Ашық сабақ ақша және несие

И.Әбдікәрімов атындағы Қызылорда аграрлық-техникалық жоғары колледжі

Келісемін Бекітемін

Колледж әдіскері Директордың оқу жұмысы

_______Аймбетова Э.С жөніндегі орынбасары

_______ Ермұхан Б.Б

«Экономика негіздері» пәнінен

Ашық сабақ жоспары

Тақырыбы: Банк және несие жүйесі

Тобы: ВМ – 20оН

Пән оқытушысы : Сералиева Б.Н

«Ветеринария және экономикалық пәндер» Пәндік циклдық комиссия отырысында қаралып, мақұлданды.

Хаттама №

Цикл төрайымы ______ Ертілеуова М.С

Қызылорда 2023ж

«Экономика негіздері» пәні бойынша

Ашық сабақ жоспары

Сабақтың тақырыбы: Банк және несие жүйесі

Уақыты:17.10.2022жыл

Сабақтың типі: Аралас сабақ

Сабақтың тү рі:Теориялық

Сабақтың технологиясы:Модульдік оқыту технологиясы,геймификация,инновациялық оқыту технологиясы.

Сабақ көрнекілігі: Мультимедиялық құралдар: PREZI интерактивті презентациясы,KAHOOT.IT платформасы,WORDWALL интерактивті тапсырма құру сервисі ,смартфондар.

Оқыту нәтижесі: Нарықтық экономика жағдайында банктік несиелеу жүйесінің негізгі элементтерін ұғыну.

Сабақ мақсаты

Білімділік:Сабақ тақырыбын аша отырып,оқушыларға экономикадағы банк түрлерімен,атқаратын қызметтерін таныстыру.Банктік несиелеу жүйесі,принциптері,несиелеу әдістерін ұғындыру.

Дамытушылық:Болашақ мамандықтарын құрметтеуге тәрбиелеу,топтық жұмыс барысында бірін-бірі сыйлауға,өзгенің пікірін тыңдай білуге үйрету.

Тәрбиелік: Әр түрлі тапсырмалар орындату арқылы дарынды оқушыларды анықтау,өз ойларын толық,нақты жеткізуге үйрету.Экономиканың дамуына өз үлестерін қосуға үйрету.

Сабақ барысы:

I.Ұйымдастыру: Оқушылармен сәлемдесу, психологиялық дайындық. «Ақ тілек» әдісі арқылы психологиялық жағымды ахуал орнату. Топ алдын ала «Банк» және «Несие» болып екіге бөлінеді.

II.Өткен тақырыпты пысықтау:

А) RU.PILLIAP.COM кездейсоқ таңдау арқылы сұрақтарға жауап береді. (жеке жұмыс)

1. Ақша дегеніміз не?

2. Қазақстанда теңгенің шығу тарихы

3. Тауар түсінігі

4. Тауар қасиеттері

5. Ақшаның атқаратын қызметі

6. Егер ақша қордағы алтыннан көбейсе, ақша құны қалай өзгереді?

7. Азербайжан валютасы

8. Бір мемлекетте қабылданған ақша өлшемі

9. Қағаз ақшаның отаны

10. Ұлттық валютамыз

11. Ұлыбритания валютасы

12. Ақшаның қасиеттері

Ә) KAHOOT.COM. платформасы арқылы тест тапсырмасын орындайды. (жеке жұмыс)

