«Әліппеге мың алғыс!» әліппемен қоштасу ертеңгілігі

Мақсаты: Оқушылардың әліппеден алған білімдерін ортаға салу. Оқушыларды ана тілі оқулығымен таныстыру және өзін-өзі басқаруға үйрету.

Көрнекіліктер: Шарлармен безендіру, алма ағашы.

Кейіпкерлер: ханзада,ханшайым,алма ағашы,

Жүргізуші мұғалім:

-Құрметті ата-аналар,ұстаздар және оқушылар! Бүгінгі «Әліппеге мың алғыс!» атты мерекемізге қош келдіңіздер! Осыдан 4 ай бұрын мектеп табалдырығын қысылса да қызыға аттаған бірі отбасының тұңғышы,бірі кенжесі,бірі әзірге жалғызы,ата-әжесінің сүйікті де еркесі болып жүрген ұл-қыздарымыз, өздерінің ең алғашқы оқулығы болған Әліппемен бүгін қоштасқылы отыр.

-Ендеше,кішкентай бүлдіршіндеріңіздің білім өлкесіне қарай басқан алғашқы қадамдары құтты болсын!Сонымен «Әліппеге мың алғыс!» атты ертеңгілігімізді бастаймыз!

Айкөркем :

Құрметті оқушылар,ұстаздар мен ата аналар!  Бүгін елдігіміз ескеріліп, егеменді ел болған, тәуелсіз тұлпардай етек-жеңіміз кеңейіп, атымыз алысқа жетіп жатқан шақта, бүгін сіздер үшін тойларыңызға тағы бір той қосылмақшы.

Димаш

Осыдан төрт ай бұрын мектеп табалдырығын аттаған кішкентай бүлдіршіндер 42 әріпті меңгерді

Айкөркем

ана тілінің ғажайып әрі шынайы әлеміне бүлдіршіндерді дәл жетелейтін өз тілін оқып үйренуге оқи алсам деген ұмтылысқа шақыратын әліппе оқулығы. Міне, бүгін сіздер барлық ғылымның анасы біздің болашағымыздың негізі- әліппемен қоштасу тойына келіп отырсыздар. Тойларың тойға ұлассын. Шәкірттеріміз ата-ананың ұлы емес, халықтың ұлы болсын!

- Ендеше, кішкентай бүлдіршіндеріңіздің білім өлкесіне қарай басқан алғашқы қадамдары құтты болсын! Сонымен «Қош, сүйікті Әліппем!» атты ертеңгілігіміздің кейіпкерлерін 1 «Ж» сынып оқушыларына қол соғып, қошемет көрсетейік. 
 (Содан соң музыка әуенімен әр оқушы сахнаға жеке – жеке шақырылады). 
1-жүргізуші: Димаш

Өсті міне, бойларың, 
Өсті ақыл –ойларың. 
Қуанышқа ортақпын 
Құтты болсын тойларың! 

2-жүргізуші: Айкоркем

-Ерте,ерте,ертеде бір жаһанда «Әліпби» атты ел болса керек.Бұл елде ханзада мен ханшайым ұзақ жылдар өмір сүріпті.Содан екеуі елдің орта шегіне көшет отырғызады. Оны күтіп бағады. Күтім жақсы болған алма ағашының тамыры кеңге жайылып,көкке шарлап өседі.Алайда ханзада мен ханшайымның алма ағашына көңілдері толмайды. Өйткені оның себебі де бар еді. Ал ол қандай себеп екен?

Ханзада: Наби

Е, ханшайым,біз отырғызған алма ағашы тамыры жайылып өскенмен неліктен жеміс бермейді?

Ханшайым: Жансая

Ханзада,мұның да бір себебі болар-ау!

Ханзада:Иә,солай шығар!Оның сырын тезірек ашу керек қой. Неліктен бүгін орман іші тып-тыныш?

