Ашық сабақ "АР-ұждан - адамдық белгісі" 10 сынып

Сабақтың мақсаты:

Оқушыларға ар-ұждан адамгершілік таңдауда негіз болатынын Ақиқат құндылығымен байланыстыра отырып, ұғындыру.

Сабақтың міндеттері:

1. Білімділік: Оқушыларды өмірде адамгершілік таңдау жасауға үйрету;

2. Дамытушылық: Адалдық, шынайылық қасиеттерін дамыту;

3. Тәрбиелік: Ойы, сөзі, әрекеттерін ар-ұжданға бағындыра білуге тәрбиелеу.

Ресурстар

Проектор, сазды музыка, бейнефильм.

Сабақ барысы:

1. Ұйымдастыру кезеңі.

Оқушылармен сәлемдесіп, сабақтың ерекше өтетінін мәлімдеу. Бүгінгі сабақта теңізге саяхатқа шығатынымызды айту, оқушылардың қай кемеге отыратынын анықтау мақсатында экрандағы ұяшықтарды таңдату. Оқушыларды «Ар-ұят», «Адалдық» кемелеріне отырғызу арқылы топқа біріктіру.

2. Тыныштық сәті: Жағымды күйге ену «Су асты патшалығына саяхат»

«Жылулыққа толы майшам» әдісін пайдаланып, оқушылар бір-біріне ізгі тілектерін айтады.

3. Үй тапсырмасын сұрау.

1. «Дүрбе нені көрсетеді?» әдісін қолдану. Мақсаты: зерттеу жүргізу.

1. Тапсырма. «Ар-ұждан» тақырыбындағы қанатты сөздерді анықтау және таныстыру

2. Тапсырма. Күнделікті өмірде ар-ұжданды басшылыққа алатын адамдар жайлы оқиға орнынан жиынтық ақпарат ұсыну.

3. Тапсырма. «Әлемдегі барлық адамдар ар-ұжданмен өмір сүрсе, онда әлем қалай өзгереді ?» тақырыбында сауалнама жүргізу.

4. Дәйексөз.

Теңіз маржанының суреті бейнеленеді, маржанның ішінен дәйексөз шығады.

«...Жайнар көңіл, қайнар өмір, Ар ілімі оқылса».

Шәкәрім Құдайбердіұлы

Сұрақтар:

1. Ар – ұждан дегеніміз не?.

2. Ол адамға не үшін қажет?

3. Адам қай кезде ар-ұжданға жүгінеді?

5. Әңгімелесу.

«Адалдық өтемі» тақырыбында бейнеролик көрсету.

Бейнеролик бойынша сұрақтарға жауап береміз:

1. Бейнероликтен қандай әсер алдық?

2. Бейнероликтен қандай ой түйдік?

3. Бейнероликтің ең басты мәні мен мағынасы неде?

6. Шығармашылық жұмыс

«Фишбоун» әдісі қолданылып, өлең шумақтарға талдау жүргізіледі.

1-тапсырма. «Ар-ұят» кемесі.

«Құтты білік» поэмасынан үзіндіге талдау жүргізу.

2-тапсырма. «Адалдық» кемесі.

Шәкәрәм Құдайбердіұлы «Адамдық борышың» өлеңіне талдау жүргізу.

Топтар бір-бірін көңіл-күйді білдіретін смайликтер арқылы бағалайды.

6. Топпен ән айту

Бір үйдің баласындай

Алға ұмтыл тек алға алда қойған мақсатқа

Қол сол еш тайынба сен

Атқан әрбір ақ таңға үміт міндет арқала

Қол соз армандарға сен

Қ-сы

Болашақ жарқын болсын

Бірлікпен орта толсын

Жетелейтін бізді тек алға

Бәріміз бірге бір үйдің баласындай

Қол ұстасып таң қалмай

Жылжимыз сонда тек алға

Бәріміз бірге бір үйдің баласындай

Бірлігімізді сақтай

Жылжимыз сонда тек алға

Бәріміз бірге

Бәріміз бірге қазақ елі

https://youtu.be/Hte-BkqW_c4

7. Үйге тапсырма.

1. Келесі сабақ. №32, «Саңылауы жоқпен сабақтас болма» әңгімесін оқып келу.

8. Соңғы тыныштық сәті.

Мұғалім оқушыларға көздерін жұмып, сабақта не ұнағанын еске түсіріп, оны жүрегінде сақтауды ұсынады. Мұғалім оқушыларға өз мақсаттарына жетулеріне тілек білдіріп бүгінгі сабақ үшін рақмет айтады.

Оқушылар «Өрмекші» әдісін пайдаланып, кері байланыс жасайды.

Үнтаспа

Баяу ән қойылады