Ашық сабақ "1,2,3 сандарын пысықтау,өткенді қайталау"

Білім беру саласы: Таным. Коммуникация.

Ұйымдастырылған оқу қызметінің түрі: ҚМТҚ, Сөйлеуді дамыту.

Тақырыбы: 1,2,3 сандарын пысықтау, өткенді қайталау.

Мақсаты: Танымдық білімдерін бекіте отырып, зеректікке, шапшаңдыққа,

тез ойлануға дағдыландыру. Ролдерді дұрыс бейнелеп жеткізе білуді үйрету.

Ұқыптылыққа, адамгершілікке тәрбиелеу.

Қолданылатын көрнекі құралдар: 1-3 сандар.

Аю мен түлкінің қуыршақ бейнелері, суреттер, қажетті атрибуттар.

Алдын-ала орындалатын жұмыс: Слайд.

Шаттық шеңбері:

Күннің көзі ашылды,

Көкке шуақ шашылды,

Амандасу үлкенге ,

Тәрбиенің басы ғой,

Ал, кәнекей, бәріміз ,

Сәлем дейік үлкенге.

(Балалар қосыла айтып, қимылмен көрсетеді.)

-Балалар, мен сендерге жұмбақ жасырамын, сендер шешуін табуға тырысыңдар.

Қыста ғана болады,

Ұстасаң қолың тоңады.

-Қар.

-Қазір далада қар бар ма?

-Бар.

-Ендеше қазір жылдың қай мезгілі?

Қыс.

-Қыс мезгілі туралы не білесіңдер?

( Қыс туралы айтады)

-Ал, бір жылда неше мезгіл бар?

-Төрт мезгіл

-Қане, атап айтайықшы.

(Балалардың жауабы.)

-Балалар, бәріміз тақтаға қарайықшы, не көріп тұрсыңдар?

-1санын

Осы бір саны туралы небілеміз.

Жіңішке жалғыз таяқша,

Бір саны ол айрықша.

-Ал, мынау қандай сан?

Екі саны туралы небілеміз.

-2 саны.

Міне, екі саны тұр.

Қараңдаршы неткен түр

Мойнын алға иеді,

Құйрығы еріп жүреді.

-Ал, мынау қандай сан?

Үш саны туралы не айтасыңдар

-3 саны

Екіден кейін қараңдар,

Үш саны шықты жарандар.

Үшінші орын тұрағы,

Үш ілмекті қосып тұрады.

-Рахмет, балалар

Осы кезде теледидардан әже көрінеді.

Әже:

-Мен балаларға арнап бауырсақ пісіріп, терезенің алдына суытып қойып едім,енді қарасам орнында жоқ. Маған бауырсақты табуға көмектесесіңдерме?

-Балалар, әжеге көмектесеміз бе?

-Қайдан іздесек екен ?

Осы кезде ағаштың арасынан секіріп қоян шығады.

-Бауырсақтың қайда екенін мен білемін.

-Айта ғой қоян, мен саған көп сәбіз беремін.

Қоян:

-Бірақ, балалар менің тапсырмамды орындаса ғана айтамын.

-Балалар, қоянның тапсырмасын орындаймыз ба? -Иә, орындаймыз.

Балалардың жауабы.

«Кім қайда тұрады?»

Ит , аю, құстың суреті бейнеленген. Біз олардың үйлерін табамыз.

Қане, кім тақтаға шығады?

-Ал, қоян , балалар тапсырмаңды орындады, енді бауырсақтың қайда екенін айта ғой.

Қоян.

-Рахмет, балалар, тапсырманы жақсы орындадыңдар. Ал, бауырсақты қасқыр алып кетті.

(Қоянға сәбіз беріп, шығарып салу)

Осы кезде арсалаңдап қасқыр келеді.

Қасқыр:

-Бауырсақты кім алғанын мен білемін.

-Өтірік айтпа, қасқыр , осы жаңа ғана қоян, сенің алғаныңды айтты ғой. Қасқыр:

-Егер бауырсақ керек болса , балалар менің тапсырмамды орындасын.

-Қасқырдың тапсырмасын орындаймыз ба, балалар?

«Кім немен коректенеді?»

Тақтадағы сурет бойынша жануарлардың немен коректенетінін табу.

-Ал, кәне, кім табады?Кірпі,қоян, тиін, тышқан не жейді? (Кірпі саңырауқұлақ, қоян сәбіз, тиін жаңғақ, тышқан ірімшік жейді)

-Өте жақсы балалар, ал, Қасеке балалар тапсырманы орындады. Енді бауырсақты кім алғанын айтасыз ба? Қасқыр:

-Әженің бауырсағын аю алып кетті.

Сергіту сәті:

Қорбаңдаған аюдың ,

Құлпынайы көп екен,

Теріп- теріп алайық,

Қалтамызға салайық.

-Қап, аю ендігі, бауырсақты балмен қосып жеп қойған шығар.

Осы кезде қорбаңдап аю келеді.

Аю:

-Бауырсақты кім алғанын мен білемін.

-Айта ғой аю, егер шыныңды айтсаң , мен саған көп бал беремін . Аю:

-Бірақ, мен балалар тапсырмамды орындаса ғана айтамын.

-Кім санамақ біледі?

1-дегенім - бесік,

Шықтым содан өсіп.

2-дегенім – елім,

Далам, тауым, көлім.

3-дегенім-үміт,

Аю:

-Рахмет, балалар, өздерің шеттеріңнен ақылды екенсіңдер.

Әженің бауырсағын түлкі алып кетті. (Аюға бал беріп, шығарып салу)

-Қап, сені ме,түлкі? Енді оны қайдан тапсақ екен?

Осы кезде қутыңдап қу түлкі келеді.

-Қане, қу түлкі, әженің бауырсағы қайда , тауып бер.

Түлкі:

-Әженің бауырсағы менде, бірақ бермеймін, балалар менің тапсырмамды орындаса ғана беремін.

-Балалар, түлкінің тапсырмасын орындаймыз ба?

«Жақсы мен жаман.»

-Досыңа көмектескен жақсы ма, жаман ба?

-Өтірік айтқан жақсы ма, жаман ба?

-Біреудің затын рұқсатсыз алған?

-Гүлге су құйған?

-Ағашты сындырған?

Түлкі бауырсақты беріп, кешірім сұрайды.

Осы кезде теледидардан әже көрінеді.

-Балалар, бүгін сендер үлкен іс тындырдыңдар. Маған бауырсақты табуға көмектестіңдер.Осы бауырсақты сендерге арнап пісірген едім, өздерің жей қойыңдар.

Ал, сау болыңдар, рахмет сендерге.

-Балалар, әже бізден не үшін көмек сұрады?

-Бауырсақты табуға бізге нелер көмектесті?

-Бұл кейіпкерлер бізге қандай ертегіні еске түсіреді?

-Бүгінгі оқу қызметі сендерге ұнады ма? Балалардың жауабы.

Рефлекстік түзету

Балалар өз ойларын айтады.

-Иә, маған да ұнады, себебі сендер бүгін үлкен қайырымды іс жасадыңдар, әжеге көмектестіңдер, тапсырмаларды орындап , білімдеріңді шыңдадыңдар. Балаларды мақтау.

Күтілетін нәтиже

Нені білу керек: 1-3 сандарын танып ажырата білу.

Нені игереді : Ертегі кейіпкерлері екендігін атап тапсырманы орындауды игерді.

Нені біледі: сануды, санамақтарды біледі.

Тәрбиеші: Қалипанова Б. Т.