Ашық сабақ " Математика еліне саяхат"

Білім беру саласы:«Таным»

Бөлімі: Қарапайым математикалық ұғымдарды қалыптастыру

Тақырыбы: «Математика еліне саяхат»

Әдісі:Саяхат сабақ

Мақсаты: Балалардың геометриялық пішіндер туралы білімдерін тиянақтай отырып, қарапайым математикалық ұғымдарын бекіту. Ойлау қабілеттерін дамыту. Ертегі кейіпкерлерін атай білуге тәрбиелеу.

Көрнекіліктер: Теледидар, геометриялық пішіндер, магниттер, үйшік, гүлдер, қораптар (үлкен-кіші)

1 .Әрекет кезеңдері:

Тәрбиешінің іс-әрекеті.

Баланың іс-әрекеті.

2. Мотивациялық қозғаушы:

Балалардың назарын өзіне аударады.

-Балалар бүгін бізде ерекше сабақ. Біз «математика еліне» саяхат жасаймыз. Ол үшін көздеріңді жұмыңдар.

Ғажайып сәт:

Есіктен «математика елі» кіріп келеді.

-Саламатсыздарма, балалар!

- Мен математика елінен келдім. Менімен бірге саяхатқа шығасыңдарма?

-Иә

-Олай болса, көзімізді жұмамыз.

(Балалар көздерін жұмады)

-Тәрбиеші: балалар математика елі сіздерге әр түрлі пішіндерді ала келіпті. Ал, енді теледидарға қарайық.

-Біз қандай пішіндерді көріп тұрмыз? (әр түрлі)

-Түстері қандай?

-Пішіндері қандай? (үшбұрыш,төртбұрыш,тікбұрыш,дөңгелек) тәрбиешімен бірге қайталайды.

3. Іздену-ұйымдастырушылық:

-Ал, балалар, енді барлығымыз орнымыздан тұрайық, сәл демалып алайық.

Оң қолымда -5 саусақ,

Сол қолымда-5 саусақ

Беске 5-ті қосқанда

Болады екен 10 саусақ.

-Балалар, енді осы геометриялық пішіндерден суреттер құрастырайық.

Дидактикалық ойын:«Көңілді пішіндер»

Балалар әр түрлі пішіндерден суреттер құрастырады.

-Жарайсыңдар, балалар.

-Келесі саяхатымызды жалғастырайық.

-Көзімізді жұмамыз (музыка ойналады)

-Балалар бұл қандай ертегі? (суретті көрсетеді)

-Үйшік

-Дұрыс-ақ.

-Үйшікте кімдер тұрады? (тышқан, бақа, қоян, аю)

- Ең бірінші үйшікті кім көреді?

-Екінші кім көреді?

-Одан кейін ше?

-Ең соңынан қай аң келеді?

-Айтыңдаршы, балалар, алғашқыда үйшікте аңдар болды ма? (жоқ)

-Енді нешеу болды? (көп)

-Үйшікте бақа нешеу? (біреу)

-Осы топта барлығымыз нешеуміз? (көп)

-Айша деген атпен неше қыз бар? (екеу)

- Дұрыс айтасыңдар.

4. Рефлексивті- түзетуші:

-Балалар, бүгін біз қандай пішіндерге саяхат жасадық?

-Қандай ертегі кейіпкерлерін білдік?

-Үйшікте аңдар көп па? Аз ба?

5.Күтілетін нәтиже:

Пішіндер туралы білімдерін тиянақтай білді.

Ертегі кейіпкерлерін атай білді.

Қарапайым математикалық ұғымдарды толық меңгерді.

№51 «Жарқын бала» МДҰ

Ашық сабақ :

«Құлыншақ» тобының тәрбиешісі

Биманова Д.Т

Ақтөбе-2017