңдау. Оған мағынасы жуық сөз табу. Қамқор, көмек

2. Өтілетін сабақтың тақырыбын ашқан соң авторға қысқаша тоқталу.

Қастек Баянбай 1936 жылы 15 қарашада Алматы облысының Алакөл ауданындағы Талдыбұлақ деген жерде дүниеге келген. Қазақ мемлекеттік университетінде білім алған. 1960 жылдан бастап Алакөл аудандық, 1965 жылдан бастап Алматы облыстық газет редакцияларында әдеби қызметкер, бөлім меңгерушісі болып істеген. 1971 —1995 жылдары «Жазушы» баспасында редакция меңгерушісі, «Жалын» баспасында Бас редактор қызметтерін атқарған.

3. Өлеңді оқып беру. Оқу барысында слайд көрсетіліп тұрады.

4. Сөздік жұмыс: бүлік - төбелес, көркем сөздер: бөрткендей дәндей, жайын ауыз, жуан төс, томар мойын, тұман көз, құрақ мойын, қыл құйрық, шын жүйрік, ұзын сирақ сары бала, Маубас,

5. Оқушылар тізбектей оқиды.

6. «Сәйкестендір» ойыны Шарты: Тақтадағы қима қағаздағы сөздердің қай жануарларға қатысты екенін тауып, суретінің тұсына қою.

7. Сергіту сәті

Торғай, торғай, торғайсың, таяу келіп қонғайсың. Слайдтан көрініс көрініп тұрады.

Жем шашайын тойып ал, сонда аязға тоңбайсын.

Бар менің мысығым, көрсең оның пысығын.

Қақпалақтап ойнайды, ол әжемнің ұршығын.

Секіріп өт ордан да, секіріп өт жолдан да.

Күшік қуса жетпесің, машина басып кетпесің!

Атқа ерін саламын, секіріп мініп аламын.

Жүйрік желдей шабамын, бәйгеден мен озамын!

8. Қосымша материал. «Артық болмас білгенін»

- Ал енді, балалар, осы жануарлар қанша жыл өмір сүретінін білесің бе?

Шыбын үш апта, мысық пен ит 15-20 жыл, жылқы 30 жыл өмір сүреді. Ал кәдімгі торғай тіршілік ету жағдайына байланысты 2-3жыл қала ауыл ішінде, ал жабайы жағдайда 10 жыл өмір сүреді екен.

9. - Өлеңдегі кейіпкерлердің адамға қандай пайдасы бар?- деп оқушылардың ойын тыңдап, қорытынды шығару

10. Диалог туралы анықтаманы жазып алу

11. Өлеңді рөлге бөліп оқу.

ІV. Қорытынды. .

12 Сабақты бекіту мақсатында слайдтан ұяшықтар шығады. Балалар ұяшық нөмірін таңдап, сұрақтарға жауап береді.

Сабақты өлеңнің негізгі ойын ашатын мақал мәтелмен қорыту:

Өзіңді зор тұтпа, өзгені қор тұтпа.

Ашу шабыстырады, ақыл табыстырады.

V. Үйге тапсырма.

1. Өлеңді қара сөзбен мазмұндау.

2. Өлең мазмұны бойынша сурет салып, кішкентай буклет арқылы сюжетті диафильм құрастыру.

VІ. Бағалау. Сабаққа белсенді қатысып, отырған оқушыларды мадақтау. Барлығын бағалау