ашық сабақ

Бөлім:

Таным қуанышы

Педагогтің аты-жөні

Гайсина Мақпал Жұмаділқызы

Күні:

Сынып:

Қатысушылардың саны:

Қатыспағандардың саны:

№7 сабақтың тақырыбы

«Адам бақыты»

Оқу бағдарламасына сәйкес оқыту

мақсаттары

Қоршаған орта сұлулығы мен адамды бағалай біледі; оларға деген көзқарасын шығармашылық жұмыстары арқылы көрсетеді

Құндылығы:

Дұрыс әрекет

Қасиеттер:

Сыйластық, қамқорлық,қайырымдылық

Сабақтың мақсаты

Оқушыларға адам бақытының сырын ұғындыру арқылы дұрыс әрекет құндылығының мәнін ашу

Сабақтың міндеттері:

1. Білімділік

2. Дамытушылық

3. Тәрбиелік

- бақыт, бақытты болу ұғымдары туралы түсінік беру;

- өзіне және өзгелерге жақсылық жасауға баули отырып, қамқорлық қасиетін дамыту;

-сыйластыққа, қайырымдылыққа тәрбиелеу.

Сабақтың кезеңі/ Уақыты

Педагогтің іс-әрекеті

Оқушының іс-әрекеті

Ресурстар

Ұйымдастыру кезеңі

1.Жағымды көңіл-күй

Амандасу.

5 «Т» ережесі

Тәртіп,

Талап,

Тыныштық,

Тазалық,

Татулық.

Ережені есімізге түсіріп, сыныптың тәртібін сақтап, оқып - білуге талаптанып, тыныштықты орнатып, тазалықты сақтап, бүгінгі күнді татулықпен өткізу керектігі туралы айту.

«Нұрға бөлену» жаттығуын өткізу.

Балалар сабаққа дайындықтарын көрсетеді. «Т» ережесін еске түсіріп, «Нұрға бөлену» жаттығуын орындайды.

Оқулық, мұғалімдерге арналған әдістемелік құрал

2. Алдыңғы үй тапсырмасын тексеру (әңгіме)

№7 сабақ 29 бет

«Адам қалай ойлайды?» мәтінін сұрақтар қою арқылы сұрау.

Сұрақтар:

• Мәтіндегі «Адамның қол жеткізген жетістіктері-өзінің ойы мен ниеті арқылы» деген ойды қалай түсінесіздер?

• Автордың «Ойы мен ниетін жақсылыққа бағыттай алмаған адамдар бақытсыз болады...» деген көзқарасымен келісесіздерме? Неліктен?

• Мәтінде айтылған ойлармен қаншалықты келісесіздер?

• Өзің «дәл бүгіннен бастап» нені мақсат етер едің? Мәтіндегі ойға тағы да қандай пікір қосар едің?

Берілген сұрақтардың негізінде үйге берілген әңгіменің мазмұнын ашады.

Оқулық

29-30бет. Презентация жасау, интербелсенді тақтамен жұмыс

3. Жағымды ой-пікір (дәйексөз) әңгіме

(Оқушыларға үш рет айтқызып, дәптерге жаздырту)

«Кім көп еңбек етсе, бақыт соған қонады»

Леонардо да Винчи

Леонардо да Винчи - италияндық ұлы суретші әрі ғалым

Сұрақтар:

1. Бақытты болу дегенімізді қалай түсінесіңдер?

2. Өмірдегі ең қуанышты сәттің мәні неде?

3. Бақытқа жетуі үшін адам не істеуі керек?

4. Дәйексөзден не ой түйдіңіз?

Сұрақтарға жауап беру арқылы Леонардо да Винчидің қанатты сөзінің мағынасын талқылайды, оны бірнеше рет қайталайды және дәптерге жазады.

Презентация, слайд.

Жұмыс дәптерлері.

4. Оқиға айту (әңгіме)

Бақытқа барар жол

(Қ.Толыбаев).

