Ашық сабақ 5 сынып Мен сүйсінген әлем

Мақсаты: Оқушылардың қоршаған ортамен қарым – қатынасын нығайту және адамгершілік құндылықтардың маңыздылығын оқушы бойына сіңіру, өз Отанына, туған жеріне, табиғатқа деген сүйіспеншілігін, сенімін арттыру.

Сабақтың міндеттері:

Білімділік: Оқушыларға табиғатқа және туған жерге қамқорлық жасау қасиетінің маңыздылығын ұғындыру.

Дамытушылық: Оқушыларға табиғаттағы өзгерістерге жауапкершілікпен, жанашырлықпен қарауға ықпал ету.

Тәрбиелік:Оқушыларды қамқорлыққа, жанашырлыққа, жауапкершілікке тәрбиелеу.

Ресурстары:(материалдары, көздері)

Барысы:

1.Ұйымдастыру (оқушыларментанысу, психологиялықкөңіл-күйорнату, сәттіліктілеу, топқа бөлу)

Топқа бөлу балаларға 4 түрлі өлеңнің үзінділері беріледі сол өлеңдерді бірге орындау арқылы әр бала өз топтарын табады.

(Туған жер, Отан, Қазақстан, туралы әндер)

Сабақтың барысы:
Қайырлы күн, балалар! Күнде таңертең сендер ояна салысымен, терезені ашып Табиғат - Анаға көз салып қарайсыңдар. Дәл бүгінгі күні табиғат - Ана бізді несімен қуанты, бізге не айтады? Олай болса, Мен сіздерді қызыққа толы әлемге саяхатқа бірге шығуға шақырамын.
Бүгінгі саяхатымыздың тақырыбы: «Мен сүйсінген әлем» деп аталады.
Бүгін, сендермен бірге қоршаған ортаға деген, туған жерге деген сүйіспеншілік құндылықтары жайлы түсінігімізді кеңейтеміз, табиғатты сүюді, қорғауды, табиғат - Анаға сүйіспеншілікпен қарауды үйренеміз. Барлығымыз орнымыздан тұрып мына өлең жолдарын бірге айтайық!
Психологиялық дайындық

Қайырлы күн, туған жерім, Отаным,

Қайырлы күн, күнім, далам, орманым,
Қайырлы күн, гүлім, құсым, көлдерім.
Қайырлы күн, өсімдіктер, жәндіктер
Қайырлы күн, бар тіршілік иесі!
Өте жақсы! Барлығымыз орындарымызға отырамыз

2. Әңгімелесу.

Мұғалім:

- Балалар, айтыңдаршы біз кімбіз?

Балалар:

-Адамбыз, баламыз, қызбыз, ұлмыз, немереміз, ағамыз, ініміз, қарындаспыз т.с.с.

Мұғалім:

Балалар, әлемді сүйетін адам қандай болу керек деп ойлайсыңдар?

Балалар:

-Мейірімді, сымбатты, қамқоршыл, шыншыл, жанашыр, сүйкімді, өнерлі, еңбекқор, адал т.с.с.

Мұғалім

-Ал адамдар қандай болмауы керек?

Балалар:

-Өзімшіл, қатыгез, мейірімсіз, кекшіл, мақтаншақ т.с.с.

Тіршілікте не дейсің ғой ең қымбат,

Тіршілікте адам қымбат, сен қымбат.
Ал адамға ауа қымбат бәрінен,

Ауа қымбат, алатұғын дем қымбат.
Расында да ауадан қымбат еш нәрсе жоқ. Адам бар – жоғы бір - екі минут ғана дем алмай тұра алады. Сондықтан дана халқымызда «Ауадай қажет» деген сөз бар. Бірақ сол ауамыз қаншалықты таза екеніне ешкім толық жауап бере алмайды. Мұғалім: Ия, балалар, ауасыз өмірді елестету мүмкін емес. Ауаны ластамау әрқайсымыздың борышымыз.

3.Бейнекөрініс тамашалау

Балалар енді барлығымыз тақтаға назар аударайық мына бейнероликті тамашалап, өз ойларымызды ортаға саламыз.

1.Сұлу табиғат көрінісі

2. Табиғаттың ластануы

Бейнекөрініс туралы оқушылар өз ойларымен бөліседі

-Балалар, бейнеролик бойынша не айтасыңдар?

-Иә. Табиғат адамдардың жауапкершілігінің жоқтығынан үлкен апаттарға ұшырайды екен. Таза табиғат бұл өте тамаша құндылық екен!

- Бейнероликте көрген жағдайларды өмірде қайталаймыз ба?

- Осы бейнероликтен қандай жақсы әрекеттерді үйренуге болады?

