Тақырып: «Ұлы Абайдың даналығы»

Құндылық: Сүйіспеншілік

Қасиеттер: бар нәрсемен бөлісе білу, өзгеге көмек көрсету, сүйіспеншілік.

Мұғалiм: Габдуллина Н.А.

Сынып: 2

Сабақ мақсаты: - Абай даналығы туралы әңгімелей отырып, сүйіспеншілік құндылығының мәнін ашу. Міндеттері: - Оқушыларға Абай даналығын айта отырып, риясыз сүйіспеншілігі мол адам болуға үйрету. - оқушыларды әрқашан өзгелерге көмек көрсетуге баулу. -оқушыларды бар нәрсемен бөлісе білуге тәрбиелеу. Ресурстар:(құралдар, мәлiметтер)

Сабақ барысы:

1.Ұйымдастыру кезеңi. 5Т.

2.Тыныштық сәті. «Нұрға бөлену» Сабақ барысын талқылау:

3.Дәйексөзбен жұмыс.

«...Адамның жақсысы – адамға сүйіспеншілікпен

қарағандар .

А. Құнанбаев

- Жақсы адам болып қалыптасу үшін адамның бойында

қандай қасиеттер болу керек?

- Адамдар бір-біріне деген риясыз сүйіспеншілігін қалай

білдіреді? Абай Құнанбаев (1845-1904) ақын, ағартушы, философ, саяси қайраткер. Ол ШҚО Абай ауданында Шыңғыс тауының бауырында дүниеге келді.

4.Әңгiмелеу

Жанқұтты шешеннің батасы

(Үзінді)

Ел аузынан

...Бірде Жанқұтты шешен Құнанбайдың үйінде отырғанда Абай

келіп сәлем береді. Ол кез – Абайдың жас шағы екен. Оның

тапқырлығын, өлең шығаратынын естіп жүрген шешен баланы

қасына отырғызады.

Біраздан кейін Абай: Оқулықтан

- Ата, сізден бір сұрақ сұрауға бола ма? – дейді. -Е, шырағым, сұрай ғой, - депті Жанқұтты шешен. - Ата, арзан не, қымбат не, дауасыз не? Соны білейін деп едім, - депті Абай. - Шырағым, Абайжан! Арзан – өтірік, қымбат – шындық, ал дауасыз деген ол кәрілік емес пе? Жаңарыңның оты бар екен – ақындығың шығар, маңдайың жазық екен – ойлылығың шығар, халқыңның қалаулы азаматы бол, - деп Жанқұтты батасын беріпті. Талдау сұрақтары: · Абай Жанқұтты шешеннен нені білгісі келді? · Сендер шешенге қандай сауал қояр едіңдер? · Өздеріңе үлкендердің бата берген кезі болды ма? Естеріңе түсіріп әңгімелеп беріңдер.

5. Шығармашылық іс - әрекет.

1 тапсырма. Суретші Ә.Қастеевтің «Жас Абай» туындысы

арқылы оқушылар өнер туындысына қарап, оның бет

бейнесінен, көзқарасынан нені аңғарғандарын әңгімелеп беру

тапсырылады.

2 тапсырма. Оқулықта берілген Абайдың нақыл сөзін оқып,

күнделікті өмірде осы өсиеттерді қалай ұстанатындарын

әңгімелеп беру тапсырылады.

3 тапсырма. Абайдың «Адамның жақсысы адамға

сүйіспеншілікпен қарағандар» деген ойын тақырып етіп алып,

төмендегі кейіпкерлерді қатыстыра отырып, шағын қойылым

дайындап, сахналау ұсынылады.

- отбасында үлгілі бала;

- жақсы, мейірімді оқушы;

- нағыз дос;

- елгезек бала.