Ашық сабақ

Ұлытау облысы

Сәтбаев қаласы

«Нұрбөбек» бөбекжай КМҚК

Тәрбиеші: Орындықбай Ақмарал Тілектесқызы

«Тауық балапандарымен бірге» (Пуантилизм техникасын қолдану)

Міндеті: Балаларға үй құстары және олардың тіршілігі жайлы түсінік беру. Үй құстарына қамқор болуға, оларды күте білуге тәрбиелеу. Ойлау және есте сақтау қабілеттерін жетілдіру, саусақтарын ұсақ бұлшық еттерінің қозғалысын жетілдіру.

Қолданылған құралдар: сары, жасыл түсті гуаш бояулары, трафарет, тіс щеткасы, құлақ тазартатын таяқшалар.

Балалар, бүгін біздің топ ерекше. Өйткені, бүгін біздің топқа көптеген қонақтар келіпті. Қонақтармен амандасып алайық.

Көркем сөз:

Ертіп сары балапандарын,

Айдалы әсем шықты тауық

«Кетпеңдер ұзап, балапандарым»

Тәрбиеші:Балалар, қазір жылдың қай мезгілі?

Балалар: Қазір жылдың көктем мезгілі

Тәрбиеші:Дұрыс, балалар.

Тәрбиеші:Көктем жыл мезгілінде неше ай бар?

Балалар:Көктем жыл мезгілінде үш ай бар.

Тәрбиеші :Өте тамаша.

Тәрбиеші :Көктем жыл мезгілінде ауа-райы қандай болады?

Балалар:Көктем жыл мезгілінде ағаштар бұршақ жарып, гүлдер шығады, құстар ұшып келеді.

Тәрбиеші:Балалар, құстар нешеге бөлінеді?

Балалар:Құстар екіге бөлінеді.

Тәрбиеші:Қандай құстарға?

Балалар:Үй құстары және дала құстары.

Тәрбиеші:Үй құстарына қандай құстар жатады?

Балалар:Үй құстарына үйрек, қаз,әтеш,күркетауық, тауық жатады.

Тәрбиеші:Өте дұрыс.

Тәрбиеші:Балалар тауықтың баласын біз не деп атаймыз?

Балалар:Балапан деп атаймыз.

(Сол кезде ән ойнайды. Көңілсіз тауық келеді)

Тәрбиеші:Тауық сенің неге көңіл-күйің жоқ?

Тауық: мен балапандарымды алып серуенге шығып едім, балапандарымды жоғалтып алдым. Маған балапандарымды тауып беріңдерші

Тәрбиеші:Балалар тауыққа балапандарын табуға көмектесеміз бе?

Балалар:Иә.

Тәрбиеші :Келіңдер, онда балалар үш топқа бөлініп отырайық.

Бірінші топ: Сіздер трафаретпен жұмыс жасайсыздар( сары түспен)

Екінші топ: Сіздер құлақ тазалайтын таяқшалармен және тіс жуғыш щеткамен жұмыс жасайсыздар

Үшінші топ: сіздер болса фломастермен фольгаға салынған балапандарды бояйсыздар.

Балалар жұмыстарын істейді. Балаларға бақылау жасаймыз. Жұмыстарын аяқтаған балалардың жұмыстарын тақтаға іліп қоямыз.

Жұмыстарын бітіргеннен кейін балалармен сергіту сәтін ұйымдастырамыз.

Сергіту сәті

(Қуыр-қуыр-қуырмаш)әнімен орындалады.

Тауық балапандарын тауып мәз болады.

Қорытынды: Балалар бізге бүгін не қонаққа келді?

Балалар:Тауық.

Тәрбиеші:Дұрыс.

Тәрбиеші:Тауық, бізден не деп көмек сұрады?

Балалар:Балапандарын тауып беруді.

Тәрбиеші:Өте тамаша.

Осымен біздің іс-әрекетімізді аяқтаймыз.

Тауық балаларға рахметін айтып өзінің сыйлығын береді.