Ханшайым: Бұл орманда неше жылдан бері ешқандай кеш,ешқандай сабақ өтпейді. Сол себептен осы ормандағы тіршілік иесінің бәрі ұйқыда

Ханшайым :Онда оларды оятайық.Біз оған көмектесейік

 «Ертегілер әлемі» әуені орындалады

(Сахнада жайлы әуен ойналады. Ортаға Әліппе шығады)

Димаш

Бала деген шіркін -ай балдай екен ,

Тәтілігі жал  мен жаядай екен .

Арып – ашып даладан келгеніңде ,

Бал иісін тарттырып алдайды екен!- деп  Кенен Әзірбаев  айтқандай кішкентай дарынды және талантты оқушыларымыздың тақпақтарын қабыл алыңыздар

1 Оқушы Сағатбек А

Ел ардақтап есімін

Тербетіп білім бесігін

«№174 гимназия» алтын ұя мектептің

Салтанатпен күзде аштық есігін

2 Оқушы Кеңес Айлин

«5» болсын алар бағамыз

Білімнен бақыт табамыз

Өнерге жақын боламыз

Өсе берсін санамыз

3 Оқушы Медина

Бар білімнің бастауы

Бар ғылымның бастауы

Жас балаға нұр шашқан

Қандай кітап тіл ашқан

Димаш Жүргізуші: Барлығымыз бірге Әліппе кітабымызды ортаға шақырайықшы.

Оқушылар хормен ӘЛІППЕ!ӘЛІППЕ! Әліппе келеді

Инабат Әліппе: Армысыздар, жас достар

           Бүлдіршіндер,балғындар

            Менің атым-Әліппе

            Міне өзіңді дәріпте

             Міне осылай ер жеткен

             Ағаң менен әпкең де

-Сәлеметсіздер ме,менің сүйікті, достарым!Сендер мені оқып сауаттарыңды аштыңдар, жазуға,оқуға үйрендіңдер.Ал,енді бүгін маған өз білімдерің мен өнерлеріңді көрсетіңдер.

 Балаларды қарсы алып,
Шашу, шашу, шашайық!
Ақ сандықты ашайық
Бұл мереке, бұл тойдың
Бастаңғысын жасайық
Шашу, шашу, шашайық!

Мұғалім:  Әліппе, біздің балалардың жаттаған тақпақтары бар. Соны сізге айтып берсін:

4-бала: Арында

Айналдым сені аяулы менің Әліппем,

Құралған қымбат 42 әріптен

Үйреніп,оқып,жаздым мен қолға қалам ап

Қадірледім қасиетіңді танып мен.

5-бала: Айсултан

Бар кітапқа бас болған

Әліппе- ғылым анасы

Әліппеден басталған

Даналықтың данасы.

6-бала: Ясин

Ең алғаш  алғанымда «Әліппені»                            

Қызығып  қарай  бердім  әріптерді.

Мен  үшін  жұмбақ  болып  қалар ма еді,

Ұстазым  оның  кілтін  алып  берді.      

7-бала: Аяла

Көлге  ойнаған  бұлақтың

Қайнар  көзін  көріп  пе?

Том-том  қалың  кітаптың

Басы  болар  «Әліппең»

8-бала: Раяна

Әліппем,  менің  Әліппем

Сені  қолға  алып  мен,

Есігін  аштым  мектептің

Ертеңгі  сәуле  жарықпен.

9 бала ; Азиз

Ата-анаға еркелеп,
Ортасында өстік біз.
Жақсы оқып, қуантып,
Бестік күнде алдық біз....

10 бала Айарыс

Болашағын баланың,
Талабынан білесің.
Жақсы оқыса сабағын,
Жақсы көріп жүресің....
 

11 бала Айша

Әліппені бітірдім,
Әріптерді танимын.
Мен атаның баласы,
Мен оқушы баламын....
 

12 бала Амина

Ата келші тезірек,
Ана тілін бастадым.
Өзіңе айтар тағы да,
Дайын менің тақпағым.....
 