Ақша несие саясаты дегеніміз:
А) айналыстағы ақша қозғалысы;
В) айналыстағы ақша нарығын реттеу;
С) айналыстағы ақша массасы;
Д) айналыстағы қор нарығы;
Е) айналыстағы ақша нарығы.
Ақша массасы дегеніміз:
А) төлем құралдарының жиынтығы;
В) төлем құралдарының айналысы;
С) төлем талап міндеттемесі;
Д) халықтың жиынтық ақшасы;
Е) ақшаның ақша қозғалысы.
Ақша жүйесі дегеніміз:
А) ақша айналысын ұйымдастыру формасы;
В) ақша айналысын реттеу формасы;
С) ақша қозғалысын реттеу формасы;
Д) ақша массасының қозғалысы;
Е) ақша механизмінің қозғалысы.
Қысқа мерзімді ақшалай қаражаттарды сату және сатып алу нарығы дегеніміз:
А) ақша нарығы;
В) несие нарығы;
С) капитал;
Д) тауар;
Е) валюта.
Ақша жиынындағы өзгерістер арқылы экономикаға ықпал ету тәсілі:
А) ақша механизмі;
В) ақша нарығы;
С) ақша жүйесі;
Д) ақша базасы;
Е) ақша массасы.
Әр түрлі номиналды ақша бірлігі:
А) банкнота;
В) ақша;
С) валюта;
Д) тенге;
Екі елдің ақша бірлігіне қатысты бағасы:
А) валюталық бағам;
В) крос курс;
С) валюта;
Д) валюта айырмасы;
Е) барлық жауап дұрыс.
Қолма – қолсыз есеп айырысу дегеніміз:
А) чекпен есеп айырысу;
В) пластикалық карточкамен есеп айырысу;
С) электрондық аударымдар;
Д) клиенттің шотында сақталынатын ақшалар;
Натуралды шаруашылық:

А) өнімді айырбасқа – нарыққа жеткізбей, тек өз қажеттерін өтеу үшін өндіреді

В) универсалды қол өнерінің анағұрлым таза түрі

С) өндіргіш күштер мен оларды ұйымдастыру қарапайым түрде іске асады

Д) «Өндіру-тұтыну» принципі, яғни айырбас пен қоғамдық еңбек, бөлудің өзіндік түрде мөлшерленуі

Тауар өндірісі:

А) өнімдерді сатуға арнап өндіру

В) өндірушілер мен тұтынушылар арасындағы байланыстар нарық арқылы шешіледі

С) қоғамдық еңбек бөлінісі бар шаруашылық

Д) не, қалай және кімдер үшін өндіру керектігі жайлы сұрақтарды шешу

Е) барлық жауаптар дұрыс

Маркстік теория бойынша тауар:

А) сатуға арналған, адамға пайдалы еңбек өнімі

В) тауар - адамның белгілі бір қызметін қанағаттан-дыратын заттар

С) тауар тұтынуға арналған зат

Д) тауар деп сатуға арналған заттарды айтады

Алтынның жалпылама баламалы ақша рөлін атқаратын себептері:

А) сомасының біртектілігі

В) бөлінушілігі

С) алым жүргізуге икемділігі

Д) сақталғыштығы

III. Жаңа тақырып. «Банк және несие жүйесі»

«Кинометафора» әдісі

Қазақстандағы банктер және олардың түрлері туралы бейнежазба көрсетіледі.

«Ой қозғау»

Бейнежазба арқылы нені түсінгені , нені білгені сұралады.

«Стоп КАДР» әдісі(топтық жұмыс)

Шағын топтарға тақырып мазмұнын және көрсетілген бейнежазбадағы көріністерге байланысты таратпа материалдары (жаңа тақырып) беріледі. Шағын топтар берілген тақырып мазмұнын және көрсетілген бейнежазбадағы көріністерін пайдалана отырып, өз тұжырымдамаларын – постер қорғайды.

«Банк» тобы- Банк және оның түрлері

«Несие» тобы-Несие жүйесі

1 - тапсырма:

Әр топ өздерінің постерлерін «ПТМС формуласы» арқылы түсіндіреді.

Позиция (мен солай санаймын,)

Түсіндіру (....себебі, )

Мысал (мен мұны мынадай мысал арқылы дәлелдей аламын...)

Салдар (айтылған мәселе бойынша мынандай қорытынды жасаймын.... )

PREZI интерактивті презентациясы арқылы толықтырылады.

2 - тапсырма WORDWALL интерактивті тапсырма құру сервисі арқылы әр топ ұяшық таңдау арқылы сұрақтарға жауап береді.

IV.Сабақты пысықтау:

1. WORDWALL интерактивті тапсырма құру сервисі арқылы әр топ бүгінгі тақырып бойынша жаңа сөздерді табады.

2.TARSIA әдісі .

Оқушылар өздерінің нұсқаларын ұсынады.

Екі топтың ұпай саны есептеледі,бағаланады.

V.Сабақты қортындылау: Сабақ барысында қаншалықты түсінгеніне, ұғынғандарына, қиындық туғызған тұстарына кері байланыс жасайды.Үй тапсырмасы беріледі.