Ашық сабақ : "Автобус"

Ашық сабақ

Ұйымдастырылған оқу қызметі

Білім беру саласы: Шығармашылық

Бөлімі: Сурет салу

Тақырыбы: «Автобус»

Мақсаты:

1. Сурет салудың техникалық дағдыларын жетілдіру. Суретте ашық және солғын түстерді пайдалану.

2. Балаларға көлік туралы түсінік беру.

3.  Көлік  түрлерінің  ерекшеліктеріне  қарай  топтастыруға     үйрету.

Үштілдігі: көлік-транспорт- transport , автобус-bus

Көрнекілігі: көліктердің, автобус,жеңіл көліктер және жүк көлігінің суреттері.

Сабақтың барысы:

Балаларды  шаттық  шеңберіне  тұрғызып, жасату.

Қол  алысып  қане  біз,

Достасайық  бәріміз.

Қайырлы  күн  жер Ана!

Қайырлы  күн  достарым.

Сіздермен  кездескеніме  қуаныштымын.

Жарайсыңдар балалар!

Балалар,сендерге жұмбақ шешкен ұнайды ма?

-Олай болса мен сендерге жұмбақ жасырайын,дайысыңдарма?

Көше бойлап аяңдайды,

Адам тасып аялдайды.(автобус)

-Дұрыс айтасыңдар балалар бұл автобус.Автобус туралы мәлімет.

Тосын сый:Балалар бүгін біз ғажайыпстанға саяхатқа барамыз.Онда түрлі тапсырмалар мен ойындар ойнайтын боламыз.

-Ол үшін бізге көлік керек.Балалар, көліктердің бірнеше түрлері бар, ал біз қандай көлікке мінеміз. Әуе көлігі ұшаққа мініп барсақ қалай болады?

-Әлде су көлігі қайықпен барамыз ба?

Жоқ балалар мен таптым ол үшін бізге барлығымыз сыйятын жер көлігі автобус керек.

-Олай болса міне біздің автобусымыз.

-Енді саяхатқа шығайық. Ал бәріміз автобусқа орналасайық. Бәріміз автобусқа сыйдықпа?

-Балалар міне бізде ғажайыпстанның бірінші аялдамасына келдік.

1.Аялдама. Ойын: «Көліктерді топтастыр»
Мақсаты: Көліктер туралы білімдерін бекіту.
Шарты: Үлестірмелі карточкалардағы көліктерді әуе, жер, су көліктері түрлеріне бөледі.

2.Аялдама. «Жұмбақтар».Балалар бұл жұмбақтар аялдамасы болғандықтан,жұмбақ шешетін боламыз,сендерге жұмбақ шешкен ұнайтын шығар ия?!

Арқасында ауыл жүр, ала тайым шауып жүр (Автобус)

Үп - үшкір, ұп – ұшқыр.(Зымыран)

Аспанда бір алып құс, ызғып ұшып барады. Қарап тұрсаң ғажайып, соңында із қалады (ұшақ)

Құстан аумайды, көкте зулайды (Ұшақ)

Пырылдар көкте инелік ,

Инелік емес үй делік. (Тікшақ (Вертолет))

3.Аялдама. «Сергек бол» . Балалар бұл аялдамаға тоқтап бір сергіп алайық сергіту сәті.

4.Аялдама. «Сиқырлы қарандаштар». Бұл соңғы аялдамада балалар мына алдарында тұрған сиқырлы қарандаштармен мына автобустарды бояйтын боламыз.

Тапсырмаларды жақсы орындағандары үшін күлегештер беріледі.

Қорытынды:

1.Бүгін біз қайда бардық? Немен бардық?

2.Сендерге саяхат ұнады ма?

3.Көліктердің неше түрі бар екен?