Бір құжырға жиналып, әңгімеге кіріскен шәкірттер қыза келе бақыт жайында пікір таластырды. Әрқайсысы көкейлеріне түйген өз ойларын ортаға салды.
- Бақыт - байлық пен қазына,- дейді біреуі. Оған екіншісі келіспейді.
- Жоқ, бақыт – ойлаған мақсат арқылы көксеген мұратты жүзеге асыру.
- Олай да емес,- дейді үшіншісі,
- Бақыт - ойлаған мақсатыңды күштеп болса да орындап шығу...
Талас ұзаққа созылды. Тиянақ табылмады. Келесі күнгі сабақта шәкірттер осы пікірлерін ұстазы Әбунасырдың алдына жайып салды.
- Ұстаз, бақыт деген не? Сол бақытқа қалай жетуге болады?- деген сұрақ қойды біреуі.
- Бақыт – қолға ұстата салатын зат емес, ол ой мен қиялдың мақсатқа жеткізетін, мұратты орындауға жол ашатын түйіні,- деді де, ұстаз бұл күнгі сабақтағы уағызын осы мәселеге арнауды ұйғарды.
- Олай болса, мен сол бақыт туралы пікірлерімді айтайын...
Бақыт – алға қойған мақсатың мен көксеген мұратыңның орындалуы. Бақыт нышаны ой арқылы танылса, бойдағы талпынтқыш күш арқылы ілгері құлшынуың керек. Қиялдың және сезімнің жебеуімен бақытқа жету үшін сол бақыттың түбін терең анықтап алған жөн. Осы әрекеттер адамды табындыратын күш - қуатпен анықталатын болса - адамдардың барлық қимылы өздерін жақсылыққа кенелтеді. Сол жақсылық - бақыт.
- Байлық бақытқа жеткізеді дегенге қалай қарайсыз? – деп сұрады тағы бір шәкірт.
Әбунасыр тасқынды оймен шиыршық ата толғанды:
Байлық – тіршілік етуге ғана қажетті қаражаттың молдығы,- деп өзінің пайымын түсіндіре бастады. Байлық – байлық емес. Байлықтың сипаты өгіздің жем - шөпке тойып тұрғаны секілді ғана құбылыс. Ынсап пен адамдыққа жат ниетке тыйым болмаса, байлықтың өзі адамды аздырады. Пиғылын бұзады. Мұратсыз бақыт та жоқ. Көксеген мұратың көптің мүддесімен қабысса, сол жолдағы әрекетің мұратыңның орындалуындағы діңгек болар. Бақытқа жеткенің – мұратыңның орындалғаны. Ұстаздың ұлағатты ойларынан тәлім алған шәкірттер бұл күні өмір ағысының тағы бір арнасынан сусындады.

Талқылау сұрақтары:

1. Шәкірттер ұстаздан не туралы айтып беруді өтінді?
2. Бақыт туралы ұстаз қандай ой айтты?
3. Бақыт дегенді өздерің қалай түсінесіңдер?

4.Адам бақытты болу үшін бойында қандай қасиеттер болуы керек?

5. Бақытқа жету үшін не істеу керек деп ойлайсыңдар?

Оқушылар әңгімені тыңдағаннан кейін, мұғалімнің сұрақтарына жауап бере отырып, бақыттың мәнін ұғынады.

http://ustazdar.kz/achyksabak/ozinozi/4705-bayt-shaynda.html

5. Шығармашылық жұмыс

Дәптермен жұмыс.

1 тапсырмада Сәби бақыты, дәрігербақыты, ұстазбақыты олар үшін бақыттың не екенін тірек-сызба,сурет,жазу арқылы ойларын жеткізу.

Оқушылар дәптерде тапсырманы орындайды. Шынайы бақыт туралы өз ойларын дәлелдейді.

7 сынып оқушыларына арналған өзін-өзі тану дәптері, 16 бет.

6. Жобалау қызметі

«Ұжымдағы достық» жобасы бойынша 1 кезең мақсатын жазу.

«Шын дос болу-бақыт» тақырыбында буклет жасау.

Оқушылар жоба бойынша 1 кезең мақсатын талқылайды.

Бір-біріне сыйластық, тілектестік қарым-қатынас орнату, шығармашылық қабілеттерін көрсетеді.

Буклет, суреттер.

7. Топпен ән айту

«Бақыт құшағында»
Сөзі: Т. Молдағалиев
Әні: Ш. Қалдаяқов

Оқушылар әнді ерекше көңілмен айтып, сергиді.

Ән мәтінін экранда шығару

8. Үй тапсырмасы

№ 9 сабақ Мамытбай Қалдыбай «Адам не үшін өмір сүреді..»

Оқушылар үй тапсырмасын жазады.

7 сыныпқа арналған, өзін-өзі тану оқулығы, 38-39 беттер.

9. Сабақтың қортынды сәті

Бүгінгі сабақтан игерген жақсы қасиеттерді есімізге түсіріп, жүрегімізге сақтайық. Рахмет!

Сабақта алған жақсы қасиеттерді жүректеріне сақтап алады

Баяу, жағымды әуен