13 бала Бека

Қош  бол , құтты  «Әліппем

Көп  нәрсені  үйреттің

Таныстырып  әріппен,

Тақылдатып  сөйлеттің.

14 бала  Қонайып

Оқулықпен  достассақ,

Әліппемен  қоштаспақ.

Өсті  білім , бойымыз,

Құтты  болсын  тойымыз.

15 бала Алинур

Әліппем,  менің  әліппем,

Өмірді  келем  танып  мен,

Қайталап  айтам  мың  рет,

Өзіңе  көп  рақмет!

16 бала Томирис

Әліппе  деген  алтын  жол

Апарар  сені  алысқа.

Жеңіл  емес ауыр  жол

Тырысып  бақ  намысқа.

17 бала Зере

Әліппе-білім анасы,

Әліппе-кітап данасы,

Әліппе бетін ашпаған

Адамның бар ма баласы

18 бала Жасмина

Таныстырған  42  әріппен

Қош  бол  менің , қасиетті  Әліппем.

Сенің  арқаң  оқи  жаза  білгенім,

Сауатты  адам  санатына  енгенім.

19 бала Мансур

Әліппемен қош айтысып қаламыз
Енді қолға басқа кітап аламыз.
Ата-ана қуанышқа ортақ бол
Сауатты боп шықты міне балаңыз.

20 Оқушы Айару

Әліппем менің әліппем

Сені қолға алып мен

Есігін ашып мектептің

ертеңгі сәуле жарықпен

21 Оқушы Наби

Келгенде алғаш мектепке

Білмеуші едік әріпті

Оқимыз қазір ертек те

Үйреткен оны әліппе

22 Оқушы Марьям Алибекқызы

Алфавитті біліңдер

Онда қалып жүйе бар

Біздің қазақ тілінде

42 Әріп бар

23– Оқушы Тасмина

Бәрімізді сүйіп өткен

Балаларға үйреткен

Әліппе мен ұстазға

Бас иеміз құрметпен

24– Оқушы Али

Әліппем менің әліппем,
Өмірді көрем танып мен
Қайталап айтам мың рет
Өзіңе көп-көп рахмет.

25– Оқушы Айлина Муратбек

Қош бол құтты әліппем,
Көп нәрсені үйреттің
Таныстырып әріппен,
Тақылдатып сөйлеттің.

Хор Хор: Қош бол, құтты  әліппе.

 Инабат Әліппе:- Жарайсыңдар,  балалар!

1-жүргізуші:Айкоркем Ханзада мен ханшайым міне,көрдіңіздер ме,Әліппенің арқасында алма ағашымыздың жеміс бергенін.

Ханшайым:Керемет! Ағашымымыз жемісін берді. Әліппе,сізге көп рахмет!

Ханзада :Әріптер,көп-көп рахмет! Бізге үлкен көмек бердіңдер Әліппе,сенің әріптерің енді «Әліпби» елінің тұрғындары болсын. Алма ағашын да бірге қарап,жемісін бірге жемейміз бе?

Инабат оқушым 5 и сыныбы

Әліппе:  Қиналатын  түгіде  жоқ,  Достарым ,  менің  жолымды жалғастыратын  « Ана тілі»  пәнімен  таныстырамын.  Ана тілін  оқитын боласыңдар. Жаңа  достарыңыз  «Ана тілін»  қарсы  алайық.

Оқушылар: - Қош  келдіңіз , Ана  тілі .

Аңсар оқушы 5 и сыныбы

Ана тілі : Армысыздар , балалар !  Неткен  білімділер  десеңізші  әліппеден  үйренген  өнерлеріңізді  ортаға салып  жатырсыздар ма?

