Әдіскер ________ М .Д. Токтаганова

«Көгершін» мектепалды даярлық тобы үшін

ұйымдастырылған оқу қызметінің технологиялық картасы

Күні: 15.11.21

Білім беру саласы: Коммуникация

Бөлімі: Сауат ашу

Тақырып: «[Р] дыбысымен танысу»

Мақсаты: [Р] дыбысымен таныстыру, сөздердегі [р] дыбысын ажырата білу және дыбыстай алу, әріпті тану мен сөздегі дыбыстың орнын анықтау ептілігін қалыптастыру.

Міндеттері.

ББМ. Дауысты және дауыссыз дыбыстарды дыбыстауға үйрету, олардың сөздегі бірізділігін белгілеуге, сөзден [р] дыбысын табуға, сөздегі дыбыстың орнын (басында, ортасында, аяғында) анықтауға, үш дыбысты сөздерге дыбыстық талдау жасауға үйрету.

[Р] дыбысының айтылу және дыбысталуымен таныстыру, жазылымдағы Р р әріпінің ерекшеліктерін көрсету.

Жазу кезінде денені және қолдарды дұрыс ұстау дағдыларын қалыптастыру.

Үлгі бойынша кішкентай таякшалардан тұратын өрнектер мен шаршыларды қоршауға үйрету.

ДМ. Танымдық қызығушылығын, есте сақтау, зейін, артикуляциялық аппаратын, қолының жазу қимылдарын дамыту.

ТМ. Жаңа дыбыстармен танысуға деген қызығушылығын тәрбиелеу.

Сөздік жұмыс: ара, нар, құрық, радио, робот.

Көптілдік компонент: шар – ball - шар, ара – оса – wasp.

Сюжетті суреттер: радио, ара, робот, шар, раушан, Қызыл және көк түсті үйшіктер. Тақта, қарындаштар

«Сауат ашу негіздері» жұмыс дәптері.

1. ЫНТАЛАНДЫРУ КЕЗЕҢІ

Жағымды эмоциялық көңіл-күй орнату.(1-2 мин)

Шаттық шеңбері

Балалалар шаттық шеңберінде тұрады. Тәрбиеші көрсеткен суреттер арқылы бір бірімен амандасады.

- Күн, бір- біріне қолдарын бұлғайды.

- Амандасу, бір бірінің қолдарын ұстап амандасады.

- Смаилк, бір- біріне қарап жымияды

- Сәлеметсіңдер ме балалар! Бүгінгі көңіл-күйлерін қалай?

- Ендеше орнымызға отырайық.

2. ҰЙЫМДАСТЫРУ – ІЗДЕНІС КЕЗЕҢІ

Негізгі бөлім (15-18 мин)

• Балалар қазір жылдың қай мезгілі?

• Күз мезгілі екенін қайдан білдіңдер?

• Күз мезгілінде неше ай бар?

• Қане атап шығайықшы?

• Балалар қарандаршы күн болса суытты, ал жемістер мен көкөністер әлі терілмеген екен? Қане барлығымыз көкөністер мен жемістерді теріп алайық.

• Көкөністі жинаған балалар 1 партаға отырсын, ал жемісті жинаған балалар 2 партаға келіп отырындар және бұл сендердің топтарынның аты болады. Яғни 1 топтын аты Көкөністер 2 топтың аты Жемістер.

- Қарандаршы бізге бүгін Әріптер ханшайымы қонаққа келіпті. Қане барлығымыз Әріптер ханшайымымен амандасайық. Әріптер ханшайымы сендердің білімдерінді тексеру үшін сендерге әртүрлі қызықты тапсырмалар ала келіпті. Оны барлығымыз орындаймыз ба? Ендеше Әріптер ханшайымының бірінші тапсырмасының аты «Адасқан әріптер» деп аталады.

- Мына суретке назар аударындар.

