Ашық сабақ: "Алдар көсе - тігінші" қызық мультфильм.

Ашық сабақтың тақырыбы:

«Алдар көсе - тігінші» қызық мультфильм.

Сабақтың мақсаты:

«Алдар көсе – тігінші» мультфильмінің(ертегісінің) мазмұнын түсінеді, қазақша сөйлеуге үйренеді.

Білімділік:

Дамытушылық:

Тәрбиелік:

Тақырыпқа байланысты тапсырмалар , мәтіндер, диалог құрау арқылы ауызша сөйлеу тілін жетілдіреді.

Тақырыпқа байланысты тапсырмалар арқылы оқушылар өз ойын жеткізе алу дағдысын қалыптастырады.

Мультфильмдердегі кейіпкерлерге сипаттама беру арқылы оқушылар эстетикалық тәрбие алады.

Жетістік критерийлері:

Оқушының төменгі жетістігі (ОТЖ): қарапайым тілдік үлгілер арқылы мультфильмге ат қойып бере алады.

Оқушының орташа жетістігі (ООЖ): қарапайым сөйлеу үлгілері негізінді мультфильм кейіпкерлерін сипаттай алады және тақырыпқа қатысты ақпарат бере алады.

Оқушының жоғары жетістігі (ОЖЖ): сұрақтарға жауап беріп, көрген мультфильмдеріне байланысты диалог және мәтін құрай алады.

Негізгі түсініктер:

Сараң, бөрік(тақия), тапқыр, ақылды, ақымақ, еңбекқор, епсіз.

Сабақта қолданылатын материалдар:

Слайд, сызбалар, «Алдар көсе - тігінші» мультфильмі, смайликтер, плакаттар, маркер, сазды сыр сандық, «даналык ағашы» салынған плакаттағы сурет, стикер.

Оқыту әдістер:

Түсіндіру, сипаттау, талдау, диалог, «Шаттық шеңбері» тренингі, диалог, топтық жұмыс, сергіту жаттығуы.

Ұйымдастыру кезеңі: Қазақстан Республикасының ән ұраны.

2 мин

Сабақ барысындағы мұғалім мен оқушының іс-әрекеті:

Тапсырма

Мұғалімнің іс-әрекеті

Оқушының іс-әрекеті.

1. Сәлемдесу.

Оқушыларға психологиялық ахуал туғызу.

Сәлемдесемін.

Мұғалім сыныппен сәлемдеседі, оқушыларды түгендейді. Мұғалім «жүрек жылуы» деп аталатын сазды сыр сандықтан оқушыларға жақсы тілек сөздер жазылған қағаздарды алғызады. Бұл сөзді кімге сыйлайтынын сұрайды.

Кәне, достар, тұрайық.

Шеңберімізді құрайық.

Жақсы-жақсы тілектер,

Бір-бірімізге сыйлайық!

Сәлемдеседі.

Оқушылар қол ұстасып тұрады, кезекпен-кезек сыр сандықтан қағаздарды алады, бір-біріне жақсы тілектер білдіреді: «Бүгін мен саған сәттілік тілеймін, бес ал, жақсы жауап бер, сен бүгін өте әдемісің, қазақ тілін тез үйреніп ал, сен өте ақылдысың, сен жақсы қызсың, сен білімдісің, сабағыңды беске оқы, арман-тілектерің орындалсын».

3 мин

2. Топқа бөлу.

Оқушылар сендер білесіңдер жапырақтардың түсі әр жыл мезгілі сайын өзгеріп отырады. Сендерді бүгін жапырақтардың түсіне байланысты топқа бөлемін.

1-топ. Қызыл жапырақ.

2-топ. Сары жапырақ.

3-топ. Жасыл жапырақ.

Бізде қызыл жапырақтар – белсенділер, сары жапырақтар – тапқырлар, жасыл жапырақтар – білімділер екен. Енді әр оқушы жапырақтарыңның түстеріне байланысты жайғасыңдар.

Оқушылар өзіне ұнаған түсті таңдайды. Түстер бойынша біріктіріліп, әр топ өз орнына жайғасады.

