Ашық сабақ 7 санын қосу және азайту 2-сынып

Шығыс Қазақстан облысы

Зайсан ауданы, Қарабұлақ ауылы

«Абай атындағы орта мектебі» КММ

Бастауыш сынып мұғалімі

Қорабаева Назира Ерланқызы

Математика 2-сынып (ашық сабақ жоспары)

Сабақтың тақырыбы: 7 санын қосу және азайту

Сабақтың мақсаты: Білімділігі: оқушылар екі амалдан тұратын өрнектер және тапсырмалармен байланысты есептерде 7 санын қосу, азайтудың кестелік жағдайын қолдануды үйренеді. Екі амалмен шығарылатын есептерді салыстырады, шешу ерекшеліктерін талдайды. Топта ондықтан аттайтын жағдайда 7 санын қосу және азайту дағдысына машықтанады.

Дамытушылығы: оқушылардың ой-өрісі, есте сақтауы, есептеуі, шығармашылық қабілеттері дамытылады.

Тәрбиелігі: ұқыптылыққа, ізденімпаздыққа, шапшаңдыққа тәрбиеленеді.

Сабақтың типі: жаңа сабақ

Сабақтың түрі: аралас сабақ

Сабақтың әдісі: сұрақ-жауап, түсіндіру, көрсету, талдау, ойын, оқулықпен жұмыс.

Сабақтың көрнекілігі: оқулық, модель, суреттер.

Сабақтың барысы:

І.Психологиялық дайындық. Мақсатымыз білім алу,

Міндетіміз – еңбектену.

Еңбектену арқылы,

«5» ке қолды жеткізу

ІІ.Үй тапсырмасын тексеру

1.«Қалт етпей қағып ал» ойыны

2,3,4,5,6 сандарынң қосу және азайту кестесін пысықтау.

2. Өткенді қорытындылау.

ІІІ.Жаңа сабаққа дайындық.

1. Жұмбақ жасыру.

а) Біз ақылды баламыз.

Есеп жұмбақ ойынның

Жауабын тез табамыз.

Жаңылмастан жетеуі.

Кезек қызмет етеді. (аптаның 7 күні)

ә) Алма бағы жайнаған

Қызыл алма айналам.

Алдым үзіп бесеуін

Тағы да алдым екеуін

Алдым сонда нешеуін? (7)

• Жұмбақтың шешуінде қандай сан кездеседі?

• 7 саны қандай сан?

• Киелі, қасиетті, тақ сан

Сабақтың тақырыбын, мақсатын хабарлау.

Бүгін біз «7 санының сыры» еліне саяхатқа шығамыз.

ІҮ.Негізгі білім. Күн, ай реті

Көркем жазу минуты

7 цифрын көркемдеп жазу.

Әр алдаманың атын білу үшін тапсырмалар орындауымыз керек.

2. Өлең оқу.

Циркте жұрт самсаған

Мәз болса деп жан салам

Ду күлдірсем оларды,

Қуанамын мен соған.

• Өлеңде кім жайлы айтылған?

• Сайқымазақ

• Оны сендер қайдан көрдіңдер?

• (1,2 оқушыға әңгімелету)

• Ендеше балалар сайқымазақ бізбен бірге 7+7; және 14-7 азайтуды үйренуге келіпті. Біз оған үйрете отырып өзіміз де біліп, үйреніп алайық.

ІҮ. Оқулықпен жұмыс. №1 «Үйретейік, үйренейік» ойыны

а) Түсіндіре отырып орындау.

Санға 7-ні қосу және азайту кестесін ескере отырып, суреттерді пайдаланып, 7-ге 7-ні қалай қосу керектігін және 14-тен 7-ні қалай азайту керек екендігін түсіндіру

7 +7=(7+3)+4=14 14-7=(14-4)-3=7

3 4 4 3

ә) тақтамен жұмыс

Әр қатардан 1 оқушыдан шығып тапсырманы орындайды. Түсіндіре отырып, шығару.

8 +7 15-7 9+7 16-7

2 5 5 2

1-аялдама. «7 ата» 7 ата жайында не білесіңдер? (1,2 оқушыдан сұрау)

№2 «Пілге көмек» ойыны

Теңдік құру. Тақтамен жұмыс.

2-аялдама. «7 керемет» деп аталады. 7 санына байланысты білетін өлең, жұмбақ, мақал-мәтелдер сұрау.

№3 «Ойланайық, ойнайық» ойыны

1 оқушы есепті оқиды. Талдау, шығару.

3-аялдама «7 қазына» аялдамасына жеттік. 7 қазына жайында не білеміз?

№4 «Кім жылдам?» ойыны

Математикалық диктант.

7 мен 3 сандарының қосындысына 4-ті қос;

14 пен 4 сандарының айырмасынан 3-ті азайт;

8 бен 2 сандарының қосындысына 5-ті қосу;

15 пен 5 сандарының айырмасынан 2-ні азайт;

9 бен 1 сандарының қосындысына 6-ны қос

4-аялдама «7 шелпек» 7 шелпекті не үшін пісіретінін әңгімелету.

№6 «Баспалдақ» ойыны

Оқушылар тақтада орындайды.

5-аялдама «7 күн» аялдамасы 7 күн туралы өлеңдер сұрау.

ҮІІ. Бекіту. «Эстафета» ойыны

1 4 14 14

ҮІІІ. Қорытындылау

ІХ. Үйге. №5

Х. Бағалау.