- Қане мына әріптер өз үйшіктерінен адасып кетіпті, оларды өз үйшіктеріне орналастырайық. Ол үшін тақтаға екі топтан бір бала шығады, бір бала дауыссыз дыбыстарды орналастырады, ал екінші бала дауысты дыбыстарды орналастырады.

- Жарайсыңдар! Екінші тапсырманың аты «Р дыбысын таныстыр».

• Балалар сендер Р дыбысын білесіңдер ме? Ендеше біз бүгін Р дыбысымен танысамыз. Р дыбысы дауыссыз дыбыс, себебі айтқан кезінде ауаның еркін шықпай, кедергіге ұшырап шығуынан жасалған дыбыстарды дауыссыз дыбыстар дейміз. Дауыссыз дыбыстарды қандай түспен белгілейміз? Қане бәріміз р дыбысын айтып көрейікші? Балалар мына суретке назар аударыңдар. Мына суретте не көріп тұрсыңдар? Дұрыс айтасыңдар, раушан, ара, арқар.

• Балалар р дыбысы сөздің басында, ортасында, соныңда кездеседі екен. Қане ортаға шығып мына суреттерге дыбыстық талдау жасайық.

- Мына суретке назар аударайық, мынау Р дыбысының баспа түрі, ал мынау жазбаша түрі. Қане барлығымыз ауада Р дыбысын жазып көрейік.

- Жарайсыңдар балалар! – Әріптер ханшайымының көңіл күйі түсіп кетіпті. Ол үшін орнымыздан тұрып, әріптер ханшайымымен сергіту сәтін жасайық.

Сергіту сәті.

Оңға, оңға түзу тұр,
Солға, солға түзу тұр.
Артқа қарай бір адым
Алдыға қарай бір адым
Жоғары төмен қарайық
Орнымызды табайық.

• Әріптер ханшайымның көңіл күйін көтердік, Ж

• арайсыңдар!

Топтық жұмыс. Д\о «Орынын тап»

Мақсаты: сөздердегі [р] дыбысын ажырата білу және дыбыстай алу, әріпті тану мен сөздегі дыбыстың орнын анықтау ептілігін қалыптастыру.

Дәптердегі жұмыс.

«Сауат ашу негіздері» жұмыс дәптер. 15 бет, 1,2 тапсырма.

[р] дыбысын дауыстап белгілеу, осы дыбыстың сөздегі орналасқан орнын анықтау. Жазу кезіндегі дұрыс отыру ережелері, арқаны және қолды дұрыс қою, кеңістік қатынас орнатуды, қағаз бетінде бағдарлай білуді, қаламды және қарындашты дұрыс ұстауды үйрету.

Өте жақсы балалар, әріптер ханшайымының барлық тапсырмасын жақсы орныдап шықтық. Әріптер ханшайымы сендердің білімді, ақылды екендеріне көзі жетті. Сол үшін сендерге әр түрлі алмаларды берді.

Қорытынды рефлексивті кезең

• Бізге бүгін қонаққа кім келді?

• Әріптер ханшайымының тапсырмаларын орындай алдық па?

• Біз бүгін қандай дыбыспен таныстық?

Кері байланыс «Алма ағашы» әдісі

Тақтада ілініп тұрған алма ағашының суретіне өздерінің сабақты қалай түсінгендерін көрсету барысында сабақ соңында алма ағашына жапсырады.

Қызыл алма—Маған сабақ ұнады.

Сары алма – Тапсырмалар орындауда қиналдым

Жасыл алма – Сабақ маған түсініксіз.

Күтілетін нәтиже:

Жасайды:

• Сөздегі «р» дыбысы, , ұсынылған дыбысқа сәйкес сурет таңдайды.

Түсінеді:

• «дауысты және дауыссыз» дыбыстарды қалай анықтау керек, олардың сөздегі бірізділігін біледі;

Қолданады:

• Сөздердегі дыбыстарды ажыратады, белгілі дыбыс бар сөздерді табады, сөздегі дыбыстың орнын анықтайды.