Ашық сабақ " Мейірімділік – асыл қасиет " Өзін-өзі тану пәні 3-сынып

Мақсаты: Оқушыларға мейірімділіктің мәнін аша отырып 
сүйіспеншілік құндылығын ұғындыру. 

Міндеттері: - Өз жақындарының ішкі сезімдерін түсіне білуге, адамдарға тек мейірімділік нұрын себе білуге тәрбиелеу. 
- Мейірімділіктің адам өміріндегі маңыздылығын түсіндіру. 
- Оқушылардың бойында қайырымдылық, қамқорлық, сыйластық, түсіністік қасиеттерін дамыту;

1.Ұйымдастыру кезеңi.

-Сәлеметсіздер ме, құрметті оқушылар!

-Мен сіздерді көргеніме қуаныштымын.

1.«Өзін-өзі тану» сабағының ережесін «5Т» қайталап (тәртіп, тазалық, талап, тыныштық, татулық) қайталау.

2.Сыныпты 4 топқа бөлу

І топ. Қызыл түсті гүл құрау

ІІ топ. Сары түсті гүл құрау

ІІІ топ. Жасыл түсті гүл құрау

IY топ. Күлгін түсті гүл құрау

2. Тыныштық сәті. «Нұрға бөлену»

-Балалар, дұрыс отырайық, арқаларыңызды түзу ұстайық, қолдарыңызды партаға қоюға болады, көздеріңізді жұмайық. Сіз табиғаттың ең көркем жерінде екенін елестетіңіз. Сіз жұмсақ, жасыл шалшықта жалаң аяқ жүрсіз. Жасыл шөп сіздің аяғынызды сипап жатқан сезімде боласыз. Күннің көзі жер бетін қыздыруда. Сіз гүлдің, шөптің және балдың иісін сезесіз. Өзеннің сыңғырлағанын, көңілді құстар ән салып жатқанын естисіз.

Тыныштықта тұрып, өзімізді тыңдайық, табиғат – анамызды тыңдайық. Алақандарыңызды күннің көзіне жайыңыз. Көк аспаннан және көктемгі жылы күннің сәулелерін сезіңіз.

1,2,3 көзімізді ашайық. Қолымызды жайып бізге өмір, денсаулық, қуаныш және жақсы көңіл күй сыйлаған Ана-Табиғатқа «Рахмет» деп айтайық.

1.Балалар,сендерге «тыныштық сәті» ұнады ма?

2.Қандай сезімде болдыңдар?

3. Қызығушылығын ояту. Жаңа сабақ

«Бала жүрегіндегі мейірімділік» бейнероликке назар аудару.

Бұл көрген бейнероликтен қандай әсер алдыңдар?Талдау,жинақтау.

4. Жаңа сабақ Оқулықпен жұмыс

1. Түсініп ,іштей оқу.

2. Төрт сөйлем әдісі бойынша мәтінді талдау.

А) Мәтін туралы кіріспе (бұл топ кіріспені аша түсу)

Ә) Негізгі ой (бұл топ мәтіндегі негізгі ойды ашып айту)

Б) Қорытындылау (бұл топ қорытындылау)

В) Толықтыру ( Бұл топ өз ойларын қоса отырып толықтыру)

Дәйексөз:

Мейірімділікті анадан үйрен . Халық даналығы
Дәйексөздің мағынасын ашу. Хормен қайталату, дәптерге жазғызу. 
Барлық нәрсенің дүниеге келуі үлкен мейірім мен шапағаттан пайда болады.Табиғаттың барлық жанға бірдей мейірімді болуы сондықтан.Адамдарға, айналаңа мейірімді болу жақсылық жасауға жетелейді. 

5.Шығармашылық іс - әрекет, топтық жұмыс.

Суретпен жұмыс

І топ. Мейірімділік кестесін толтыру

ІІ топ. Мейірімділік турулы бес жолды өлең құрастыру

ІІІ топ. Мейірімді оқушы шағын көрініс көрсету

IY топ Біздің сыныптың мейірімділік ережесін құрастыру

6.Топпен ән айту Ән. « Ана жаным»
7.Ойын «Сатам,сатып аламын »
(Балалар бір - бірлеріне жіпті беріп, тілектер айтады. Ақырғы бала жіп орамын мұғалімге беріп, өз тілегін айтады)
- Күлімдеген - күн мейірімді!
- Кіршіксіз ақ қар мейірімді
- Таза мөлдір су – мейірімді!
- Жылы жүзді ұстазым мейірімді!
- Тату - тәтті Бәрімізді көтеріп тұрған жер мейірімді!
- Аяулы анам мейірімді!
- Қадірлі әкем мейірімді!
- Әлпештеген әжем мейірімді!
- Еркелеткен достарым мейірімді!
- Егіні мол жер мейірімді!
- Қамқор апам мен ағам мейірімді!

- Балалар қанекей, қолымызды жоғары көтерейік. Жіп орамы арқылы біз тілегіміз бір болып, бір тұтас болғанын көріп отырмыз.
Хормен: Біз әрқашанда біргеміз. Жақсы істер жасауға дайынбыз.

Сабақтың қорытынды сәті:
Мұғалім: - Оқушылар, бір сәт осы сабақ барысында алған шынайы әсерлеріңді, айтылған дұрыс әрекеттерден шыққан ойларыңды жүректеріңе түйіп алыңдар. Сабақ аяқталды, сабаққа белсенді қатысқандарың үшін рахмет!

Ресурстар: үн

таспа, сызбалар,

оқулық, оқушы дәптері, Ш.Құдайбердиев

тің суреті, слайдтар. 

«5Т» қайталап (тәртіп, тазалық, талап, тыныштық, татулық)

І топ. Қызыл түсті

ІІ топ. Сары түсті

ІІІ топ. Жасыл түсті IY топ. Күлгін түсті

«Нұрға бөлену» тыныш ойналған музыка үні

«Бала жүрегіндегі мейірімділік» бейнероликке назар аудару.

Оқулықпен жұмыс

Дәйексөзді талдау

Топтарға суреттер беріледі.

Топпен ән айту

« Ана жаным»

Тыныштық сәті