Ашық сабақ Абылай хан 4-сынып

Сабақтың тақырыбы: Шоқан Уәлиханов.Абылай хан

Сабақтың мақсаты:

Білімділік: оқушылардың Абылай хан туралы білетіндерін жаңа мағлұматтармен кеңейте отырып, тарихи әңгімені түсініп оқуға дағдыландыру. Мәтіндегі негізгі ойды анықтау. Автор туралы мәлімет беру.

Дамытушылық: оқушылардың сөздік қорларын байытып, әдеби тілдерін, шығармашылық қабілетін дамыту, сөз мәдениетін қалыптастыру.Өз бетінше зерттеу, талдау жұмыстарына машықтандыру.

Тәрбиелік:Өз елін, туған жерін сүйетін , ұлтжанды жеке тұлға қалыптастыру.. Ел тәуелсіздігінің жеңістерін қорғайтын және сақтайтын тәуелсіз ел ұрпағын тәрбиелеу.

Типі: іскерлік пен дағдыны қалыптастыру.

Әдісі: оқумен жазу арқылы сын тұрғысынан ойлауды дамыту стратегиялары.

Көрнекілігі: интерактивті тақтада Ш.Уәлихановтың, Абылай ханның, ҚР Елбасы Н.Ә.Назарбаевтың портреттері, слайдтар, «Көшпенділер» фильмінен үзінділер, Абылай хан күйлері.

Сабақтың барысы:

I.Қызығушылықты ояту.

1.Оқушыларды 4 топқа бөліп отырғызу.1-топ «Батырлар», 2-топ «Билер», 3-топ «Ақындар», 4-топ «Суретшілер». (Әр топ өз топтарының атын қорғайды.)

2. Актуалдау. Филворд шешу.

II. Мағынаны тану.

1.Топтастыру стратегиясы бойынша «Абылай хан» мәтінінің авторы Ш.Уәлиханов туралы мәлімет беру.

1 835-1865 Ғалым «Ыстықкөл сапарының күнделіктері»

«Жоңғария очерктері»

Ш.Уәлиханов

Қ останай Географ

Тарихшы Саяхатшы Аудармашы «Манас» жыры

2. ББҮ стратегиясы бойынша жұмыс.

«Абылай хан» туралы өткен тақырыптардан не білеміз?

ББҮ стратегиясының 1-2 бөлімін толтыру. Жұпта, топта талдайды. Әр топтан бір оқушы оқиды.

3. Сөздік жұмысы.

Тауқымет – ауыртпалық, бейнет, азап.

Қонтайшы – жоңғар ханы.

Ақ киізге көтеру – қазақтар хан сайлағанда оны халық ақ киізге көтеріп, сонан кейін ғана таққа отырғызатын.

Тәңірі - құдай, Алла тағала.

4. Мәтінмен жұмыс.

1. Іштей оқу.

2. Мәтінді мазмұнына қарай бөлімге бөліп, тақырып қою.

3. Сұрақтарға жауап іздеу.:

1-топ: Он сегізінші ғасырдағы қазақ елінің жағдайы қандай еді?

Мәтіннен ерте кездегі қазақ елінің халін суреттейтін тұрақты сөз тіркестерін тап.

2-топ: Абылай ел арасында неліктен беделді болды?

Қазақтар Абылайды неліктен аруақты деп санайды?

3-топ: Абылайдың сыртқы саясаты.

Абылайдың балаларына берген өсиеті.

4-топ: Абылайдың денесі қай жерге жерленген?

Абылайды хан көтеру көрінісін қөз алдыңа елестет.Өзің қиялдағаныңдай әңгімелеп бер.

.

5. «Көшпенділер» фильмінен үзінділер. (Абылайдың жоңғар қонтайшысы Қалден-Сереннің ұлы Шарышты өлтіріп, тұтқыннан құтылған жерін көрсету).

6. Абылай ханның күйлерін ( «Ақ толқын», «Ала байрақ», «Қайран елім», «Қара жорға») оқушылардың шығармашылық жұмысы кезінде тыңдату.

III. Ой толғау.

1-топ «Батырлар»: Эссе. «Біз елімізді не үшін қорғадық?»

2-топ «Билер»: «XXI ғасыр ұрпағынан Абылай ханға хат.»

3-топ «Ақындар»: «Бес жолды өлең.»

4-топ «Суретшілер»: «Тәуелсіздік жеңістері жас ұрпақ көзімен»

2. ББҮ стратегиясының үшінші бөлімін аяқтау.

Не үйрендім?

XVIII ғасырдағы хандардың ішіндегі ең құдіреттісі

Абылай хан

Аңызға айналған тұлға Ұлт мақтанышы

Саясаткер Күйші

3. ҚР Елбасы Н.Ә.Назарбаевтың сөзін интерактивті тақтадан портретімен көрсету:

Иә, Абылай аңызға айналған тұлға, бірақ ата тарихының бар шындығын ашу үшін сол аңыздан ақиқатты ажыратып алуымыз керек. Және оны өткеннен сабақ, тарихтан тағылым алу үшін жасауымыз керек.

4. Эксперт парағы бойынша оқушылар білімін бағалау. Оқушылардың рефлексия жасауы.

5. Үйге тапсырма: «Абылай хан» мәтінінді оқу, әңгімелеу. Абылай хан туралы мәліметтер жинау.