ашық сабақ

Бекітемін:

Т.і.ж.орынбасары: Аманбаева Б

Құрман орта мектебі

Тақырыбы: Ана –күннің шуағы!

Өткізген: Базарова Роза Омарқызы

2012-2013 оқу жылы

Сабақтың тақырыбы:Ана-күннің шуағы!

Мақсаты:Оқушылардың өз бойындағы өнерлерін көрсете отырып,сүйіспеншіліктерін қалыптастыру.Рухани- адамгершілік қасиеттерін дамыту.Аналарды құрметтеуге,үлкенді сыйлауға тәрбиелеу.

Түрі:мерекелік сабақ.

Көрнекіліктер:Нақыл сөздер ,суреттер,гүлдер, шарлар.

Барысы:

Кіріспе:(Көңілді музыка)

Мұғалім сөзі:ҚұрметтіАналар! Қыздарым!

Көктемгі күндей жарқырап,гүлдей құлпырған гүл мерекелеріңіз ,күн мерекелеріңіз құтты болсын!

Ананың тілі,ананың махаббаты,ананың тілегі тіл жетпес бір жатқан теңіз емес пе?

Шырылдап жерге түскеннен-ақ айналып-толғанғаны кімнің есінен кетеді.Ең бір жақының,досың,ұстазың бар.Ол-ана.Ол саған бәрінен де қымбат.Міне,сенің анаға деген махаббатың құндақта жатқан кезден-ақ басталады.Ана десе толқымайтын жүрек,тасымайтын қан,сезбейтін сезім болуға мүмкін емес!

ІІ.Негізгі бөлім.

1-жүргізуші:Қымбатты: Аналар!Әжелер!Ұстаздар!Қыздар!.

Сіздерді көктемнің алғашқы мерекесі «Әйелдер күнімен»құттықтай отырып,1 «б»класында өткелі отырған «Ана-күннің шуағы «атты

мерекелік-құттықтау сабағымызды бастауға рұқсат етіңіздер!

Ендеше,оқушыларымызды тыңдайық!

2-жүргізуші.Сыйлайыншы гүлімді, Теріп алған даладан.

Мейрамыңыз бүгінгі

Құтты болсын анажан!

Хор. Бізді өсірген маматай,

Еңбегіңіз зор екен.

Құтты болсын маматай,

Құтты болсын мерекең.

1-оқушы.Әлпештеген баласын,

Ана-бақыт,ана-күн,

Әркім сүйіп өзінің,

Мақтан етер анасын!

2-оқушы.Айналайын, анашым,

Көкте күн боп жанасың.

Ет жүрегің елжіреп,

Құшағыңа аласың.

3-оқушы.Айналайын,анашым,

Аялайсың,бағасың,

Балаң үшін не керек,

Бәрін іздеп табасың.

4-оқушы,Мәпелейсің мені,анам,

Қолыңдағы құсыңдай,

Құлпыра өсіп дем алам,

Құшағыңда қысылмай.

5-оқушы.Анам мені «Айым» дейді,

Мен мұңайсам,уайым жейді.

Анам мені «Күнім»-дейді.

Мен қуансам,күлімдейді.

6-оқушы.Аналарды сүйеміз,

Сөзін ойға түйеміз.

Әжені де ардақтап,

Әдеппен бас иеміз.

7-оқушы:Таусылмайды өлеңі,

Күнде айтып береді

Барған сайын бір жаққа,

Кәмпит алып келеді.

Әжем мені өйткені,

Өте жақсы көреді

8-оқушы.Достықты біз ойлаймыз,

Бірге күліп ойнаймыз.

Қыздарды да құттықтап,

Мерекесін тойлаймыз.

Топпен жұмыс.

І.Аналар туралы тақпақ айту .

ІІ.Аналар туралы мақал-мәтел айту.

Шаттық шеңбері.

-Не тәтті? -Ананың сүті.

-Не жұмсақ?

-Ананың алақаны.

-Кім қымбат?

-Ана қымбат.

-Не жылы?

-Күннің шуағы жылы,

Ананың құшағы жылы.

Хор: «Әрқашан күн сөнбесін!»

ІІІ.Қорытынды.

.

-

1-жүргізуші.Жер бетінің ғұмыры,

КҮн нұрымен арайлы.

Біздің үйдің жылуы,

Анамыздан тарайды

2-жүргізуші:

Ақиық ақын атамыз Мұқағали Мақатаевтың «Құттықтаймын, мама ,

туған күніңмен! Өлеңін қабыл алыңыздар.

2-жүргізуші. Сыйлайыншы гүлімді,

Теріп алған даладан.

Мейрамыңыз бүгінгі,

Құтты болсын анажан! ,. .