Ашық сабақ 2 сынып Жүрекке жол тапқан – асыл жан

Жүрекке жол тапқан – асыл жан

Садыкова Айкал Ануарбековна

№25 Т.Рысқұлов атындағы мектеп-гимназиясы

Өзін-өзі тану пәнінің мұғалімі

Шымкент қаласы

Рухани кәусар бұлаққа барар жолды іздеу – әр адамның міндеттерінің міндеті.

С. А. Назарбаева

Құндылығы:Ақиқатты тану, ішкі тыныштық.

Қасиеттері: Мейірімділік, жанашырлық, ізгілік.

Мақсаты: Оқушыларға 12 ақпан Сара Алпысқызы Назарбаеваның туған күні екенін айтып,бұл күннің біз үшін өте ерекше екендігін айтып түсіндіру. С.А.Назарбаеваның өміріне тоқталып,жаңа мәліметтер беру.

Міндеті: - «Ізгілік жан» ұғымының құндылығын түсіндіру.

-Жағымды іс әрекет дағдыларын қалыптастыру

- Ізгілікке, сүйкімділікке баулу

 Ресурстары: нақыл сөздер,интерактивтік тақта, плакаттар, шарлар.

Сабақтың әдісі: Миға шабуыл, сұрақ-жауап.

Сабақтың барысы: Топтық жұмыс жасалады, оқушыларды 3 топқа бөлеміз.

1-топ. «Жігер» тобы – Ақбота

2-топ. «Әдеп» тобы – Нұрай

3-топ. «Бірлік» тобы – Хамзат

Дәйексөз

1-тапсырма: Әр топқа үш дәйексөз беріледі.Оқушылар дәйексөздің мағынасын ашып, өмірмен байланыстырады (интерактивті тақтадан көрсетіледі).

2-тапсырма: Эссе жазу. «Жүрекке жол тапқан – асыл жан» тақырыбында жазылады.Ойы анық, үйлесімді, мағыналы, әсерлі жазылуы керек.

3-тапсырма: Жарнамалау. «Оқулық», «достықты», «сыныпты» жарнамалап жағымды жақтарын мақтап, көтеріңкі көңіл күймен жеткізе білу керек.

4-тапсырма: Сахналау «Ана мейірімі» тақырыбында сахналық көрініс көрсету. (адамдар қиын жағдайға тап болған кездегі қамқорлық пен жанашырлықтың көрінісін көрсету).

Сабақты қорытындылау.

Бүгін, менің туған күнім

Ой, пәлі-ай

Мына адамдар неге жатыр тойламай

Банкет жасап берер едім өзім-ақ

Тәңірдің бір жарытпай- ақ қойған-ай,- деп Мұқағали Мақатаев ағамыз

жырлағандай, бүгінгі С .А. Назарбаеваның туған күн мерекесіне арналған ашық сабағымыз аяқтаймыз, атсалысқан 3 топ мүшелеріне алғысымыз шексіз!Өнерлеріңіз өрлей берсін.

Тілек ағашы: Оқушылар стикерге тілек жазып, ағашқа жапсырады.