Ашық сабақ " Конструкциялық материалдар өндірісі кешенін қорытындылау"

Сабақ:№28. Күні: 12.12.2018ж. Сыныбы: 9 «А»

Бөлім: Салааралық кешендер географиясы

Тарауы: Конструкциялық материалдар кешені

Сабақтың тақырыбы: Конструкциялық материалдар өндірісі кешенін қорытындылау

Сабақтың мақсаты:

Оқушылар үшін:

өнеркәсіптің маңызды бір саласы – металлургия,химия өнеркәсібін білу, оның салаларын, өндіретін өнімдері мен заттарын; қазіргі жағдайын және болашағын бағалауға үйрену;конструкциялық материалдар өнеркәсібі салаларының маманы болуға талаптану;  

Мұғалім үшін:

Металлургия,химия өнеркәсібі елдің техникалық прогресін көрсететінін, сонымен бірге ең «лас» сала екенін, оның салаларының таралуы мен орналасуын; басты бағыттарын, болашағын сипаттай отырып; кәсіп, мамандық таңдауға баулу.  

Құрал-жабдықтар: оқулық, карта,кескін карта, тірексызбалар, интерактивті тақта

Сабақтың түрі: аралас сабақ

Сабақтың әдісі: кестемен жұмыс,сұрақ-жауап, тірексызбалар, картамен жұмыс т.б.

Сабақтың технологиясы: Жекелеп оқыту әдісі технологиясы

Пәнаралық байланыс: химия, математика

  Сабақ барысы:

Ұйымдастыру: жағымды психологиялық ахуал орнату, «бүгінгі күн керемет»өлең шумағының дауысты дыбыстарының орнына французша «ю»,испанша «и»,жапонша «я» әрпін қойып тобымен дауыстап оқу керек. Елбасының жолдауы «Ұлы даланың жеті қырын» сабақпен байланыстыру. 5 минут.

Сабақтың барысы:(сабақтың өтілуін түсіндіру) — жеке тапсырмаларды беру,бағалау парағын тарату 7 минут.

Тақырыпты меңгеру нәтижесінде оқушылар:

Білуі тиіс: Біліктілігі болуы тиіс:

1. Металлургия салаларын; 1. Қара және түсті металлургияның

2. Қара металлургия кәсіпорындарын; кен орындарын көрсету және түсіру;

3. Түсті металлургия тобы және 2. Сызбанұсқа құрастыра білу

негізгі базаларын; 3. Кескін картаға кен орындарын түсіре

4. Металлургияның орналасу факторларын; білу;

5. Химия өнеркәсібінің салалық құрамын 4. Түрлі ақпарат көздерімен жұмыс

және орналасу факторын; жасау;

Есіңде болсын, жұмысты алгоритм бойынша жаса. Әр тапсырманы орындаған соң тексертіп отыруды ұмытпа,тақырыптың рейтінгілік бетін толтыр. Өзіңнен туындаған сұрақтарды, проблемаларды жауапсыз қалдырма!

Жолдасыңды тексерген кезде әділетті және турашыл бол – бұл саған және сен тексерген оқушыға өте қажет.

Сәттілік тілеймін!

№ 1 тапсырма.

1. Кестені толтырыңыз:/әрбір кесте үшін -1 ұпай, жалпы: 15 ұпай/

Орындалуы: 4 минут

2. Қарағанды металлургия комбинатының (Арселор Миттал Теміртау) шикізат базасының сызбанұсқасын сызыңыз: /кен орындарын жазса- 1 ұпай,алынатын шикізаттарын атаса-1 үпай, жалпы: 13 ұпай.

Орындалуы: 3 минут

№ 2 тапсырма.

1. Түсті металдар кестесін толтырыңыз:/әрбір кесте үшін -2 ұпай, жалпы: 10 ұпай/

Орындалуы: 3 минут.

2. Өз таңдауың бойынша :

• ауыр металдардан - мыс өнеркәсібіне;

• жеңіл металдардан – аллюминий өнеркәсібіне;

• бағалы металдардан – алтын мен күміске;

• сирек және шашыранды металдардан – уран өндірісіне сипаттама бер.

/10 ұпай/ Орындалуы: 5 минут.

№ 3 тапсырма.

1. Химия өнеркәсібінің салалық құрамы мен орналасу факторларын сызбанұсқа түрінде түсір.

/Салаларын дұрыс жазғаны үшін -1 ұпай/

/Салалық құрамын дұрыс жазғаны үшін – 1ұпай/

/Орналасу факторын дұрыс жазғаны үшін – 1ұпай/ /Жалпы: 15 ұпай/

Орындалуы: 5 минут.

№ 4 тапсырма.

Қара және түсті металлургия кен орындарын кескін картаға түсір. Орындалуы: 5 минут.

/ 10 ұпай/

--------------------------------------------------------------------------------------------------------------------------

Бағалау. Рейтингілік парағындағы ұпай сандарын есептеп бағасын шығару.2 минут

Бағалау сараптамасы: «5» = 66-73 ұпай. «4» =56-65 ұпай. «3» = 37-55 ұпай.

Рейтінгілік парағы Аты-жөні:---------------------------------------------------------

Үйге тапсырма.

1.Эссе: Қазақстандағы металлургия және химия өнеркәсібінің болашағы.

Дерек көзі: https://uzdikter.biz/geography/geographya-zhane-biologya-pani-mugalimi-zhumataev-zhumahan/geographya-9-sinip-kazakhstannin-chimya-onerkasibi-kesheni/