Кітап оқу адамға

Әкеледі жақсылық

Ой ұшқындап санада

Оянады жақсы үміт

Ұсынылатын тектілік

Кітап қана қорғаның

Көп оқысаң көп біліп

Нағыз жігіт болғаның

Балалар! Менің жұмбағым  бар  кәне кім тез ойланып шеше алады екен

1.Алтын сандығым ашылды,

   Ішінен күміс шашылды.              (жұлдыз)

Бір   үйдің  қырық баласы бар ,

   Сөзге шорқақ  екі данасы бар.    (40 әріп,2 таңба)

Ақ  қағазға  сан  қайталаған

   Жазудан  еш  шаршамаған.    (дәптер беті, қалам)

Бүлдірсең  дәптерді ,

   Кетірем , тап мені .   (өшіргіш)

Инабат Әліппе:Мен ,сендермен қоштасайын.

Ән «Әліппе» Ержігіт Жансая

27 – Оқушы Даулет

Сәлем ана тіліміз

Сенсің асыл үніміз

Ана тілін сүйеміз

Ардақтап бас иеміз

28 – Оқушы Бақыт Марьям

Ана тілің- арың бұл
Ұятың боп тұр бетте
Өзге тілдің бәрін
Өз тіліңді құрметте.

29 – Оқушы Нурислам Нұрсұлтанұлы

Ана тілім – елдігім,
Ана тілім – ерлігім,
Ана тілім болмаса
Бүтінделмес кемдігім.

30 бала Аялы

 Оқу -кеме,білім -теңіз.

   Барар жерге тез жетеміз.

  Адаспаймыз ұлы жолда ,

  Ұстаз берген білім қолда.

31 бала Адина

Тілін де аламын, 
Айтқанын ұғамын. 
Өзіңдей боламын 
Ақылшым, мұғалім! 

32 бала Ербол Нурислам

Сәбилік көңілден 
Арналды жыр, әнім, 
Баулитын өмірге, 
Ақылшым, мұғалім. 

33 бала Бекмырза

Әліппе – білім бұлағы

Әліппе – өмір шырағы

Әліппе – білім көзі

Әліппе – мұғалімнің асыл сөзі

34 бала Амирхан

Әсемпаз болма әрнеге
Өнерпаз болсаң ,арқалан
Сен де бір кірпіш дүниеге
Кетігін тап та, бар қалан

35 Оқушы Мурабек Каусар

Ата ананың тілегі

Адам болып өскенің

адамдықтың тірегі

адал болып өскенің

36 Оқушы Нурхан

Әдептілік дегенің

Әрқашан да керексің

Әсемпаздық дегенің

әуре салсаң әлегің

37 Оқушы Нұрәділ

Отан менің ата анам

Отан сенің бауырым

Отан үлкен астанам

Отан туған ауылым

38 оқушы Ислам

Әліппені алап қолыма 
Білімнің аштым есігін. 
Ақ ниет тілеп ,жолыма 
Жазылды тұңғыш есігім. 

39 оқушы Жансая

Іші толы әріпке 
Мынау әйбат Әліппе! 
Барлық ілім білімнің 
Әжесі осы Әліппе. 
Ыстық әрбір беттерін 
Жазуынды ұғамын. 
Ақыл бердің Әліппе 
Ақылды сен мұғалім. 

Көшер Аялы Уака уака

Димаш жүргізуші : Бүгінгі кеш әр үйдің «Той басы» деп саналар,
Балалардың есімі әулеттерге таралар.
Ырым етіп сондықтан тойымыздың соңында
Ақ ниететпен баршаға тілек айтар қонақтар.

Айкөркем жүргізуші: Әліппені жақсы меңгеріп, сауатты жазып оқуларыңа ҰСТАЗДАРДЫҢ қосқан үлесі мол. Сіздерге алғысымызды білдіре отырып ендігі сөз кезегі сіздерде.

1. Директордың оқу ісі жөніндегі орынбасары : Ләйлә Матжанқызына

2. Ата аналар комитетінің басшысы : Шынар

Димаш Жүргізуші: Бүгінгі біздің бірінші сыныптар арасындағы «Әліппем, саған мың алғыс!» ертеңгілігімізді жабық деп жариялаймыз. Көріп тамашалағандарыңызға көп рахмет!