1 мин

Өткен сабақты қайталатқызу.

Өткен сабақ бойынша сұрақтар қойылады.

1. Өткен сабақта біз қандай мульфильммен таныстық?

2. Ол не туралы?

Тапсырманы айтады, тақырып бойынша сұрақтарға жауап береді.

Оқушылар өз жауабын айтады.

2 мин

Жаңа сабақпен таныстыру.

Бүгінгі біздің тақырыбымыз «Алдар көсе - тігінші» қызық мультфильм.

Оқушылар тақырып атауын тыңдап отырады.

1 мин

Білу.

Оқушылардың жаңа сабаққа деген қызығушылығын арттыру мақсатында, тақырыпты білу мақсатында«Алдар көсе - тігінші» мульфильмнен үзінді көрсетіледі.

Оқушылар телевизордан мултьфильмнен үзіндіні тамашалайды.

4 мин

Түсіну.

Мультфильм сөзіне ассоциация жасалады.

Мұғалім оқушыларға сұрақ қояды:

« Мультфильм деген сөзді естігенде, ойымызға не келеді? Осы сұраққа деген жауаптарыңды, ойларыңды А4 қағазға жазыңдар.

Оқушылар А4 қағазға орындайды. Берілген уақыты аяқталғаннан кейін әр топ өз ойларын айтады.

5 мин

Қолдану.

Әр топқа көрген мультфильмдерінің мазмұнына құрылған сурет және мәтін таратылады. Көрген мультфильмі бойынша сұрақтар беріледі

1. Мультфильм не туралы? Осы мультфильмнің мазмұны бойынша рольдік диалог құр.

2. Кеіпкерлерін ата және оларға сипаттама бер.

3. Осы мультфильмнің немен аяқталғанын қалайсың?

Әр топ бірігіп жұмыс жасайды.Оқушылар өз жауаптарын айтады.

7 мин

Сергіту сәті.

«Көңілді күй» деп аталатын сергіу сәті орындалады. Мұғалім осы әнге жазылған сергіту сәтін телевизордан көрсетеді, бірге қайталатқызады.

Оқушылар көріп тұрған жаттығуларын әннің ырғағымен жасайды.

3 мин

Талдау.

Венн диаграммасы бойынша «Тігінші мен ай» және «Алдар көсе - тігінші» мультфильмдерінің ұқсастықтары (ортақ белгілері) мен айырмашылықтыры талданады.

Оқушыларға плакат, маркер беріледі, жұмыс жасап, ойлануға уақыт беріледі. Әр топ берілген уақыттан кейін қағазға түсірген ойлары бойынша қорғайды.

10 мин

Жинақтау.

Ақылдың алты қалпағы стратегиясы бойынша өтілген тақырыпқа қатысты өз ойларын сол түске байланысты білдіру керек.

Қызыл(от) – ішкі сезім, эмоция, сезінулер және интуицияны білдіру(түсіндіру).

Жасыл(дала) – жаңа идеялар ағымын тудыратын шығармашылық ойлар.

Сары(күн) – оптимизмді, ашықтықты, позитивті және конструктивті ойлар, ұсыныстар(белсенді).

Әр топ өздеріне қойылған талап бойынша жұмыс жасайды. Берілген уақыт біткеннен кейін әр топ өз ойын айтады.

3 мин

V. Бағалау

Бір-бірін бағалайды. Мұғалім оқушылардың өзін бағалауы бойынша қорытынды бағаны өзі қояды.

Бағалау парағы беріледі.

Әр топ смайлигтер бойынша әр тапсырмаға қалай жауап бергендігі жайлы бір-бірін бағалайды.

2 мин

VI. Үйге тапсырма

Көрген мультфильмдеріңе, олардағы кейіпкерлерге сурет салып келу.

Оқушылар күнделіктеріне жазып алады.

1 мин

VII. Рефлексия

Оқушылардан сабақтың өту барысы сұралады, өз ойларын, өз пікірлерін, ұсыныстарын стикерлерге жазуларын сұрайды

Оқушылар жазған стикерлерін «Даналық ағашы» салынған плакатқа жапсырады.

1 мин