Қ.Сәтбаев атындағы №12 жалпы білім беретін мектебінде математика бірлестігінің жоспарына сәйкес « Математика- өмір айнасы» тақырыбында 10.11.25-14.11.25ж аралығында математика апталығы болып өтті. Математика пәні мұғалімі педагог-зерттеуші Маржан Дүтбайқызы 7 «Ә» сыныбында геометрия сабағында «Үшбұрыштар тақырыбына есептер шығару» тақырыбында ашық сабақ өтті. Сабақтың тақырыбы, мақсаты және бөлімдерін таныстыра отырып, жасанды интелект арқылы оқушыларға жылы лебізін ( жүрекшемен) және тілектерін білдірді. Өтілген тақырыпты «Ашық микрофон » әдісі арқылы пысықтады. Оқушылардың фукнционалдық сауаттылығын арттыруда өмірде кездесетін үшбұрыштар туралы оқушылармен бірлесіп жұмыс жасады. Оқушылармен топтық жұмыста әр топқа шығармашылық жұмыстар беріліп, оқушылар тапсырманы жақсы алып шықты.Оқулықпен жұмыс жасалды. «Білім кемесі» арқылы кері байланыс алынып, оқушылар өздерін әділ бағалады.