- Жақсылыққа жақсылық дегендей табиғаттың риясыз сыйына қандай жақсылық жасар едіңдер?

Мұғалім:
Өте жақсы, балалар біз табиғат туралы тамаша туындыларға саяхат жасадық. Табиғат - Ана адамзат баласына бар қажетті нәрсенің барлығын да беріпті. Ол бізге дем алсын деп ауа берді, ішсін, бар қажетіне жаратсын деп мөлдір су берді, ғажайып жасыл әлем сыйлады, орман - тоғайымыз әдемі болсын деп құсы мен әдемі аңдарын берді, қысқасы біз өмірге қажеттінің бәрін Табиғат - Анадан алады екенбіз.
Ол қандай мейірімді, өзі қандай дархан, кең болса да, жүрегі де дәл сондай қайырымдылыққа, мейірімділікке толып тұр.

4. Ойын. «Егерде мен ...»

Балаларға түрлі табиғат бөлшектерінің суреттері таратылады. Әр бала өзіне келген сурет бойынша, егер ол сол табиғат иесі болса қандай жақсылықтар жасайтынын айтып береді. Мысалы: егер мен құрт болсам, ағаштардың жапырақтарын жемес едім. т.с.с.

«Егерде мен құс болсам...»

«Егерде мен құрт болсам...»

«Егерде мен жаңбыр болсам...»

«Егерде мен жел болсам...»

«Егерде мен өзімшіл бала болсам...»

«Егерде мен мейірімді бала болсам...»

«Егерде мен аңшы болсам...»

«Егерде мен орман қорғаушысы болсам...»

5.Шығырмашылық жұмыс

І топ, ІІІ топ «Мен сүйсінген әлем» тақырыбын сурет салу арқылы қорғау бес құндылық негізінде.

ІІ топ, ІV топ «Мен сүйсінген әлем» тақырыбына шағын эссе жазу бес құндылық негізінде.

6.Топпен ән айту

«Сарбаздар» әнімен «Жасыл ел ұйымының әні» орындалады:
Сайдың серке тасындай қатар тізілген,
Бізге қарап мектептің бәрі сүйсінген.
Қорғашы, ұланым,
Табиғат берген бізге қорларын.
Ай – хай табиғатым – ай
Жасыл елім – ай
Мәңгі бақи өзіңді қорғап өтем – ай!
Табиғатты қорғаймын жігер күшіммен,
Жапсарбаев ұланы қатар тізілген.
Қорғашы ұланым,
Табиғат берген бізге қорларын.
Ай – хай, табиғатым – ай,
Жасыл елім – ай
Мәңгі бақи өзіңді, қорғап өтем – ай!

Табиғатты аялау адам тілегі
Азаматы болайық жердің тірегі.
Қорғашы ұланым,
Табиғат берген бізге қорларын.
Ай – хай табиғатым – ай
Жасыл елім – ай
Мәңгі бақи өзіңді қорғап өтем – ай!
Бүгін бізге аманат, осы табиғат,
Табиғатты әрқашан қорғау жарасады.
(ек рет)
Қорғашы – ұланым
Табиғат берген бізге қорларын,
Ай – хай табиғатым – ай
Жасыл елім – ай
Мәңгі бақи өзіңді, қорғап өтем – ай
Пай – пай, жас ұландар – ай
Қазақ халқым – ай
Қорғайықшы мәңгілік табиғатты – ай
Пай – пай жас ұландар – ай
Қазақ халқым – ай
Қорғайықшы мәңгілік табиғатты – ай!

Талдау

7. Сабақтың қорытынды сәті

- Бүгінгі айтылған барлық жақсы қасиеттерді жүрегімізге сақтап алайық. Табиғат-Ана адамзат баласына бар қажетті нәрсенің барлығын да беріпті.Ол бізге дем алсын деп ауа берді,ішсін, бар қажеттіне жаратсын деп мөлдір су берді, ғажайып жасыл әлем сыйлады, орман-тоғайымыз әдемі болсын деп құсы мен әдемі аңдарын берді, қысқасы біз өмірге қажеттінің бәрін Табиғат- Анадан алады екенбіз. 
Ол қандай мейірімді,өзі қандай дархан,кең болса да, жүрегі де дәл сондай қайырымдылыққа, мейірімділікке толып тұр. Олай болса біз, балалар дәл қазір Табиғат-Анадан үйренген мейірімділігімізді бір-бірімізге арнаймыз.

Кері байланыс:

• Бүгінгі тәрбие сабағымыздан қандай әсер алдыңыздар?

• Сабақ ұнадыма?

Ендеше, осы сабақтан алған әсеріңізді ауызша жеткізе қойыңыздар.

Сабақ аяқталды. Рақмет!