Ашық сабақ "Адам жақсы ісімен көрікті" 2 сынып

Сабақтың мақсаты: отбасындағы ізгі қарым-қатынас туралы түсінік бере отырып, сүйіспеншілік құндылығының мәнін ашу.

Міндеттері:

-отбасындағы ізгі қарым-қатынас жасауды сүйіспеншілік құндылығымен байланыстыра отырып ұғындыру.

-адалдық,сыйластық қасиеттерін дамыту

-ізгілікке тәрбиелеу

Сабақтың барысы:

1 Ұйымдастыру кезеңі.

Тыныштық сәті. «Орманға саяхат»

Көзімізді жұмамыз, терең демаламыз, әр демімізбен өзімізді еркін, тыныштықта сезінеміз.

Қазір біз орманға дем алуға барамыз. Елестетіңіз, осы сыныптан шығып, дәлізден өтіп, далаға бет алдыңыз.

Таза ауаны сеземіз, самал ескен жылы жел мен күннің нұры ақырын ғана бетімізден өбеді, шашымызды сипайды.

Біз ақырын орманға қарай бет аламыз. Абай болайық, жердегі жәндіктерді аяғымызбен басып кетпеуге тырысайық. Бір минутқа тоқтап, айналамыздағы әсемдікке көз салайық. Құлпырып өскен гүлдердің иісі мұрынды жарады, қандай керемет иіс! Айналамыздағы әрбір әсемдікті көзімізден таса қылмай, ары қарай бет аламыз.

Орманның ішіне де келдік. Құстардың әсем әуені, шөптердің сыбдыры жан дүниемізді жаулап алғандай. Айналамызда түрлі ағаштар. Сол ағаштың ішінен бір қайыңды таңдап алыңыз. Бауырында отырып, біраз тыныстап алыңыз.

Мен бақыттымын, менің жан дүнием тыныш. Табиғат қандай тамаша! Мен табиғаттың бір бөлшегімін, менің табиғатқа зияным тимеуі керек, кез- келген уақытта мен осы ағаштың түбіне келіп дем аламын.

Енді орнымыздан ақырын тұрып, айналамызға тағы көз жібереміз. Келген ізімізбен, институтқа қарай аяңдаймыз. Сыныпқа келіп өз орнымызға отырайық.

Тыныштық пен разылықты жүрегімізде сақтап, көзімізді ашамыз, бір-бірімізге қарап күлімсірейміз.

5Т

2. Үй тапсырмасы :

«Ананың сүйіспеншілігі» мәтіні 39-40 бет

3. Дәйексөз:

«Үлкен алдында жас парызы, ата алдында бала парызы – әдеп пен сый»

Мухтар Әуезов

1.Мұғалім оқиды.

2.Мұғаліммен бірге дауыстап оқиды.

3.Ұл балалар дауыстап айтады.

Осы дәйек сөзден не түсіндіңдер?

4. Әңгімелеу/Мұғалім сыйлығы.

«Әке ақылы»

1. Кімдер туралы?

2. Неге баласы әкесін тауға қалдырып кетпед?

3. егер сен сол баланың орнында болсаң не істер едің?

5. Шығармашылық іс-әрекет, топтық жұмыс.

6.Топпен ән айту.

Жақсы адамдар Әні мен сөзі: А. Оралов

1. Сендер аман болыңдар жақсы адамдар,

Жақсы адамдар – бұзылмас тас қамалдар.

Табаныңның астында жатады әлі

Пенделіктен өресі аспағандар

Қайырмасы:

Жақсы адамдар, жақсы адамдар,

Сендер аман болыңдар жақсы адамдар.

Жақсы адамдар, жақсы адамдар,

Сендер аман болыңдар жақсы адамдар.

Жақсы адамдар.

2. Жақсы көрем сендерді жақсы адамдар,

Жүрегіңде өйткені аппақ ар бар.

Сендер жайлы шырқалар асқақ ән бар,

Күйіп кетсін көре алмас бәтшағарлар,

Қайырмасы:

7.Үй тапсырмасы

7.1. Сабақ №12 беттегі суреттерге қарап әңгіме құрастыру.

8. Сабақтың соңғы тыныштық сәті

Көзімізді жұмып, тыныштықта бүгінгі сабақты есімізге түсірейік,қандай әсер алдық, осының барлығын жүрегімізде сақтап, көкейімізге түйіп алайық. Бүгінгі сабақта отбасында бақытты болудың бір қыры- сүйіспеншілік арқылы, сыйластықты, бір біріне мейірімділікті, адалболу екенін таниды.

Енді жайлап көздеріңізді ашайық. Бүгінгі керемет сабақ үшін көп рахмет!

Ресурстары:

Интерактивті тақта .Жақсылық туралы мақалдар,

Нақыл сөздер. Карточкалар, әр түрлі суреттер